Zangfahnak ah tthanglian dingin

1. Duhdawtnak: Midang hnen ihsin mai hlawknak, hminthatnak, hawl na tum maw, midang hrang tthatnak le zumnak le duhdawtnak in an tthansoh thei nak ding hrangah duhsak nak taktak na lungsungah ihsin a luang suak maw? Na neihmi le theih mi pawl kha a hlawkpi tu ding pawl hrangah siangzet le phurzet in thinlung hlawptlonak thawn pek ding na man cia ringring maw?

2. Thlarau luahkhat: Hruaitu cu ziangtik lai khalah Thlarau ih luahkhat mi asi a tul. Na nitin nun khawruahdan, na ttongkam, le tuahnak cangvaihnak pawl kha Thlarau Thianghlim thununnak hnuai ihsin a si maw, na tisa sinak in na nung ti na thei aw aw maw? Thinhengnak, eltainak, zuam awknak, lungawi lonak, lamtang tuahnak, thleidannak, tvp, tisa mizia in a rah suak mi pawlin na nun a lo thunun maw, Pathian Thlarau thunun nak hnuai ah na tuhlut aw aw maw?

3. Huham/Cahnak: Thinlung ah rinsanmi huham cahnak khuitawk ah na hngat awaw? Milai cahnak, Pathian cahnak, hotu, sinak, dinhmun? Na nitin nun ah a tlengmi kawhhran ah siseh lenglam ah siseh Pathian kutcak langmi na hmu/tawng maw?

4. 2) Tuahnak ih lungthlitum tawp: Nitin na tuah mi pawl, kawhhran, insang, le hnatuannak ah siseh na tuah mi pawl kha ziangruangah ziangtluk ttha in na tuah/ttuan? Na tuah mi ziangkim hin Pathian hmin a sunlawih maw? Nangmah le nangmah porh awknak, ei in hawlnak fangfang asi maw? Ziangin na tuah mi alo tuah ter?

5. 3. Larnak:

6. Ka khawruahnak ah ziangkim ka tuah mi hi mi tampoh le langhngan poh le a ttha ti ah ka ruat maw? Thuken dinpi nak hnakin mi zapi ti lungawi tum in ka cangvai maw?

7. 4. Mipi: Mipi/midang duhnak hi a thupi sawn le ret in tuanvo neihmi hlei ah a tulmi ah pum ka pe aw thei maw? Mai duhnak le mi lak ih lar duh ruangah el awknak ka suah ter maw, mipi duhnak ka rian sawn asi? Midang mawhsiatnak thinling ka nei maw, an ttulmi tuan dingin ka pe aw sawn?

8. 5. Daihnak: Ka kiang um pawlin ka mithmai, cangvaihdan le lungput an hmuh tikah ttihnak le huphurhnak an neih phah maw, ikfik nak le hngir tteu phah in ka cangvai maw? Ka kiangkap um pawlin daihnak le hnangam zetin an cangvai maw?

9. 6. Tisa mizia theihfiangnak:

10. Tisa mizia ih mi ho/uk duhnak thinlung thawn hruaitu si duhnak cu midang par ah thuneih duhnak, mi uk duhnak, midang thawn zuam awknak thinlung thawn cangvaihnak in a langter. Na thinlung sing ihsin a puaksuak mi duhnak pawl lak ihsin tisa le thlarau ih rahsuak mi duhnak pawl na thleidang thiam maw?

11. 7. Pathian kawhnak: Hruaitu cun Pathian kawhhnak fiang zetin a theih a tul; ziangtin Pathian in a lo ko? Ziang tuah dingin a tu na umnak ah na um? Ziangtin Pathian in tui na dinhmun ah a lo thlen ter?

12. 8. Mizia: Hruaitu sinak ah a thupi bik pakhat cu tangdawrnak asi; midang in tangdawr zetin an lo hmu/thei maw? Midang in mai hmakhua sial, mai hrang cang-ai khawrh in an lo hmu maw? Midang hnakin thlarau mi sawn vekin na thei aw aw maw, midang hnen ihsin zir ding ka nei ringring asi ti na thei aw aw maw?

13. 9. Sunmang: Hruaitu cun sunmang fiangzet Pathian hnen ihsin a neih a tul; khui tawk ah ka feh ding ti fiangzet in na thei maw? Sunmangttha cun midang a hip vivo.

14. 10. Fimnak : Hruaitu cun Pathian hnen ihsin ngah mi fimnak a ttul, cui fimnak cu thuthluk (decision) tuah nak, thleng ttulmi thlengnak, le mawhphurhnak ttuansuaknak hrangah hmang in langter ding asi.

15. 11. Zumnak:.Hruaitu cun harsatnak, dodal tu, sawisel tu le relse tu lakah mah le mah porh awknak tel loin zumnak in a ke a kar ngam a ttul.

16. 12. Mawhphurnak: Thil a fehsual mi ah siseh tuah ttulmi a thlen tikah mawhphurnak na la maw, midang mipi tthatnak hrang mawhphurnak na la ngam maw?