KAWHHRAN KAIHHRUAINAK

Kum Zabu 21 Santhar hruaitu lungput 10. 

1. Tuanvo latu asi, midang mawhsiattu asilo. Dinhmun hnget nei ina tuanvo ah rinsantlak in tuantu asi.

2. A tuanvo thawn pehtlaihmi ah leitlun huap fim zirnak a nei ih kilkip in a khaikhawm thiam, zapi ding um lo.

3. A tong vekin tuahtu asi,tong hnakin tuahnak in a sinak a langter. 

4. Midang a hnaihnok lo, midang tuanvo a buaipi lo, bawmtu tha asi ih amah ruangah a telnak mibur thanau ter lo, hmin siat ter lo. 

5. Midang thawn hnatuan tlangdan a thiamih amah hnakin mifim sawn pawl hnen ihsin ruahnak lak hna a thiam. 

6. Zohthimtlak in pumpek nun in mi a hruai. Peknak nun a nei. 

7. Ka thei theh lo ti a thei ih zir duhnak thinlung a nei ringring. 

8. A hruaimi pawl duhdawtnak in a rian ih mai hlawknak hnakin mipi thatnak a thupiter sawn.

9. Lailan nun a nei, a thup a thli in thil tuah a duh lo. 

10. Mi upat a thiam ih a hlawhtlinnak hrangah zo hman a thangsiat lo, a nam thla lo. 

A tlunlam hruaitu mizia pawl hi pawlkom tintian, biaknak, community/society, politics le business field khalah leitlun in a tultuk mi mi pitling lungput asi. 

Santhar mifim mi thiam pawlin an fimnak thiam nak sangbik thawn milai hruaitu tha sinak an hawl suak vivo mi cu kum 2000 lenglo rei ah Pathian zumtu pawlin an rak nunpi, an rak zirh rero zomi, Bible sung mi pitling nintuzia a rak si ziarzar. Amen. Jesuh hmin sunglawi sinsin seh.