Pastor dilnak
Kawhhran pakhat ah pastor an tul. Kawhhran zapi te lungkim mi pastor hmu thei dingin kawhhran upa pawlin an hawl mi tampi dilnak an hnawl sak hnu ah kawhhran upa pawl pastor thu reldingin an to khawm. An chairman pa in kawhhran upa pawl hnenah a tu neta dilnak kan pawm lo asile kan ngah thei nawn lo ding ti in committee hmaiah a dingih pastor dilnak ca pakhat a siar:
Rinsan tlakmi upa pawl: Nan kawhhran ah pastor an nei lo ti ka rak thei ih ka dil le a tha ding ti ka ruat ruangah dilnak ca ka lo kuat. Fimthiamnak tampi ka nei. Ka thusim ah ka hlawhtling zetih ka cangan tla an tha zet. Pawlkom hoha tla thiam zet tiah mi in inti. Ka umnak hmun pohpoh ah hotu ka tuan vivo. Kum 50 lenglo ka si zo. Ka umnak hmun pakhat ah kumthum hnakih rei thu ka sim dah lo. Hmun hrekkhat cu ka thu sim ruangah buainak a suak ih thu el awknak le tawh awknak a buai tuk ruangah ka tlansan theu. Fiangten ka lo sim tul in ka thei; voi thumli lai thawng tla ka tla zo, asinan keimah thilsual tuah ruang ahcun asilo. Ka hriselnak tla a tha tuk lo, asinan ka tuanvo cu thaten ka tuan thei ko. Thu ka rak sim dahnak kawhhran pawl cu kawhhran fate deuh lawnglawng an rak si, khawpi sungih a ummi kawhhran an sinan. Thu ka simnak le rawngbawlnak khua ih biaknak lam hruaitu pawl thawn kan rem aw thei lo theu. Rem awk lo men lawng hman si loin voi ziangmawzat tla cu taksa hliahma put ding khawp in in tuahmawh theu. Ka thuanthu pawl hi thitha in cangan ih ret pawl ka si lo. Baptisma ka pekmi hmin pawl tla ka theih hngilh hnuaihni. Asinan, nan kawhhran ah pastor tuan dingin in ruai asi ahcun ka ti thei tawk a tha bikin ka zuam ding.
Hipai dilnakcu chairman pa in a siar theh hnu ah kawhhran kommitte pawl cu “ziangtin nan ruat, Pastor dingah ka la pei maw? Tiah a sut hai.
Kawhhran upa mitha pawl zapi ten an phun supso, an ngengngeng ciamco. Mi damcak lo, buainak suahpi ringring tu, thu cingkeng tha thei lo, thlawngtla suak, cuvek milai in kan kawhhran ah pastor tuan dingin ziangtin a dil ngam? tiah an phun celcel. Mi aa maw si? Zosi cuvek mi puarthau le porh aw? Zo ih dilnak asi? Zo ih kutnam si a hnuai ah um? An ti ih an phun celcel.
Cutin, an kawhhran chairman pa cu a ding cuahco, ih kawhhran upa mitha pawl cun an mitthep loin an zoh lai ah chairman pa in “Ca ngantu, pastor diltu cu Dungtlung Paul sign mi asi” ati.
#2. Pastor pai cakuat dawn mi
Cawlhni zing zingkhat cu pastor pa kha biak inn ah khawm aw dingin a feh phah ah Biak inn sungih cakuat bawm a vun zoh. Pastor pa hmin ngan mi envelop tumpi a hmu. Cakuat cu lungawi zet le phur zetin a vun ong lohli ih cahnah phek pakhat par ah cafang tumzet fiang zetin “MI AA PA” tiah ngan mi lawng a hmu.
Cule Pulpit parah a cakuat dawn mi cu a keng ih thu a sim zawngah, hitin mipi hnenah a sim:
Tutiang ka tar zik cuahco thlangih cakuat tampi ka dawng, mi tampi cu cakuat an ngan hnu ah an hmin ngan an hngilh theu tikah zo ih ngan mi asi ti in a sungthu le an kutngan tla ka zoh rero theu. Asinan, tuitum cu ka hmuh dah lo mi cakuat ka ngah, cakuat tu pa in a hmin lawng a ngan ih a sungthu a ngan hngilh.
Source: www.jesussute.com |