TONGKAM: Fim khur tulmi milai pa 7
Nan kiangkap milai, nan hna sungah a lutmi tongkam, nan pehtlaihmi pawl in nan zumnak nun a lo siatsuah thei. Fimkhur tulmi milai phun 7 pawl:

1) Mai nulepa dodaltu
Absalom in a pa David a do bangin mai nulepa dodaltu thawn rualpi that cu thihnung asi. An hlawhtlinnak in rei a daih lo. Cuvek thotho in mah thlarau rawl cawmtu dodaltu pawl lamzin tluan cu tihnung asi.
2) Pathian thu eltu, Pathian thawn duhdan bang aw lo.
Jonah bangin Pathian fialmi tuah loin mai duhnak hmunah a vaktwitu. A tonak lawng sung ah to ve ding khal tihnungza asi.
3) Mai unau parah iksiknak nei in siatsuah duhnak thinlung neitu.
Jacob fapa, Joseph ih unau pawl vekin mai hrangah thiltha a tuah rero tu parah siatnak tuah duhtu, iksiknak in a khat mi. An thuanthu dungthlun cu siatnak, pampi le kum 400 sung sal tannak asi.
4) Mai rawl ei pi zuartu.
Judas vekin mai thlun mi, ca buai parah rawl reipi rero mi dunglam ah phiar sawm zuar thlai thang siat rerotu. Rei lo te ah mah le mah thah awknak tiang siatnak in a dung a thlun asi.
5) Zumnak Nei lo, a sezawng lungput nei minung
Kanan ram hliakhlai dingin thlah mi mi 10 pawl bangin zumnak hnakin beidonnak, thanaunak, rin hlelh nak, tihnak tongkam a suahpi tu, Pathian hnen ihsin a ra mi vision nei lo le zumnak nei lo milai pawl: thanaunak zum lo nak rin hlelh nak suah tertu. Kanan ram lut  lo ding milai pawl.
6) Mai hnatuanpi phiar sawmtu.
Haman vekin mai hnatuanpi dunglam ihsin siatsuah tumtu, thangsiat, zuar thlai, phiar sawmtu. Mi a mawhsiat nak cu a mai parah a tla theh.
7) Phunzai hmang
Israel mi pawl, Pathian in Egypt ram ihsin a hruai suak ih nelrawn ramah an phunzai; an phunzai ruangah an parah Pathian a thin heng. Phunzai hmang pawlin thiltha an tuahmi hnakin an siatsuah mi a tam sawn ringring. Thanau tertu, Pathian Thlarau riahse tertu an si.

Na pehtlaihmi in lo siatsuah hlah seh!