MEDIA POLICY

MEDIA POLICY

May 2016

 

KAWHHRAN SUNG, KAWHHRAN LENG THU THEIHTER AWKNAK

1)   Pulpit par ihsin thu mipi hmai thanmi

       i)         Pulpit par ihsin kawhhran thuthan tulmi lawng a thantu in than ding asi.

      ii)         Kawhhran thuthan tikah dept. hranhran le mimal tulmi pawl cu thuthantu (secretary) hnenah theihter in  than ding asi.

     iii)         Bulpak thu (mipi hnen sawmnak, theihter duhmi) pawl a um asile kawhhran pastor lole kawhhran upa hnenah dil hmaisak hnu lawngah siannak pek asile thuthan theih asi ding.

    iv)         Kawhhran pawnlam ihsin pulpit parah thu than duh a um asile kawhhran pastor hnenah dil in thuthantu in thuthan sak asi ding.

     v)         Kawhhran pawnlam mi in pulpit par ihsin thuthan ding a a dil asile kawhhran hruaitu (pastor/upa) lungkimnak lawng in thuthan siansak asi ding.

    vi)         Pulpit par ihsin ziangtik hmanah lungawi lonak, thusia lam thansian asi lo.

   vii)         Pulpit par ihsin zohman in thuthan ah siseh tettikhan, thusim ah siseh kawhhran kaihhruainak thu, soisel awknak simsian asilo.

2)   Kawhhran mibur hmanmi media:

A. Group mail: google, yahoo, viber, tvp.

      i)         Kawhhran group mail cu media department ihsin moderator   a kai dingih a tuldan in bet asi ding.

    ii)         Kawhhran group mail sungah kawhhran thu, kawhhran member pawl theih tulmi pawl lawng than asi ding.

   iii)         Kawhhran lenglam thu than duh asile kawhhran member pawl hlawkpi ding, thathnempi dingmi, zohman dokalhnak a um lomi, thazang pek awknak pawl than sian asi ding.

   iv)         Kawhhran tlang cabawm sungah thu el awknak, mi pakhat lole mibur pawlkom pakhatkhat hrinhnam kalhki awknak, huat awknak, le mipi theihthiam lo ding thu pawl thlahsian asilo.

     v)         Kawhhran thu le bulpak thu pawl theihfiang duh aum asile tlang cabawm ah siloin bulpak in sut awk asi ding ih senpi theihtulmi lawng senpi hmanmi group mail ah tunavo neitu in thlah asi ding.

B. Social media: Facebook/twiter, tvp.

Social media cu media team kilkhawi ding tuanvo asi ih kawhhran cangvaihnak, zuk, ca, video siseh thazang pek awknak pawl thlah sian asi ding. Social media ah friend list siseh accessibility pawl strict zetin ret asi dingih zohmawi lo ca/zuk/video pawl restricted in tuah asi ding.

3)   Photo:

·      Kawhhran cangvaihnak zuk pawl media team pawl in tuanvo la in a cang thei tawk in record ret asi ding. Hard drive in siseh digital copy online album ah edit tulmi edit in ret asi ding. Zuk le video ah siseh a teltu pawl ih duhlo zawng zianghman public ah post asi lo ding.

·      Photo zuk pawl siseh video le ca pawl cu a sezawng siseh kawhhran tumtah lenglam ah hmansian asi lo ding.

 

4)   Video:

Church sermon, cangvaihnak video zuk pawl khal photo vek thotho in online, digital copy, ret asi ding. Media team remtinak vekin record ret asi ding.

5)   Printed Media:

Media team remruatnak vekin le tuanvo lak thei zat print media neih asi dingih kawhhran policy, zumnak thurin, and tumthami thawn kaih aw mi rahsuahnak tumtah in suahmi asi ding.

 

KAWHHRAN PAWNLAM AH TLANGAUNAK, ZUK, VIDEO, PATHIAN THUTHANGTHA KARHZAINAK HRANG AUSUAHPI MI.

Kawhhran lenglam ah media suahpi thei mi cu online, print, tvp a cang thei tawk in Pathian hmin sunlawinak, Pathian ram karhzainak hrangah kawhhran tumtah le zumnak thurin pawl thawn kaih aw mi pawl suah asi ding.

 

ĉ
Hre Mang,
Dec 6, 2016, 9:06 AM
Comments