Cun, ka family, ka nupi le fate in in lungkimpi ih in support nak parah  ka lungawi, a bik takin ka nupi Ginny nu in thlacamnak in siseh ziangkim  in dinpinak parah ka lungawi. 

 Pastor ka tuannak Falam Christian Church of Indianapolis (FCCI) upa pawl ka rawn tikah in lungkimpinak parah ka lungawi. 

Chin Community of Indiana, President Pu Lalsui Thawnghmung le hruaitu pawlin Perry School Board ah zuam dingin thazang in pek, in support lawng si loin a thok ihsin election ni tiang campaign ah tuanvo an lak ruangah kan hlawhtlinnak khal a si. Lungawithu simcawk lo ka nei.

      

Thla in camsak tu pastor hnatuanpi pawl le zumtu unau pawl parah lungawithu sim cawk lo ka nei. School Board ah zuam dingin tumtah kan thok ihsin Rev. Dr. Hre Kio ih thlacamnak in kan thok. Chin Ministers Fellowship of Indiana (CMFI) pastor pawl, Rev. Ram Maung le pastor tuanpi pawl in thla in camsak. Myanmar Baptist Churches USA ih pastor pawlin thla in camsak. Indiana Chin Women Fellowship pawlin thla in camsak. Campaign dinner ah a suakkhawmtu pawl lakah Rev. Dr. Valthang Matu le Rev. Van lal Dinga in thla in camsak. Pastor tuanpi le zumtu hrek khat in kan inn ah ra in thla in camsak, hmun tintian ihsin zumtu pawl in thlacamnak in in bawm, a sunglawi hleice. 

Campaign team pawl nasa ten an cangvai. Meeting voi tampi kan tuah, mi tawn ding tampi kan tawng. Zapi ten hmin sal thei lo ding nan, a bik takin tuanvo latupawl tla cu, Campaign Manager-Pu Peter Thawnghmung, Treasurer- Fl. Van Sui & Pu Cung Bik Zaathang, Fundraising In charge-Pu Rome Thalop & Pu Peter Aung, NextgenChin leader-Mai Rosie BawiTha Par, Media-Mai Beth Par & Pu Al Bik Zaathang, NextGenChin mobilizer-Mai Sui Len Par, Legal adviser-Pi Lun Kham Pieper, Community outreach-Pu San Hlei Thang, le nasaten cangvaitu pawl, Pu Than Hre, Pu Peter Biak, Pu Eric Zawtha, Pu John Thawnghmung, Pu Van Tuah Piang, Pu Van Lian, Rev. Van Lal Dinga, Rev. Lal Kawl Tir, Rev. Van Tha Kam, Rev. Zozum Kuihon, Rev. Ram Maung pawl tla in lamzin a phunphun in in bawm. USA, Indiana ah a tu tluk in Chinmi zapi ten tangrual in cangvaihnak kan hmu dah lo tluk asi. America ram senpi hrilawknakah Chin mi kan telnak voikhatnak tla asi ih Chin students mi 5,000 tluk tlawngkainak ah school board ah tel ve dingin kan zuamnakah zapi ten tanrualnak ruangah kan hlawhtlinnak asi. Nan zate parah lungawithu simcawk lo ka nei. 

Indy Chin restaurant pawl, Chin Brothers, KIMU, MIMI, Yangon, Asia Wok, Esther’s, IMBI pawlin campaign dinner hrangah rawl siseh sumpai n in siseh in supportnak parah tampi lungawinak ngaingai asi. 

Media lam in tuanvo latu pawl, Pu Al Bik Zaathang in online media thawn, Photo zuktu, Eliezar Lian, Beth Par le rualpi pawl, Chin TV live thlahtu, Robert Turner le media team pawl, campaign clips le photos le social media in siseh a phunphun in nan rak zuamnak parah lungawithu sim cawk lo a um.

Indiana ummi Chin mi lawng siloin Kachin unau pawl tla nasa ten in  telpi ve. Kachin miphun hruaitu, U Ma Ran Naw, Rev. Zaulawt Lahphai, Rev. Maw San Aung, le rualpi pawl tla in telpi. Lungawithu simcawk lo kan nei. 

Tuikum ah kumdang vek si loin voter registration tuah dingin Chin Community le biaknak lam ah biak inn tampi ah campaign nasa ten nan tuah, School Board ah ngah ding rori in kan zuam tlangnak ruangah Pathian in hlawhtlinnak in pekmi asi. 

Cun Perry School ah Chin mi zapi te aiawh in Community Liaison officer in tuansak tu Pu Van Ceu Uk hi tlawng hnatuan asi vekin official in campaign ah a tel thei lo nan Perry School ah board member kan um theinak dingah tawlrel biktu lakah a tel, thazang in petu, in forhfial le in support ringring tu asi. Lungawithu simcawk lo a parah ka nei. 

Campaign dinner tuah tikah mino tete hlasak dingin an ra; Dinner program katu, Beth Par, hlasaktu, Dawt Tin, Ruby Par, Olivia Sui, Biak Tha Sung, hla mawi saknak in mipi in awi. Lungawinak an parah tampi a um. Speaker thutawi simtu, Senator Jack Sanlin, Rev. Dr. Hre Kio, Key note speaker Campaign Manager, Chin Community Presiddent Peter Thawnghmung, Fundraising Manager Rome Thalop, le team member zapi te le a suaktu zapi hnenah lungawithu sim cawk lo a um. 

Indianapolis ih non-profit, community foundation dang tete pawl nasa ten tan an la ve. Indiana Falam Community hruaitu in Yard Sign hmun tampi ah an ret vivo, Hope For Tomorrow Salai Justin Thang tla yard sign la tahratin nasaten tan an la, mino pawl siseh nulepa community members pawl thawn, zapiten tanlak cio asi. Indiana Chin Women Fellowship in Laikawr mawite in then tlunah thla in camsak. Lungawithu sim cawk lo asi. 

Election ni ah volunteer kan tul. Perry Township district ah vote thlaknak 20 a ummi ah yard sign tartu hi Chin fala pahnih an si, Fala Van Sui le Fala Rosie Bawitha Par, hnatuan nei, buzy zet veve an sinan zan hnatuan hnu ah le zing hnatuan hlanah vote thlaknak ah an feh ih campaign sign an tar. Upat tlak, cawn tlak zet an si, lungawithu sim cawk lo an parah ka nei. Vote thlak ni ah tlawngta 20 leng lo vote thlaknak hmunah campaign sign an keng ih mipi cibai buk in sawmnak an nei. Mino tampi an thangphawk, an cangvai. Keitla volunteer ka tuan duh ve an ti, volunteer an tuan, lungawithu simcawk lo asi. Cupawl lakah hmin ngan tel mi pawl tla cu ,Samuel Thang, Te Van, Ro Bik, Lolo Paw, Suan Sang, Dawt Hnem Chin, Rem Sanga, Dawt Khun Iang, Han Ni Pwa, Tial CHin Thluai, Jabez Hre, Chanza Lian, Sonia Awi, Nem Te, Mi Di Yam, Bawi Tial, Ngun Hlei Chin, Bwi Tha Chin, Samuel Thang, Biak Bawi, Mathew Duh Cung Lian, pawl tla cu zing 6 AM ihsin zanlam 6 PM tiangah vote tlaknak ah volunteer an tuan. Hmin ngan tel lo mi pawl tla mi tampi in inn hmaiah yard signs tarn in siseh inn hnen le rualpi pawl sawm in siseh tan nan la cio. Nan parah lungawithu simcawk lo kan nei. 

Tuitumah mipi tampi tan kan la cio. A tu vekin kan tan tlang vivo asile hmailam ah kan mifim mithiam tampi in civic leadership, mipi kaihruainak ah an tel vivo ding. Township, city, le state government ah siseh Federal level tiang khalah tuanvo latu kan si vivo ding. 

Tantlang cu cahnak asi. Thil fate sihman sehla Pathian in in thlawsuah tawkah lungawi sopar ten kutkai in kekar vivo uhsi. A tlu a bah mi tungdingin a thangso mi sawmso vivo ding, kan zaten hrangah a tha sinsin mi community, kan fale hrangah fimthiamnak ah siseh pumcawmnak hrangah siseh a tha bik hmailam an neih theinak dingah kan zate liangparah a thum aw mi asi. 

Ramleng Chin miphun unau pawl, tuitum tluk in lungrual ten suak khawm in cangvaihnak kan hmu hrih lo. Biaknak pawlkom tinkim, Chin miphun hrinhnam, peng tinkim, tlangtlang in kan miphun Pathian hennah thlaza kan cam kutkai in kan cangvai, bamgbangza Pathian kutcak a lang. 

Chin miphun kan lung a rual. Biaknak pawlkom pakhat, hrinhmam social pawlkom pakhat ah kan um theh a tul lo. Kan zapi hrangah a tulmi thu pakhatkhat a um tikah kan zapi ten kan tang tlang, senpi zapi hrangah pumpe nunpetu an um tikah kan zaten dunglam in kan dinpi timi tuitum ah kan langter zo mi asi. 

Tuitum ah campaign manager le key leadership team pawl, tuanvo latu, thlacamsaktu, sumpai thawhtu, le ei in thawhtu, thazang suah in tikcu petu, lamzin a phunphun zuamtu, nan hmin sal theh thei lo hman sehla, nan duhdawtnak le tanpinak parah lungawithu sim cawk lo ka nei. Pathian in a letza in thlasuah lo pe sinsin cio hram seh. 

Chin Miphun lawng asilo, kan kiangkap kan umnak kipah miphung dang khalin thutha, senpi hrang thatnak kan dinpimi thupi hlapi ah in dinpi ve ti fiangten tuitum ah kan hmu. Ziang miphun ti a um lo, kan dinpimi thu cu zapi hrang thatnak asi ih dingfelnak in thianghlim ten Sersiamtu Pathian hmin sunlawinak hrangah a sersiammi milai pawl thatnak hrang kan din tikah mangbangza in miphun tintian kan lamtang asi ve ti Pathian in in hmuhter asi. 

Kan dinpimi cu rikham bahpal in zapi hrang tha hmailam thuanthu tha sersuak ding asi. 

God bless you all. 

Pastor Hre Mang