Pathian zumtu pitar nu le Pathian a um lo titu putar inhnen:

 

Pathian zumzet tu pitar nu te ih inhnen putar pa cu Pathian a um lo titu asi. Pitar nu te cu a thoh ve ten leng sangka, zaute ihsin “Praise the Lord, Pathian hmin thangthat si ko sheh” tiah zingtin te a au ringring. Cule, a inhnen Pathian zumlo tu pa cun pitar nu au theh ve ten “Pathian a um lo” tiah a insung ihsin ring zetin a rak au ve. Cutin kum reipi an tar tiang inhnen zumnak bang aw lo an rak um ringring.

 

Tumkhat cu, pitar nu te kha a sumpai a cemih rawl ei ding a nei nawn lo. Zanah thla a camih ring zetin Pathian hnenah rawl a dil, “Bawipa, rawl ei ding ka nei nawn lo, rawl ipe aw” tiah thla a cam.

 

A inhnen putar, Pathian zumlo tu pa in pitar nu thlacam a theih tikah a thupten tumtah a rak nei. Zan bazar ah a rak feh in rawl tamzet a va lei. Cule, Pitar nui in tuverk, zaute parah a rawl lei mi cu a thup ten a rak ret. Cule zingpit, Pitar nui thawh hlanah a rak tho ih an inkarlak hrambur lakah a rak relh, pitar nu in ziangtin a tuah ding timi a rak bih ringring.

 

Pitar nu te cu a tho ih a ti kel ten tuverh, zaute ah suak dingin sangka a on tikah tukverh zaute parah rawl tampi retmi a hmu. Cutikah “Praise the Lord, Pathian hmin thangthat si ko sheh!” ati ih a au ciamco.

 

Cule veten, an innri te ih hrambur lak ihsin putar pa cu a hung ding suak ih “Pathian a um lo, keimah so khaw rawl lo leihtu” ati. Putar pa cu diriam zetin a au ih a khir ciamcoih pitar nu cu a hnihsan ciamco.

 

Pitar nu cun rei nawn mittthep loin a zoh hnu ah, “Praise the Lord, Bawipa ka lung a awi tuk, rawl ei ding ka neih lo laiah rawl ipek ruangah ka lungawi tuk. Culawng hman si loin ka rawl ei ding man cu satan na pek ter ruangah ka lung a awi tuk” a ti.

 

Putar pa cu ti ngaihnak thei loin a lu a thing ih an inn ah a tlung ta.