2008 FCCI Youth leadership Training package

KHRISTIAN PAWLKOM KAIHHRUAI AWKNAK

           

==============================================

 

 

A SUNG THU PAWL

 
  1. Kawhhran hruaitu:

i)                    Pathian thawn peh zawm awknak,

ii)                     mimal nun,

iii)                 Midang thawn pehtlaih awknak,

iv)                  Hruaitu thuken

  1. Hruaitu ttuanvo:

i)                    Nuntu mizia,

ii)                   Tuuanvo

  1. Pawlkom DIndan:

 i) Zir rero, tthang rero mi pawlkom,

 ii) Santhar hruaitu le pawlkom,

 iii) FCCI kawhhran dindan ruangzing.

  1. Kawhhran Rualremnak
  2. Evangelican Khristian:

i)                    Evangelical Khristian timi ziang asi?

Ii) FCCI zumnak thuhram,

 iii) Zumnak thurin fimkhur ttul mi

  1. Tthansohnak:

i)                    Tthan na duh asile,

ii)                   Na do tul mi raal,

iii) Thlarau Tthansohnak

  1. Sawiselnak: By Tom Pryor,

i)                    Sawiselnak phunphun,

ii) Sawiselnak ttobul,

 iii) Sawiselnak ziangtin kan hmaiton ding?

  1. Tumtah ruangzing dan
  2. Meetings:

i)                    Meeting 101,

ii) Meeting thukam pahra

 

 

 

 

 

 

 

 

I. KAWHHRAN HRUAITU

HRUAITU

I. Pathian thawn pehzawm awknak:

1.                   Hrinthar/Sersiamtharnak/Pathian thawn pehzawm aw mi: Hruaitu cu Khrih ah Pathian thawn pehzawm awknak a nei tu asi hrimhrim a ttul. Ziangah tile mi pakhat Pathian Thlarau in a cencilh mi lawngin vanlam thil theihthei nak a nei. A tawizawngin Pathian ih theih mi le Pathian thei tu asi ding.

2.                   Pathian kawhnak: Pathian kawhnak cu ziangtin theihtheih asi ding? : Pathian in a kawhmi, hnattuan a fial mi, Amai tumtahnak vekin a kawhmi lawngin mibur hrangah Pathian thiltum le duhmi khal theihtheihnak a nei.

i)                     Thinlung sungah meisa bangin Thuthangtha simsuak dingin kaang alhtu (1 Corinthians 9:16, Jeremiah 20:8-9).

i.                                                             Thlarau laksawng co mi vekin: Pathian in mi pakhatkhat a kawh tikah a rawngbawlnak hrangih a tulmi thlarau laksawng khal a pek asi. Ephesians 4:11).

ii.                                                            Theihpi tu zumtu dang pawl theihpi nak in: Dung 6:3

2.                   Mahlemah hnawl aw aw(Self denial): Hruaitu cu amah milai duhnak hnakin Pathian duhnak le tumtah kha thupi sawnah a ret ringring, Pathian le amah karlakah zianghman in hmun a nei lo ih amai nunnak liam tiang khalin Pathian duhnak tuansuak dingin a pe aw aw. (Lk. 9:23-25)

3.                   Pathian Thlarau Thianghlim thununnak: (Rom 8:9) Hruaitu cu tisa thinlung ih thunun mi si loin Khrih ih Thlarau Thianghlim ih thunun mi asi a tul. Dung 6:3, Thlarau le fimnak in a khat mi asi ding.

4.                   Thutak thuken theihnak: Rom. 8: 5-8, Thlarau Thianghlim thunun, le kaihhruai nak hnuai ah a tuhlut aw tu asi dingih milai ruahnak le Pathian thutak thleidang thiamtu asi ding.

5.                   Thutak thuken nuncilh nak: Thutakin a nun an hmuh tikah Pathian an cawimawi ding.

II. Mahlemah:

Mimal nun: Hruaitu sinak cu pianpi le zircawp mi asiih hnatuan kaihmi ruangah si loin lungput le nuntu mizia in a hrin suak mi tuahnak in a langmi asi sawn. Cuvek hruaitu pawl nunah a hnuailam vek pawl hi hmuh theih asi. Hruaitu nitin nuncan le mizia, a insang le mimal nun zoh tikah Pathian a cawimawi maw, satan a cawimawi sawn, timi hi hruaitu tehfang tthabik pakhat asi.

6.    Sunmang: Hruaitu cun mi senpi hmuh le theih ban lomi, Pathian in a milesa pawl hrangah a tumtah mi, tumtah-sunmang, zumnak mit in hmuhcianak a nei ih khuitawk lamzin ah afeh, khuitawk ah a tawp ding ti a thei fiangih cui lamzin ahcun dungsip loin a feh theu. CUticun ziangvek man pek a ttul khal asile hruaitu cun cui sunmang a hlawhtlin theinak ding hrangah cat bang loin a feh ttheu.

7.                   Mah le mah theih awknak: Hruaitu cun amai cahnak le cah lo nak a thei aw aw ih ziangkim thei ttheh tu asi lo ti khal a thei aw aw. A theih mi sung ihsin a sim ih a tuah, cule a theih lo mi ah a thei tu hnen ihsin zir a hreh dah lo ih a zir ringring sawn.

8.                   Mah le mah thunun awknak: Hruaitu cun midang a thunun hlanah amah le amah a thunun aw hmaisa. Thlarau rah, Gal. 5:23; ziang sal hmanah tang lo ding, 1 Corinthians 6:12; tisa cu khenbet in umzo, Galatians. 5:24. Pathian in “thunun ding” in pek mi “mah le mah” hi asi.

9.                   Mah le mah rinsan awknak: Hruaitu cun a tuah mi parah hnget khoh zet zumnak a nei ih ziangkim a tuah mi ah mah le mah rinsan awknak thawn a tuah theu. (Pathian in ifial mi cu keimah cahnak si loin Pathian Thlarau in keimah hmangin a tuah duh mi a tuah sawn asi ti fiang zetin zumnak mit in a hmuh tikah milai cahnak parah si loin a cakter tu le thiltha a tuah ter tu Pathian ruangah rinsan awknak thawn thil a tuah theu).

10.               Thinlung tthenhnih aw theinak: Hruaitu cun fianhrial zetin Pathian Thlarau thu a rawn hmaisa ih a sung muril ihsin a suakmi ruahnak thiang le fim thawn khua a ruatih ziangkim a tuah theu tikah a tuah mi le thuthluknak parah thu tthenhnih aw zetin a tuah theu. Galatians 1:10, 2 Corinthians 4:16, 2 Corinthians 4:8. Mah le mah hman rin aw hnai lo hruaitu ah zohman in thlun an duh lo.

11.               Mi law: Mize pawl hruaitu an si thei dah lo. Tikcu cantha zoh in taima zet in hnatuan tu, Eph. 5:16), hmailam can thleng lai ding zoh in hnatuan tu John 9:4, a tikcu te ziangkim ttuanman an ngah lai ding ti thei tu Gal. 6:9, Pathian hmin hnatuan mi zianghman a lak asi lo ding ti thei tu, 1 Cor. 15:58, Pathian huham cahnak le zangfahnak in an sung in hna a ttuan ti thei tu, 1 Cor. 15:10, thazang neih hmuahhmuah in hnatuantu an si sawn, Col. 1:29. Matthew 11:27, 28 and Philippians 4:7, 8 and Isaiah 64:4.

12.                        Rin-umnak, raltthatnak, rin tlakmi sinak: Hruaitu cun a nuntuzia le lungput cu a tuah nakin a langter tikah a mah a thei fiangtu pawlin anmai siatnak tuah tu asi lo ti an theih fiang tikah rinsannak le tlaihsannak lungthin a neihter. Cuticun amah khalin midang tthatnak hrangah ziangkim a tuah mi asi ti a theih fiang awk tikah raltha zet in ke a kar ngam theu.

13.               Tumtah mi ah pek awknak: Hruaitu cun a tumtah mi, tuanvo a neih mi tuah suak dingin ziangvek man pek a tul khal asile a pek theu, amai lungawinak le nun nuam/nun-awlsam tanta khalin midang hrang tthatnak le thiltha a tumtahmi tuah dingin a pek awk sawn theu. Milai phurnak le nuam ti zawng, kiangkap milai in ziang an sim ti mi parah a hngat aw lo ih a tumtah mi le ttuanvo tuah suak dingin milai tisa duhlo zawng dinhmun khalah rinum zetin a ttuan suak sawn theu asi

14.               Phurnak le lungawinak: Hruaitu cu ziangvek can khirhkhan le milai ruahnak in a cang thei nawn lo ding dinhmun khalah a tumtah mi le a tuanvo mawhphurnak a liangparah a tthum aw mi cu phur le hlawptlo zetin lungawi siamso ten (hnihsuak sai phahin) a ttuan theu.

15.               Cawlh hahdam thiamnak: Hruaitu cun ziangvek le ziangtluk buainak kar lak khalah cawlh hahdam a thiam ih hmailam saupi a tumtah mi tuahsuak ding tiang ruatin a thazang le tikcu hmanrua pawl hman a thiam theu. Ziangtluk in a ttuan in a tha a bang hmanah midang hnakin ttuan hleice le thiltha tampi tuah cuang vekin a porh aw dah lo ih a ttuannak a hlawkpi tu pawl hmai ah mithmai zoh ngam lo dingin a lang dah fawn lo.

16.               Ttihnung lakah hmai tuang ngam tu: Hruaitu cun tthatnak tuahsuak dingin amai lungawi zawng le duhnak pawl tlansan in siseh a ttul asi ahcun amai nunnak tiang hman liam ding tiangin thiltha tuahsuak nak ding hrangah a pe aw sawn theu. Thil tuah sual pang mile dunglam thu ah a hngat aw lo ih ziangkim hmuhton mi ihsin zir in hmailam thiltha sawnah a thinlung a hngat aw ringring.

17.               Mawhphurhnak la tu: Midang mawhsiat tu le fial mi lawng tuah tu si loin a famkim lo mi le a tlasam mi a hmuh tikah tttuan vo a la in tthatnak hrangah a ti thei tawk suah in a pum a pe aw sawn theu.

18.               Khawruah thiam nak, lamzinthar hawl thiamnak: Hruaitu cu a tumtah mi tuahsuak dingin lamzin pakhat lawngah a hngat aw lo ih Pathian in lamzin a onsak mi sawnah hngat aw aw in Pathian pek mi fimnak, khawruah thiamnak le hmanrua tha pawl cu hmangin lamzin a hawl thiam theu.

19.               Tuah mi parah thazang le thinlung ruahnak zapi ten phur zetin tuah theinak: Hruaitu cun a tuah mi parah thinlung taksa le ruahnak thawn phur zetin a ttuan ih thinlung hrekhat thawn siseh tthuktthun le phunzai phah in zianghman a tuah dah lo.

20.               Ziangkim hi a hmun lo vekin thleng awknak hrang sangka a ong sawn theu: Hruaitu cun ziangkim hi a hmun ringring lo ti a thei ih thiltha suahpi tu ding, a rianmi mipi hlawknak hrang thleng tul mi thleng dingin a timtuah cia ringring. Cuihleiah, amah in a thlenpi nak hmun hnak ih hla le tha thleng thei dingin a kaihhruai mi pawl duhsaknak a nei sawn.

21.               Thinsaunak le pek awknak: Hruaitu cu tikcu le can a zoh thiam ih rei lo te hlawknak, hminthannak, nuamnak hrangah siseh rei lo te harsatnak le sunnak ruangah siseh a tumtah mi lamzin dal dingin zianghman a tuah dah lo.

22.               Tthatnak hrangah a hlei in kekar zuam tu: Hruaitu cun ttuanvo, sumpai le upat hmintthatnak ngah duh ruangah si loin thilttha tuah thei ding dinhmunah a din tikah mi zohman theihpi lo khalin thiltha a tuah theu. Amah hnakin thasawn le felsawn in tuah thei tu an um tikah tumtah mi thiltha a suah thei nak ding ruat in lamzin daltu ah a ttang dah lo.

III. Midang parah: Pathian in tumtah le duhdawtnak sungah tthanglian dingin midang tungding tu, amah a duhdawt tu le a hua tu pawl rualran ten a duhdawt thei tu le rian thei tu

23.                        Thleidan nei lo: Hruaitu cun a kaihhruai mi mipi lakah amah a duh deuhtu, hua deuh tu, amah in a duh deuh mi, duh lo deuh mi khal an um thei, cumi lakah rualran ten a pehtlaih thiam ih thleidan nei loin mi senpi hrang tthatnak hrangah a pe aw sawn.

24.               A thazawng ih hmuhthiamnak: Hruaitu cun Pathian rawn hmaisa in ziangkim a tuah ih Pathian in a pek mi fimnak le khawruah thiamnak hmangin ziangkim a tuah tikah ruah lo pi le milai duh lo zawng in thil a cang mi par hmanah Pathian in tthatnak hrangah a hersak thei asi ti a thei cia ringringih ziangkim a tthatnak zawngin a hmu thiam. Midang pawl cu amai hlawknak le hmakhua hrang ruatin a zoh lo ih Pathian in ziangtin a hmu timi sawn kha thupi sawn ah a ret ringring.

25.               Midang tuah mi parah hngat aw lomi hma la tu sinak: Hruaitu cun thil a cang mi parah midang mawhsiat, lole, mai hrang tthatnak ding a hawl lo ih amai liangparah Pathian in ziangvek ttuanvo a pek ih ziangvek canah ziangvek mawhphurnak a nei timi sawn a zoh ringring tikah a mawhphurnak parah a taw a tlai dah lo ih midang mawhsiatnak in a tikcu a cem ter in a canttha a liamter dah fawn lo. Midang in an tuah ruangah, tha an ti ruangah si loin amai sung muril ah mawhphurnak nei in a theih awk vekin tuah ding mi sawn cu ralttha zetih a fehpi sawn theu. A lungawinak le tuahnak cu midang tuah mi parah a hngat aw dah lo.

26.               Midang tthatnak hrangah pek awk duhnak: Hruaitu cun ziangkim a tuah nak cu amai hrang hlawknak si loin a tuah mi le tuan mi thawn a pehpar mi midang hrang hlawknak, tthatnak ruatin ziangkim a tuah tikah a ngah mi parah a phunzai dah lo ih a peksuak mi parah a lung a awi sawn.

27.               Hmintthatnak: Hruaitu cun a tuah mi le ttuanmi ruangah zo in hminthatnak an ngah ih zo in cawisan an hlawh timi hnakin a tumtah mi ttuansuak ding kha thupi sawn ah a ruat ringring. A tuah mi ruangah mi zo hnen hman in cawimawinak le hmintthatnak a phut dah lo.

28.                        Mah vek midang pawl thawn pawlkom le pehtlaih awknak : Hruaitu cun amah vek thiltha tuah duhtu pawl thawn kutkai in ke an kar tlang theu ih amah lawngin ziangkim a tuah ttheh thei lo asi ti a thei aw aw.

29.               Zohtthimthlak nun: Hruaitu cun midang thunnunnak le kaa in simnak in sisawn loin amai nunah a tumtah mi le nun-thuken lam hawi zawng nuntu ziaza le tuahnak in hmai a hruai sawn theu.

30.               Bang awk lo nak upat thiam: Hruaitu cun milai mizia, duhdan, hmuhdan, le pianken bang aw lo mi pawl upat hna a thiam ih ziangkim in hmun le can an nei a si ti thei in rualrem ten mi zapi ttangkainak ding lamzin a hawlsak sawn theu.

31.               Mai hrang hlawknak le ngah nak hnakin midang rian dingin pek awknak: Hruaitu cu midang hnen ihsin ziangvek upatnak, cawimawinak, canpual tha ziangvek ka ngah timi hnakin a neihmi, theihmi, tuah thei mi hi zovek milai in ziangtivek canah an hlawkpi ding timi sawn kha a ruat ringring ih canttha hngakin thiltha tuah dingin a timtuah aw cia ringring.

32.               Tuahnak in rinsannak: Midang upatnak le rinsannak cu midang hnen ihsin a phut dah lo ih a dil dah lo, a nun le tuahmi parah midang in an pek mi sawn asi ti thei in midang a vuivai dah lo.

33.               Midang lungawinak siahsuah tahhratin mai hlawknak hawl dah lo: Hruaitu cun midang lungawinak le hlawknak siatsuah tahrat in amai hmakhua a sial dah lo.

Hruaitu thuken le sinak

 

  1. Hruaitu cu Pathian thinlung keng, Pathian thawn neihniam zetin nitin a thlang leng mi, Pathian thawn pehzawm awknak nei mi asi.
  2. Hruaitu cu Pathian ih kawhmi le thiambik laksawng pek mi asi.
  3. Hruaitu cun Pathiang rawngbawlnak hmai a hruai
  4. Hruaitu cun amah le amah a thei aw aw ih a cahnak le thiamhleinak pawl hman a thiam
  5. Hruaitu cu Khrih nun vekin nung in Khih thawn neihniam zet pehtlaih awknak a nei.
  6. Hruaitu cu Thlarau Thianglim thununnak hnuaiah a nung
  7. Hruaitu cun thuneihnak, larnak, le nuamnung cennak le thlemnak phunphun a neh
  8. Hruaitu cun Pathian thutak thuk zetin a thei ih a nunpi
  9. Hruaitu cun mah le mah thunun aw thei nuntu ziaza mawi a nei
  10. Hruaitu cu Khrih hmuihmel keng nuntu ziaza a nei
  11. Hruaitu cu thinlung a kuai mi le tangdawrnak lungput a nei
  12. Hruaitu cu dingfelnak, rinsan tlakmi sinak, rin umnak, le nun thianhlimnakah thangso vivo mi asi.
  13. Hruaitu cu mipi siahhlawh thinlungput thawn mipi a rian
  14. Hruaitu cun midang parah thuneih duhnak, midang uk duhnak lungput a tlansan
  15. Hruaitu cu mahte lawng um asilo ih abur lakah a thang rero pawlkom sihcih awknak a nei
  16. Hruaitu thinlung sungah mipi pawlin hmun kaupi khua an luah
  17. Hruaitu cu hram thawk tu asi theu
  18. Hruaitu cun a sungmang fiangzet le famkim zetin a simsuak theu
  19. Hruaitu cu ziangtin midang thazang pek, kaih thawh, le phur ter dan a thiam
  20. Hruaitu cu thleng awknak hrangah timtuahcia ringring ina um ih daihnak hrang remruat tu asi theu, cuihlei ah hlawhtlin dan ding lamzin hawlin khawruah thiamnak a nei.

 

 

 

 

 

 

II. HRUAITU TTUANVO

Kawhhran Upa Sinak/nuntu Mizia le Tuanvo:

(I Timothy 3:1-7)

Thuhmaihruai: Khrihfa pawlin Kawhhran upa pawl thu ngai ding:

Nan hruaitu pawl thu ngai uhla an thu pekmi bangin thlun uh. An hnauan daan cu Pathian hmaiah an phuan heh leh ding ruangah cawl loin an lo kilkhawinak hi a si. An thu nan ngai a sile lungawi aipuang in an hna an uan ding; an thu nan thlun lo a sile riahsiatnak thawn an uan ding ih cumi cu nan hrangah zianghman hathnemnak a um lo ding. (Hebrews 13:17).

Ka u le ka nau tla, Khristian nitin nan nunnak ah a lo hotu le a lo zirhtu pawl, nan lakah hna a uantu pawl kha upat hmaizahnak pe uh, tiah kan lo forh. 13Nan hrangih hna an uan ruangah hmaizahnak a saang bik le duhdawtnak pe hai uh. Nanmah lakah daite le rem-awtein um uh.  cooperation (I Thessalonians 5:12-13).

James A. Garfield, the 20th President of the United States stated, "I

am stepping down from the eldership into the presidency of the

United States." “Kawhhran upa sinak ihsin American president tuan dingin ka dinhmun tum ding” ati.

A. Kawhhran upa nuntu ziaza:

A. Kawhhran upa tuantu ding pawl sinak mizia pawl a tlangpi thu in tthenli ah tthen theih asi:

1. Hmuh tonmi/nuntu-zumnak ah nauhak tuk asi lo ding, rintlak asinak cu a hmuhtawn mi parah lang ding; 2. Hminthatnak-lenglam mi pawl hmai ah siseh mipi hmaiah hminsia thangsiatnak nei lo; 3. Nuncan ziaza-ziaza tha zumtu pawlin an cawn tlak mi ziaza nunpi tu; 4. Tuahthei mi-thutak zirhthei, mi kaihruai thei, Pathian fial mi tuah dingin pe aw thei, zirhsual tu pawl lailang thei, …

B. Himi kawhhran upa pawl phut mi sinak mizia le ti thei mi pawl lakah a neihmi a bang aw lo cio ding nan an neih hrimhrim dingmi, an neih lo asile kawhhran upa tuan thei lo sinak phut mi pawl a um:

 Kawhhran in Bible in a phut mi thawn a nai aw bikbik hril men ding asilo, an neih hrimhrim dingmi an si.

(I Timothy 3:1-7)

“Zo khal in Kawhhran hruaitu si:
(i) a duh ahcun hnauan ha duhtu a si,” timi hi thudik a si. 2Kawhhran hruaitu cu
(ii) soiselnak nei lomi a si ding.
(iii) Nupi pakhat lawng a neitu, * 3:2 Nupi pakhat lawng a neitu: timi hi Nupi voikhat lawng a hitu ti khal a si thei.
(iv) rit theinak thil ih a suup aw theimi,
(v) a uk aw theimi,
(vi) felfai zoh rem in a nungmi,
(vii) mikhual a zohthiamtu le
(vii) mi zirh a thiamtu a si ding.
3(viii) Zurit hmangmi a si lo ding ih,
(ix) thinsuup aw thei lo, midang thawn a to aw heumi khal a si lo ding. Sikhalsehla
(x) mi lungnem le daihnak a duhtu a si ding.
(xi) Tangka duh tukmi a si lo ding.
4(xii) A innsaang hatein a ho theitu a si ding ih
 (XIV) a faate pawl cu mi thu a ngaimi le mi upat thiammi a si ding. 5Amah ih innsaang hman hatein a kilkhawi thei lo ahcun ziangtinso Pathian ih Kawhhran a kilkhawi thei ding.
(XV) 6Zumnak lamah lungthleng pekte a si lo ding; culo ahcun a zum aw sual pang ding ih Satan cu hnon a rak ton vekin anih khal hnon a tong ve pang ding.
 7(xvi) Pathian awi lo miseenpi pawlih an upatmi a si ding; cubangtuk a si lo ahcun mi ih relsiat a tong ding ih Satan ih thang ah a awk aw ding.

(Tit 1: 6-9)

6Kawhhran upa cu:
 (i) mawhthluknak nei lomi siseh;
(ii) nupi pakhat lawng a nei mi siseh, * 1:6 Nupi pakhat lawng a nei mi siseh timi hi Nupi voikhat lawng a himi siseh ti tla a si thei.
(iii) a faale pawl cu zumtu si haisehla puarthaunak le thu ngailonak lamih thangsia lomi si haiseh. 7Kawhhran hruaitu cu Pathian hnauan ah uanvo neitu a si ruangah mawhthluknak um lomi a si pei.
(iv) Mi puarthau le
(v) mi thintawi,
(iv) zurit hmangmi,
(v) mi helhlong le
(vi) paisa duhham mi a si lo pei.
8 (vii) Mikhual le mileng zohthiamtu a si pei ih thilha a ngaina pei.
(viii) A uk-aw theitu a si pei;
(ix) miding,
(x) mithiang le
(xi) ziaza hami a si pei ih
(xii) suup theinak neimi a si pei.
9 (xiii) Kan zumnak hram thawn a mil-awmi le rintlak a si mi kan
(xiv) Thuthang kha hnget zetin a pomtu a si pei. Cuticun
(xv) midang pawl kan zirh awkmi thudik thawn thazaang a pe thei ding ih cuih
(xvi) thudik a eltu pawlih palhnak khal a langter thei ding.
 

B. Upa pawl tuanvo:

(I Peter 5:2), Pathian ih a lo pekmi tuurual khaaltu si uh; nuar phahih a khaaltu si loin Pathian ih duhnak bangtuk in thinlung thote ih a khaaltu si uh. Hna nan uan tikah hlawhman ngah duh ruangah si loin duhnak taktak thawn uan sawn uh

1. Anmah le mah kilkhawi aw in tuurual pawl kilkhkawi ding: (Acts 20:28), Cuti a si ruangah nanmah le nanmah kilkhawi awk thiam uhla Thlarau Thianghlim in tuurual kilkhawitu dingih a lo ret vekin nan tuurual kha hatein kilkhawi uh.

2. Pathian thutak nunpi:  Atu cu Pathian kilkhawinak le a zaangfahnak thu sungah ka lo ap zo. Amah in a lo hansoter ding ih a minung pawl hrangih a ret ciami thlawsuahnak kha a lo pek ding, (Tirh 20:32). Kan zumnak hram thawn a mil-awmi le rintlak a si mi kan Thuthang kha hnget zetin a pomtu a si pei. Cuticun midang pawl kan zirh awkmi thudik thawn thazaang a pe thei ding ih cuih thudik a eltu pawlih palhnak khal a langter thei ding.(Tit. 1:9).

3. Tuurual uktu si loin an zohtthimtlak nun hmuhsak ding: (I Peter 5:3), Nanmah ih kilkhawi dingih retmi tuurual kha a uk in uk tum hlah uh; an zohhim dingin nung sawn uh. 

4. Phur nak thawn, sumpai ngah nak hrangah siloin, tuurual khal tu: (I Peter 5:2), 2 Pathian ih a lo pekmi tuurual khaaltu si uh; nuar phahih a khaaltu si loin Pathian ih duhnak bangtuk in thinlung thote ih a khaaltu si uh. Hna nan uan tikah hlawhman ngah duh ruangah si loin duhnak taktak thawn uan sawn uh.

Tuukhal tu cun a tuu rual pawl kha ti le rawl a pe, a kaihruai, a kil, an dung a thlun, tuu rual pawl kiangah a it a ceng ih an tul mi pawl kha an ngah asi ti a zoh theu vein Kawhhran ah Khrih in tuu khal tu khal in a tuan ve (Acts 20:28; I Peter 5:2, Atcs 11:30; James 5:14).

5. Kawhhran, Khrih thisen ih lei mi, tuurual khal tu:  (Acts 20:28), Cuti a si ruangah nanmah le nanmah kilkhawi awk thiam uhla Thlarau Thianghlim in tuurual kilkhawitu dingih a lo ret vekin nan tuurual kha hatein kilkhawi uh. Pathian in a Fapa thisen thawn Amai' ta ih a tuah zomi a Kawhhran khaaltu va si uh.

6. THa zetin kawhhran kaihhruai ding: (I Timothy 5:17), 17Kawhhran Hruaitu, hnauan ha a uantu cu uan man a let hnih in ngah tlak an si. Cuih hruaitu lakah thusimnak le thuzirhnak ih a zuamzet pawl cun ngah tlak an si cuang.

7. Tuurual cawm ding:  (Acts 20:28), 28Cuti a si ruangah nanmah le nanmah kilkhawi awk thiam uhla Thlarau Thianghlim in tuurual kilkhawitu dingih a lo ret vekin nan tuurual kha hatein kilkhawi uh. Pathian in a Fapa thisen thawn Amai' ta ih a tuah zomi a Kawhhran khaaltu va si uh! ( I Peter 5:1-2),  1Kawhhran upa pawl, kei khal Kawhhran upa ka si ve ih, zaangfah ka lo dil. Khrih ih tuarnak a hmutu ka si ih a lang dingmi sunlawinak khal a awmtu dingmi ka si ruangah ka lo dil a si. 2Pathian ih a lo pekmi tuurual khaaltu si uh; nuar phahih a khaaltu si loin Pathian ih duhnak bangtuk in thinlung thote ih a khaaltu si uh. Hna nan uan tikah hlawhman ngah duh ruangah si loin duhnak taktak thawn uan sawn uh.

“Tuu rual cawm” ti tikah zumtu pawl thlarau rawl, thutak zirh, thlarau rawl fah ringring asi ((I Timothy 3:2; Hebrews 13:7; I Timothy 5:17; Acts 20:30). Anmah rori thutak  nunpi in zirhnak dik lo pawl do in lamzin dik, thutak lamzin cu tuu rual pawl hnenah fiang ter ringring ding tuanvo an nei ( Titus 1:9).

8. Zumtu pawl kha Cinghnia, thuphenper le zirhsualnak lak ihsin kilhim: (Acts 20:29-30), 29Kei ka feh hnuah ihnungza cinghnia hraang an ra ding ih tuuruun pawl hi an zoh meen lo ding, ti ka thei. 30Nanmah ih sung ihsi hin mihrek cun anmah lamih hruai duh ah thuphanper tahratin zumtu pawl hi an hruaisualnak tikcu caan a ra thleng ding.

Hebrews 13:17; (Acts 20:28; I Peter 5:2; I Timothy 5:17.

9. Tongkam, thunun theih lomi, mibum hmang pawl kham/tawpter: (Titus 1:11), Cupawl cu ong tam pawl an si ih thuphan thu in mi tampi an bum. 11Cupawl cu kham an ul; ziangah tile zirh lo dingmi an zirh ruangah innsaang tampi an buaiter ih cutiih an zirhnak cu ningzakza a si mi paisa duhnak meen ruangah a si.  

10. Kawhhran sung thubuai le nunphung thawn pehpar mi pawl thuthen: (Acts 15:6), 5Sikhalsehla Farasi pawl sungih a telmi zumtu hrekkhat pawl cun, “Zentail mi pawl cu serh an tan hrimhrim a ul ih Moses Daan thlun dingin kan sim a ul a si,” tiah an ti. 6Curuangah tirhthlah pawl le Kawhhran upa pawl cu cuih thu ruat dingah an tong aw khawm

11. Kawhhran sungah nunsimtu/zirhtu:  (I Thessalonians 5:12), 12Ka u le ka nau tla, Khristian nitin nan nunnak ah a lo hotu le a lo zirhtu pawl, nan lakah hna a uantu pawl kha upat hmaizahnak pe uh, tiah kan lo forh. 13Nan hrangih hna an uan ruangah hmaizahnak a saang bik le duhdawtnak pe hai uh. Nanmah lakah daite le rem-awtein um uh.

12. Ttawntai le santlai lo pawl bawm, (Acts 20:35), 35Ziang hmuahhmuah ah napi in uan tahratin santlai lomi pawl kan bawm ding a si ti kha ka lo hmuh zo; Bawipa Jesuh khal in, ‘Ngah lam hnakin pek lamah lungawinak a tam sawn,’ a timi ongkam kha ciing ringring uh,” tiah thu a cah.

13. Kawhhran sung zumtu pawl tlarau nun kilkhawi: (Hebrews 13:17), 17Nan hruaitu pawl thu ngai uhla an thu pekmi bangin thlun uh. An hnauan daan cu Pathian hmaiah an phuan heh leh ding ruangah cawl loin an lo kilkhawinak hi a si. An thu nan ngai a sile lungawi aipuang in an hna an uan ding; an thu nan thlun lo a sile riahsiatnak thawn an uan ding ih cumi cu nan hrangah zianghman hathnemnak a um lo ding.

14. Thlarau nun pitling nei dingin zumtu pawl an kaihruai: (Ephesians 4:11-13),

11“Minung hnenih laksawng a petu,” khal cu amah a si. A laksawng pekmi cu: a hrek cu tirhthlah an si, a hrek cu profet an si, a hrek cu Thuthang ha phuangtu an si, a hrek cu pastor an si ih a hrek cu zirhtu an si. 12Hi bangtuk in laksawng a peknak cu: Pathian minung pawl in Khristian hnauan an uan thei ih Khrih ih pum an hansoternak dingah a si. 13Cuticun kan zumnak ah le Pathian Fapa kan theihnak pakhat sungah kan finkhawm aw heh ding; patling kan si ding ih Khrih ih patling a sinak a saannak bik hmun khal kan thleng ve ding

15) Mina dam lo hrangah thla camsak: (James 5: 14), 14Nan lakah a nami nan um maw? Nan um a sile Kawhhran upa ko sehla Bawipa ih hmin in hriak an hnih dingih thla an cam sak ding. 15Zumnak thawn thlacamnak in mina cu a damter ding. Bawipa in harhdamnak a pek sal ding ih sualnak a tuahmi khal a ngaidam ding.

 

(I Peter 5:4) 4Cule Tuukhal Bawi Bik Khrih a lang tikah a tleunak a dal thei dah lomi bawi lukhuh sunglawi nan ngah ding.

   

 

 

 

 

III. KKAWHHRAN PAWLKOM DINDAN

 

Pawlpawlkom dindan:

  • Rikhawm um lo, Pathian Thlarau hnattuannak cu milai ruahnak in rikhawm lo
  • Team: Zapi telkimnak 
  • Rualran mi canpual
  • Thazang pe aw tawn
  • Zir rero, thleng ttul mi thleng rero
  • Rualran le rawntlang zetmi pehtlaihnak
  • Mah le talen hman ttangkainak
Zir reo tthang rero mi pawlkom Umtudan

Pawlkom phunglam:

  • rualran upat awknak, pehtlaih nak
  • Burkhat pumkhat sinak
  • Bawmbawi awknak
  • Rinsan awknak

Pathian Thlarau Thianghlim lalnak:

Zapi ten PT thuneihnak hnuai ah tuhlut aw aw mi

Kaihhruai awknak:

  • Sunmang hlawm aw tawn mi (Shared vision)
  • Zapi ten ttuantlangnak
  • Phurzetin ttuanvo lakcionak

Thuhla Luannak

  • A zalen mi thu sutnak, simnak, thuthan awknak, theihter awknak
  • A tikcu te ah thu hla theih awkternak
  • Thudik thuhman hrelh lo ten
  • Sungtel zapi ten a zalen mi pehtlaih thuthan awknak
  • A zalennak

     

Pawlkom le Hruaitu: Tuihlan pawlkom ziaza vs. santhar pawlkom

 

A hlun pawlkom

A thar pawlkom

Canpual

Canpual: Hotu pawl in kai ttheh

Zapi ten Pt. laksawng pek mi le kawhnak vekin cangvaihnak hrang sangka ong aw

Thusuhnak le fakselnak

Thusutnak, fakselnak um lo dingin uk aw bet, sangka khar

Fiang lo mi le thasawn ti ah ruahmi thusut dingin sangka kaupi ong cia ringring

Dinhmun

Dinhmun nei tu pawlin a kumkhua kaih tum

Tumtah mi ah hmasawn vivo dingin a ttha sawn mi le zapi hmasawnnak hawl ringring

Hmun tawnmi

Pawlkom le mipi sinak, hmuh tawn mi taktak thup bet

Pawlkom le mipi sinak, dinhmun, hmuh tawn mi sinak vek ciah in hailang ringring ih hmasawnnak sunmang ttha hrang zapi ten tangrualin hmala tlang

Athar/thleng awknak

Thleng awknak, thil thar ttih

Hmasawn dingin a thar le thleng ttulmi thleng ringring

Pawlkom raltthat nak

A cang thei ti ah fiangcia mi par lawngah hma la ngam

Asi thei ti ah theih hrih lo mi khal ralttha zetin zumnak le sungmang mitmeng in kekar ngam

Hmuisel

Rei lo te tumtah mi parah hngat aw aw

Hlapi le reipi hrang ruat in timtuah cia

Fimnak le hmasawnnak

Fimthiamnak le santhar hmasawn nak ngaihsak lo

Santhar fimnak le thiamnak in mipi le pawlkom hrang hlawknak a thlenpi thei dingmi ruatin canttha hawl ringring

Tlinlonak le thiltisual pang mi

Tlin lonak le thil ti sual mi pawl zep, thup, pawm duh lo

Tlin lonak le thilti sual pang mi pawl thei aw aw, pom in zir ding zir in hmailamah ttha sinsin dingin zuam sinsin

Mawhsiatnak le hmasawnnak

Mawhsiat awknak le puhmawh ding hawl ringring

Mawhsiat awknak si loin ziangtin hmasawn thei ding timi sawn ah hngat aw aw

Pawlkom hngat awknak: thuneihnak

Hotu pawl dinhmun le thuneihnak ah ttan khuar, sinak cuh aw aw

Thuneihnak cu midang/mipi hlawknak, pawlkom tumtah, le hmasawnnak ah hmang

Thuthluknak

Hotu pawlin thuthluknak hmuahhmuah tuah theh ringring

Mipi/Mimal pakhat cio thuthluknak ah tel ve dingin, mimal thawn a pehpar mi ah mimal thuthluknak ah hngat aw sawn

Ttuanvo neitu pzirnak

Thiamcia le theihcia ah hngat awaw

Catbang loin zir vivo, hmasawnnak, rahsuah hngat aw aw: Hmasawn lo cu dungtawlh asi.

Falam Christian Church of Indianapolis, Kawhhran Dindan Ruangzing

     

Sample Kawhhran Dindan

       

IV. KAWHHRAN RUALREMNAK

 

December 21, 2008

Pawlpkom Rualrem Ten Feh Thei dingin Fimkhur Tulmi pawl:

 

1.    Tumtah mi ah lungrualnak:

Pawlkom ti buai theu tu, lungrual lonak a suahter theu tu pakhat cu pawlkom sungah milai diriamnak, mimal duhnak kha pawlkom tumtah hnakin thupi sawnah ret tikah asi. Mi zokhal, a bik takin kawhhran ah ttuanvo nei tu pawl, pawlkom parah kan lungawinak le lungawi lonak thuhram kan cek awk fel sal a ttul; pawlkom tumtah tuah suak asi tikah kan lung a awi maw, mimal diriamnak sawn kha thupi sawnah kan ret maw?

Asile, kawhhran in ziangvek pawl tumtah a nei?

i)                    Pathian thangthatnak;

ii)                   Zumtu pawl thutak ah an nungih zumnak le duhdawtnak ah tthanglian dingin kaihhruai, zirh, lamzin hmuh, bawm awknak;

iii)                 Rundamnak thuthangtha karhzai nak hrang rawngbawlnak.

Kawhhran pawlkom parah mi tampi an lungawi lo ttheu nak cu a tlunlam thil pathum thawn pehpar lomi ah asi theu nan ti ve maw? Anmah mimal duhthusam a famkim lo tikah, kawhhran hruaitu pakhatkhat parah an lungawi lo tikah, an lungawinak an hloh theu si lo maw?

Kawhhran sungtel pawlin thlarau le thutak in Pathian an bia ih Pathian an cawimawi asi ahcun lungawi ding kan si. Zumtu pawl thutak an nungih Zumnak le duhdawtnak ah an tthangso asi ahcun lungawi ding kan si. Kawhhran in rundamnak thuthangtha simsuak dingin hna a tuan asi ahcun lungawi ding kan si. Ziang kawhhran khalin a tlunih tumtah pathum a tuah nak ah za ah za a famkim ti a um thei dah lo ding. A famkim mi kawhhran na hawl asile na thih hnu vanram lawngah na hmu ding. Hellram feh ding na sile leitlunah a famkimmi kawhhran a um lo zia na thih hnu hmanah na thei dah lo ding. Curuangah kawhhran sungah a famkim lomi hmuh ter na si tikah nangmah kha a famkim lomi famkim ter dingah Pathian in ttuanvo a lo pek mi a um asi thei, culole, thinsaunak, zawi-awi theinak le ngaidamnak nun nei dingin na zir nak ding hmanrua tla asi thei.

Theihtha zetmi pakhat cu milai mimal diriamnak hawlin a phunzai rero tu pawl khi an thih hlan lo phunzai ding an thei ringring ding. Zumtu na sile na umnak kawhhran sungah kawhhran in a tumtahmi tuahsuak asinak parah na lungawi sawn aw. Zoin ziangtin ziang an tuah ih zoin hmintthatnak a ngah timi ah buai loin pawlkom tumtah famkim lo zet cingin tuahsuak asimi parah Pathian thangthat in lungawithu sim ding kan si sawn.

 

2.    Thlarau laksawng pawl hmun dik, tikcu le can dikah hman ding

Pawlkom sungah buainak tambik a suahter tu thu pakhat cu “zo in ziangtikah ziangvek a tuah ding?” timi asi.

Tikcu/can le hmun dikah laksawng hman thiam a thupi

Zumtu zaten Pathian in ti thei zawng, Thlarau laksawng in pek theh. Cui thlarau laksawng pawl cu zumtu pawl hrang thathnemnak hrangah a si. Thusim thiamnak, hlasak thiamnak, peknak, mibawm theinak, tvp, cu pawl cu a hmundik le a tikcu te ah hman thiam a thupi. Cun, khatlamah, Pathian laksawng pekmi pawl cu milai porh awknak le uan awknak ah hman pang asile tthatnak hnakin siatnak a suahpi sawn theu. Kawhhran rawngbawltu lakah mah le mah thei aw loin, mai laksawng co mi thei aw loin mipi hmaiah lar/lal duh, sinak duh, le lang duh menmen in cangvaih tikah a theitu, hmutu, le ngai tu pawl hrangah zumnak le duhdawtnak, thlarau ah tthangso ter tu si sawn loin dungtawlh ter tu ah an cang theu.

Midang thlarau laksawng comi lungawipi:

Cun, milai in pom harsa kan ti theu mi cu kan kiangkap zumtu unau pawlih thlarau laksawng co mi lungawipi hi asi. Mi hoha thiamnak, zirh thiamnak, thusim thiamnak, fimnak, hlasak thiamnak anei tu pawl thlarau laksawng an co vekin lungawipi, cantha pek thiam, lamzin kian thiam ding hi mi zapi hlawknak hrangah le Thlarau Thianghlim hnattuannak hrangah thupi ngaingai asi fawn. Kawhhran sungah thlarau laksawng comi iksik awknak, a tikcu lo ah hmannak, milai porh awknak ah hman nak, pawl a um tikah Thlarau Thianghlim hnattuan a dal ih zumtu pawl dungtawlhnak a suah phah theu.

 

Bible in a simmi cu “Nazareth khua ah an zum lo ruangah Bawi Zesu in thilmak tampi a tuah thei lo” ti asi. Na theihmi le laksawng comi cu a tha zet, nangmai theihnak ahcun a sunglawi tuk hmanah na thu, na hla, le na tuahmi a dawngsawng tu pawl hrangah hlawknak a um lo ahcun umze nei lo asi.

Tikcu le can, hmun hman te ah Pathian hmin sunlawinak ah thlarau laksawng hman thiam a thupi.

 

3.    Siatnak hnakin tthatnak thupi ausuahpi ding:

Tlangval mawi zet tuak zet pakhat cu nupi a neih mi pohpoh in an tlansan cingcing tikah thuhliakhlai tu pawlin ziangruangah asi pei tu an hliak ih ziangruangah asi ti an hmuh suak mi cu: Tlangval pa cun nupi a neih tin ten a thaizing a thawh tikah a nulepa sungkhat unau rualpi pawl hnenah a nupi siatnak thu a sim ciamco ti asi. A hnupi hmaisa bik cu zan a it tikah a ke a kak seisei a ti; a nupi pahnih nak cu zan a it tikah a thaw a awn thluukthlo a ti; a nupi pathumnak cu zan a it tikah a voih phutpho ati; cuvek tthiamtthiam in a nupi neih mi hmuahhmuah ih siatnak kha an neih awk ih thaizing ihsin mi hnenah a sim ciamco tikah a nupi zaten mothar an si lai ih an tlansan thluh ti asi.

Laimi pawlin ziangruangah hotu tha kan nei thei lo ti an theih duh asile a tlun ih tlangval pa thuanthi hi kan sinak tthenkhat cu asi ti theih a tha.

Laimi pawlin an sim theu mi cu “Laimi cu na bawm dingih an duhmi 98 na bawm hmanah pahnih na bawm thei lo asile an lo rel se ciamco dingih an lo hua mei ding” an ti.

 

Kan zir ttul mi a um :

i.      Mah kawhhran sungah:

Thangsiatu, dunglam ihsin dir thla tu, si loin kiangkap zumtu unau pawl tungding tu, an tlaksam nak bawm tu sawn si ding kan si.

Mi pakhatkhat a tlaksamnak na theih lomi khi a famkim tinak asi lo; a thu na thei kim lo, asilole na ttan ruangah a famkim lonak na thuhsak, lole na duhdawt ruangah na mit a caw ih a mawhnak le tlin lonak na hmuh thei lo menmen asi.

ii.     Pawlkhat le pawlkhat lakah:

Huatnak le mi dodalnak in a sihkhawm mi milai umkhawmnak pawlkom cu mi vanduai bik an si. Cuhnak in pawlkom pakhat in pawlkom dang pawl hrangah ziang thiltha, Pathian laksawng pek mi kan nei, ziangvek in thazang kan pe thei hai ding timi sawn ruat in canttha zoh in nung ding le cangvai ding kan si.

iii) Doctrine dangdang lakah

Motor nei hrih lo pa hnenah motor a lei asile a hloh lo dingthu va sim ciamco aw la “mi aa asi hi” a lo ti ding. Cuvek thotho in motor lei pek te insang lungawi zetin an motor an lawm rero laiah an motor a hlohlo ding thu va sim ciamco aw la “mi aa asi hi” an lo ti thotho ding. Cuvek cu mi tampi kan si theu nan ti lo maw?

Fehsualnak: Thihnak thlen thei khawp fehsualnak le theihnak tlaksam ruangih thihnak thlen nak tlak lo fehsual nak tete thlaidan thiam a thupi.

EG; Rundamnak hlo thei maw thei lo; a ruat cia; Khrih rat sal dan ding; Halleluiah (Worship style); lennak le farahnak theology; tvp.

   

TT: Khua pakhat bawi hmuah ding mi thlencan thei lo vek.

Zesu Khrih a ratsal ding thu ah a ra ding ticu a fiang, asinan ziangtikah ziangtivekin tmi cu Bible in fiangten a sim lo.

   

4.    Sual do tlang le thutak ttannak ah ttanrualnak : Nunthianhlimnak ah lungrualnak

i.      Atthlak thu el awknak hrial ding:

-Theih lomi ah kaa kim men a ttha sawn

-Pia-sen hman man lo mi el awknak ah tel lo ding

-Ka diksawn, ka thei sawn, timi kanmah in kan ausuahpi a tul lo

-Kan tuah mi kanmah in kan thei ih Pathian in intheih sak asile a tawk

-Theisawn, fimsawn “pa-sawn”zuam awknak ah tel lo ding

ii.     Sual donak ah ttanrual ding:

-Sual ttan tu cu a sualtu thawn a bang aw aw

-Sualnak ihisin unau runsuak dingin kekar tlang a ttul

-Sualnak le misual thleidan thiam a thupi

-Sual pawmrem le misual ngaidam nak thleidan thiam a thupi

-Sual cu huat ding, misual si loin

iii.   Thutak ttannak ah ttanrual ding

-Thutak cu theihnak in si loin nunpi nak in ttan ding

-Thutak cu mai hmakhua sialnak si loin thutak karhzai nak ding hrangah mai duhnak tanta thei ding.

-Kawhhran lungrualnak cu mila ah si loin thutak ah si ringring sawn ding asi

iv. Sual do ding, misual do lo ding

            -Zesu cu misual pawl rualpi tha asi

 

5. Thlarau porh awknak hrial ding:

i) Mah le mah midang hnakin ttha cuang, thianghlim cuang in thei awknak, midang cu sual cuang in hmuhnak a ttihnunzia:

Biaknak lam fehsual tampi pawlin anmah cu fehdik bik, thianghlimbik, Pathian thawn nai aw bik, in an thei aw aw ih midang cu fehsual in an hmu ttheu. Mah le mah thianghlim cuang, midang hnakin ttha cuang in theih awknak hi fehsual tampi in an thuken le lungput le thinlung-mizia a si theu. Hivek thinlung-mizia, lungput a suahter tu hi milai mah le mah cawisan awk duhnak, midang hnakin ttha cuang si duhnak, milai thinlung diriam duhnak ihsin a suak theu mi asi. Khatlam zawngin kan sim asile, midang hnakin ttha cuang le sicuang vekin mahlemah theih awk duhnak milai thinlung-mizia, lungput kha satan in a hman ttheu mi hmanrua ttha zet asi.

Curuangah midang (zumtu dang ) pawl hnakin tthacuang, thianghlim cuang in na theih awk tikah na lamzin kha na zohfel awk a pawimawh zet.

ii) Pathian hmu fiangtu nun:

Pathian hmu fiang tu cun Pathian thianhlimnak eng in a sunglam thlarau nun a tleu tikah midang sualnak le famkim lonak hnakin amai sualnak le thianhlim lonak a hmu tamsawn ih tangdawrnak thinlung thawn midang parah zawnruahnak, duhsaknak, duhdawtnak, zangfahnak in a khat sawn asi.

iv.   Zesu zohtthim ding:

Zesu in buhlem pawl kha lo lak ihsin phawt lo dingin a dungthluntu pawl hnenah thu asim. Curuangah kawhhran sungah zumtu dik le dik lo an um ringring ding ti a fiang. Asinan, zo zumtu dik asi ih zo zumtu dik lo asi timi thutthen tu ding cu amah Zesu lawng asi. Nanglekai kan si lo. Amah Zesu rori in Judas Iscariot kha kumthum sung a dungthluntu hleihnih lakah a ret ringring asi kha. Zesu hnakin thianghlim sawn vekin a cangvai tu zumtu ti aw tla kan um pang asile ttih a nungzet ding.

Thlarau porh awknak thang sungah na tang pang asile kawhhran pawlkom cawkbuai tu, rualrem lonak suahter tu na si ding ti cu rel ttul loin na kiangkap um pawlin an thei mei ding.

v.    Zo hmuahhmuah in tlantlin lonak, famkim lonak kan nei theh:

Kan tlamtlin lonak cu huat awknak, mawhsiatnak le nautat awknak ding si loin a bur le hlawm in bawm awktawn kan ttulzia langter tu le Khrih lawngah kan famkimnak asizia langter tu sawn asi. Dungthluntu Paul hman in famkim ka si a ti lo.

Bible in asimmi Genesis 1:1 ihsin Rev. 22:21 tiang ka thei thluh, Bible ngan asi laiah le thuanthu a rak canglai ah Pathian thinlungah ziang a um ih cangan tu pawl ziang a ngan ter, tui kan san ah ziang san neihter dingin a sim timi ka thei tttheh ih famkim le tlamtling thlepthlep in ka thei theh asi ti tu an um asile awlsam ten kan theih dingmi cu THUPHAN asi.

   

V. Evangelical Khristian

 

Evangelical Khristian timi hi ziang asi?

 

Evangelicalism ttongfang hi Greek ttong “euangelion” timi le “euangelizamai” timi ihsin lakmi asi ih “good news” “thuthangtha” tinak le “to proclaim as good news” “thuthangtha phuan ding” tinak asi. Cui Thuthangtha cu Khrih ih thuthangtha asi, “Ca Thianghlim sungih nganmi vekin Khrih cu kan sualnak ruangah a thi; 4an phum ih, Ca Thianghlim sungih nganmi vekin, ni thumnak ah thawhtersal asi. 5Piter hnenah a lang ih a tirhthlah hleihnih hnenah a lang” I Kor 15:3b-5. Curuangah Evangelicalism timi cu Zesu Khrih ah rundamnak thuthangtha phuansuahnak asi ti ah tawite in sim theih asi. Cun, “evangelical” timi cu Zesu Khrih ah rundamnak thuthangtha phuangsuak dingin a pe aw tu tinak asi ih “Evangelical Chrstian” timi cun “Zesu Khrih ah sual ngaidamnak le rundamnak cotu, cui thuthangthantha phuang suak dingin a pe aw tu Khrihfa” tinak asi.

 

Evangelicalism hi Protestant Reformation a thawk pek, Bible cabu mi senpi hnenah zem suah asi tawk lai ihsin a thawk mi asi. Asinan kum zabi 18 le 19 nak lawngin Europe, le America ram lam ihsin Evangelical cangvaihnak hi nasa ten a thawk. Reformation ihsi thawk in Khrihfa zumnak a thleng aw mi, Evangelical cangvaihnak in a hmuisel bik cu zumtu mimal pakhat in Zeusu Khrih thawn pehtlaih awknak, rundamnak nei in Bible cu milai tin in neihtheih asi ih rundamnak a co lawng si loin Bible in a simmi nitin nuntu khawsak Bible thuken nunpinak le cui rundamnak thuthangtha cu phuang suak vivo dingin pumpek awknak asi. Cui thuken cu tuini tiang Evangelical Khrihfa pawl thuken le ausuahpi mi cu asi.

 

Evangelical zumnak khaikhawm:

Evangelical zumnak hi Bible thurin ahcun Bible in a sim vekin a ngial a ngan in zumtu; Bible thuken a sual thei lo, Bible sung thu cu Pathian Thlarau thawkkhum mi, Adam tluksiatnak ruangah milai cu sualnak sungah thluse zo, Pathian mithmuh ah (thlarau) mithi, asi, Zesu Khrih lawngah Pathian zangfaknak, zumnak in milai rundamnak cu tuah famkim asi, Zesu Khrih thisen ih tlennak ruangah milai cu Pathian thawn rem awknak tuahsal asi zo ih Pathian insang sungtel asi sal zo. Ziangtin asi tile, Khrih in a tuah ttheh zo mi rundamnak thutthangtha, Pathian thunung cu misual pa hnenah theihter asi rualrual in Thlarau Thianghlim in a thi zomi milai thlarau cu a sersiamthar, hrinthar, a nunter sal tikah milai cun Pathian thawn pehzawm awknak thar a nei ih milai duhthlannak thinlung zapi thawn Zesu Khrih cu irundam tu asi ti ah a thinlung sungah zumnak sersiam asi.

Acui milai le Pathian rem awk salnak, rundamnak thuthangtha cu Khrihfa pawlin leitlun hmuntinah simsuak dingin Khrih in ttuanvo a pek ta vekin zumtu pawl leitlun nunsan bik cu Pathiang tumtah vekin Pathiang hmin sunlawihnak le rundamnak thuthangtha leitlun hmuntin ah phuansuah ding asi. Cuticun Zesu Khrih a rat sal tikah amah zumtu pawl cu kumkhua nunnak sungah a hruai hai ding.

 

Evangelical zumnak cun leitlun zumtu zapi ten Pathian in a thuthangtha nunpi nak in le fehsuak in phuang dingah a kawh mi kan si (Matthew 28:18-20; Acts 1:8; 1 Corinthians 16:1-4; 1 Peter 3:15).

Wordl Evangelical Alliance ( http://www.worldevangelicals.org/aboutwea/statementoffaith.htm) le World Evangelical Institute Association ( http://www.wetia.org/statement/) pawlin a hnuailam vekin an zumnak thuken an website ah an ngan. (Accessed on December 19, 2008)

A tanglei vekin kan zum:

……..Bible Cathianghlim cu a hramthawk ah Pathian in milai hnenah a pekmi, Pathian thawkkhum mi, sual thei lo, a sungthu zapi ten rinsantlak, zumnak le nuntu ziaza hrangah huham cahnak nei mi asi.

………Pathian pakhat, a kumkhua sankhuk rei ihsin a um, Pa, Fapa, le Thlarau Thianghlim

…..Bawipa Zesu Khrih, Pathian cu taksa in a lang aw mi, fala thianghlim hrin mi, milai taksa in a thuam awk laiah sualnak nei lo, Pathian huham cah-nak thawn thilmak a tuah mi pawl, taksa in thihnak a tuarmi, taksa rori in thihnak ihsin a thawhsalnak, vancung ramah a fehnak, vanramah Pa’I hnenah palai a ttuannak, le leitlunah huham cahnak le ropitnak thawn a ra sal ding

…..Misual le mihlo rundamnak cu Bawipa Zesu Khrih thisen ih thlennak ruangah asi ih cui tlennak co thei nak cu milai tuahnak ruangah si loin Thlarau Thianghlim ih hrintharnak in asi.

….Thlarau Thianghlim in zumtu pawl cu a cencilh tikah nunthianghlim nun in nung thei dingin le Zesu Khrih theihpi tu, thuthangtha karhzai ter tu si in Bawipa Zesu Khrih hrangah hnatuan suak thei dingin zumtu sungah hna a ttuan.

…Zesu Khrih ah zumnak nung a nei tu zapi cu, Kawhhran sungtel, Khrih ih taksa peng si in Thlarau ah pumkhat sinak nei in lungrualnak a um.

….Zumtu le zumlo tu mi zapi ten an tho sal dingih rundamnak a cotu pawl cu kumkhua nunnak ah an thosal ding, mihlo pawl cu kumkhua hremhmun feh dingin an tho sal ding.

Last modified: Friday, June 27, 2001

FCCI ZUMNAK THUPAWM/ FCCI STATEMENT OF FAITH

FCCI kawhhran ih tumtah mi cu, zalen zet le nuamzet ih kan Lal Pathian biak tlang, Thuthangtha karhzainak hrang rawngbawl le zumtu unau pawl zumnak le duhdawtnak ah hmasawn dingin bawmbawi awk ding asi. Thurin tlangpi khaikhawm cu a tanglei vekin asi.

1.    Baibal / Pathian Thu Thianghlim, Thuthlunghlun le ThuthlungThar cu Pathian thawkkhum mi asi ih sual theilo (a tobulbik ih rak nganmi) asi. Milai in Pathian an theihnak nak, rundamnak an co thei nak ding lamzin, zumtu nun le zumnak hrangah Pathian puan suah awknak asi.

2.    Pathian cu Thumkom Pathian asi: Pa Pathian, Fapa Pathian le Thlarau Thianghlim Pathian. Asinan, an zate in Pathian pakhat, cem ni neilo, kumkhaw tlaitluan ih um, hmun zakip le kumkhaw zariat, ziang hmuahhmuah tuahtu, (omnipresence, omnipotence, omniscience), sual theilo le sawiselbo, theikim Pathian an si.

3.    Zisuh Khrih cu milai sinak le Pathian sinak za-ah-za nei mi milai taksa in a thuam aw aw ih thihnak ihsin a tho sal. Thlarau Thianghlim hnatuannak in fala thianghlim Mary in Zesu Khrih cu a pumsungah naute in a pai ih leitlun ah milai sinak nei in a piang. Kross parah taksa in a thih hnu ah thihnak cu neh tahratin thlan khur sung ihsin a thohsal hnu ah vancung Pa Pathian hnenah a feh. A tu ah amah zumtu milai pawl hrangah Puithian Sangbik tuan in Cungnungbik Pathian ih vawrhlam ah a to.

4.    Pathian tumtah bangin Zisu Khrih cu taksa rori in hi leitlunah a ra kirsal dingih amah zumtu pawl kumkhua nunnak hmunah a hruai ding.

5.    Thlarau Thianghlin cu Pathian sinak famkim a nei ih Pathian zumtu pawl ih biak le cawimawi ding asi.

6.    Thlarau Thianghlim hnatuannak pawl cu Lal Zisu Khrih cawimawi, milai thlengawk nak, misual pawl zumak neiter, zumtu pawl cencilh, kaihhruai, zirh, thunun, Pathian mi pawl nitin nunnakah le rawngbawlnak ih ti cak tu asi.

7.    Milai cu Pathian hmuihmel keng in Pathian sersiam mi asi.

8.    Milai cu sual ah a tluk siat ruangah a hloral, a thlarau a thi, Pathian thawn pehzawm awknak nei nawn lo mi asi.

9.    Zesu Khrih in a thisen sunglawi a thlet mi thawn a thlennak ruangah milai cu Pathian hmaiah thiamcoter si in rundamnak pek asi.

10.                        Pathian laksawng pek mi Pathian fapa zumnak ruangah milai cu rundam asi ih Pathian fa sinak cu a co.

11.                        Khrih zumtu, Thlarau Thianghlim in Zesu Khrih ah nunthar a pekin a sersiamthar mi, Pathian innsang sungtel pawl bur khawm aw mi cu kawhhran ti ah kawh asi ih Khrih ih taksa peng zawm an si vekin kawhhran ih lu cu Khrih asi.

12.                        Zesu Khrih ah sersiam thar zo mi pawl cu kawhhran theihpi nakin Baptisma pek an si.

13.                        Kawhhran sungtel pawl cun Bawipa’ ratsal hlan lo, amah theihhngilh lo nak ding hrangah Bawipa zanriah kilkhawm theu asi.

14.                        Zesu Khrih a zum lo tu pawl, Pathian thawn pehzawm awknak nei lo tu leitlun milai pawl cu Pathian an zum lonak, an mai sualnak ruangah kumkhua hremhmun meidilpi sungah tlak ding mi an si.

==Khrihfa Zumnak Lamzin Khaihawm

Reformed Baptist pastor, ka saya pa pakhat in arak sim dah mi cu, “Khrihfa kan zaten ziangmawcin dik lonak, theihnak famkim lonak, tlaksamnak kan nei ttheh. Asina’in, kan thleidan thiam dingmi cu ‘thihnak khawp fehsual’, khatlam zawngin sim asile, “Khrihfa ti aw si, an thuhram pi ihsin Khrih ah nunnak a nei lo tu fehsual pawl”, Zesu Khrih cu Pathian Fapa asi ti ah pom lo tu pawl, Khrih ih ta asi lo mi pawl cu leitlun mi vekin zoh ding ansi. Theihnak tlaksam ruangah fehsualnak, thlarau thihnak thlen thei lo cin, vanram lanzinah kanmah vek famkim lo khrihfa pawl cu kan unau vekin kan zoh thei ih kan duhdawt thei ringring a thupi.”

Laimi lak khalah kawhhran a tam vivo hmuhdan le pomdan bang aw lo mi a karhzai vivo tikah khrihfa lakah rualremnak le pumkhat sinak kan kenkawh thei vivo nak ding a thupi ngaingai in a ttul sinsin in a lang. Cuvek dinhmun thuanthu santiluang in infen rero lai ah malte a hnuailam thu pawl hi kan kiangkap ah kan zoh hliah thei ringring a thupi zetin ka ruat ruangah ruahnak ka lo hlawm ve hai:

1)      (Thlarau)Thihnak thlen thei khawp fehsualnak le thihnak thlen lo fehsualnak

(Kan zaten thihnak thlen lo kekar sualnak kan nei ttheh ti hi kan pom thei a thupi, theihnak le tuahnak famkim loin nitin kan nung sawn asi);

2)      Bible in fiang zetin a simmi le milai lehcawp, phuahcawp (doctrine), le khrsitian nunphung (Christian tradition) pawl thlendan thiam a thupi. (Vanram kainak ding le nitin khristian nunmawi in nungin Khrih dungthlun thei dingin zovek milai hrang khalah awlsam zet in theihthei dingin Pathian thu cu fiang le awlsam zetin ngan asi);

3)      A kumkhua in a thleng aw dah lo dingmi thutak le milai nunphung le thuanthunung parah a hngat aw mi thutak pawl thleidan thiam a thupi;

  4) Pawlkom sungah Zeru Khrih Thlarau hnakin pawlkom hruaitu lalnak, Khrih ah pumkhat sinak hnakin pawlkom sungtel sinak thupi sawn ah ret ringring nak fimkhur a ttul;

5)      Midang siatnak le tlamtlin lonak hnakin ziangtin Khrih ah kan unau kan bawm thei dingih Khrih ah nunnak a nei hrih lo pawl ziangtin kumkhua nunak nei dingin kan kai hruai ding timi thupi sawnah ret in tlang-au pi sawn.

6)      Kawhhran tinah um hrimhrim dingmi thil pathum: i) Pathian thangthatnak, ii) zumtu unau zumnak, duhdawtnak le thutak theihnak ah tthangso dingin kaihhruai le bawmbawi awknak, le Thuthangtha karhzainak hrang rawngbawlnak.

 

Curualrual in khrihfa fehsual pawl thu fimkhur ttul zetin a tanglei ah malte ka ngan bet. Khrihfa fehsual pawl hi an pawlkom, hotu, thutak kenkawhdan, nunpi mi, thlarau porhawknak pawl ah langhngan zetin theihtheih an si theu. Khrihfa fehsual pawl langdan tlangpi pawl, a tanglam vek nan hmuh asile fimkhur a ttha. Hi pawl hi Laimi lak ihsin si loin leitlun hmuntin ah khrihfa ti aw si fehsual pawl mizia, thuken, le cangvaihdan pawl ihsin lakkhawm mi asi: Laimi lakah an um tinak asilo ih an um lo tinak khal asilo.

 

1)      Midang hnakin danglam cuang, thutak theih mi nei, thianghlim cuang le ttha cuang vekin theih tawknak an nei.

2)      Hotu parah thusuh ding um lo thlukin tuhlut awknak-upbet awknak: Hotu cu pathian fate tluk an si. Pawlkom sungah thuneihnak (control), uk awknak, kaihhrem awknak an nei. Ziangtin an dungthlun pawl an thunun ttheu ti asile; Ttihnak hmanrua an hmang.       Pathian ttihnak, hotu ttihnak, siat tawnnak pawl thawn mi an kaihrem theu.

3)      Anmah sung vialte naihniam zet, duhdaw aw bik, tlaihsan aw bik, pehtlaih awknak an nei; Khrih ah pumkhat sinak hnakin pawlkom sungtel sinak thupi sawnah an ret.

4)      Anmah sungah rinsan awknak an nei, a cancan cu thih tiang rinsan awknak an nei.  Thuthup le sual thup tiang an phuang aw aw, thinlung thup tiang an thei awter theu.

5)      Cult pawlin Bible lenglam ah Pathian in an hnenah theihter mi nei vekin an thei aw ttheu. Asilole, Bible in a zirhmi hi midang hnakin theihfiang theinak nei cuang vekin an thei aw aw.

6)      Thutak an simmi le an nun a kaih aw lo theu, hmun hrekkhat ah cah zetnak an neih rualrual in khatlamah tlaksamnak tumpi an nei theu.

7)      Lakhran awknak: Fehsual pawl hin midang tampi thawn cawhpawlh awk an duh lo. An hruaitu pawlin an member pawl cu midang thawn cawhpawlh aw lo dingin thu an fah theu. Ziangah tile midang pawl cu an thianghlim lo, satan dungthlun an si ih anmah le anmah cu mithianghlim an si tikah a hran ten um dingin an fial aw theu.

8)      Anmah zumnak vek zumnak nei lo le an zumnak fehpi dan thusut tu cu an ral vek in an zoh: An member pawl thinlung  sungah an ral, khrihfa dang pawl lala khi an ral tumbik vekin an zirh tikah an thinlung sungah ral neihnak, midang eltainak in hmun kaupi khua a luah theu. Midang thawn do aw dingin an man cia ringring. Midang tlaksam nak in anmai sual an hupphen tum theu.

9)      Leitlun thil, tisa hi sual ttheh in an hmuh tikah “anti-social” leitlun milai pawlkom awknak pohpoh sual ttheh vekin an zirh theu

10)  An hotu pawl hi thlarau lam porh awknak in an khat; midang zohman ih zirh theih le thusim theih an si lo, a thei bik umsun vekin an thei aw aw.

11)  Abur porh awknak: Anmai pawlkom cu athianghlim bik le a thianghlim mi pawlkom umsun vekin an thei aw aw, midang pawlin Khrih ah rundamnak an ngah ding hnakin an pawlkom member siter ding thupi sawn ah an ret; Khrih ah zumtu unau sinak hnakin pawlkom member sinak thupi sawnah an ret;

12)  Pawlkom suahsan tu le pawlkom lenglam mi pehtlaih nak: Pawlkom suahsan tu pohpoh cu hell ram tla ding, fehsual vekin an hmu ve thung. Pawlkom sungah hnget zet le ttan hmun ttha ngah dingin pawlkom lenglam sungkhat le rualpi ttha khal an tlansan, an hua, thiarfihlim awk thei ding phut an si theu.

13)  An sung thuruk pawl an thup: an pawlkom sungthu, kaihhruai awkdan le sumpai hmandan siseh thu hla le thuneihnak a luansuak dan pawl thu tampi cu lenglam milesa pawl theih lo dingin an thup theu.

14)  Tisa sualnak, nupa sualnak lamah a tlasia mi, fehsual, pawl cun taksa cu a sual mi asi ih taksa in a tuah mi ruangah thlarau rundamnak a hnaihnok thei lo ti ah an zum.

15)  Bible a zum lo tu fehsual tthen khat lala cun khristian sinak cu vanram kainak ding hrangah lamzin tampi (biaknak sakhua tampi) lakah pakhat asi. Muslim, Budhist, tvp, pawl khal an zapi ten vanram kainak lamzin lawnglawng an si.

John 14:6, 6Jesuh in, “Keimah cu lamzin le thutak le nunnak ka si. Keimah hnenin siarlo zohman ka Pa hnenah an thleng thei lo” timi Zesu ttongkam an pom lo.

Khristian fehsual tampi pawl in a tlun lam ih ngan mi lakah paziat simaw nuncilh mi an nei theu. Fimkhurnak ah ngan mi asi.

Note: FCCI adult Sunday school, December 21, 2008 hand-out ah telh ding mi asi.

 

 

VI. TTHANSOHNAK

 

TTHAN NA DUH ASILE

 

1)      Huham/Cahnak: Thinlung ah rinsanmi huham cahnak khuitawk ah na hngat awaw? Milai cahnak, Pathian cahnak, hotu, sinak, dinhmun? Na nitin nun ah a tlengmi kawhhran ah siseh lenglam ah siseh Pathian kutcak langmi na hmu/tawng maw?

 2) Tuahnak ih lungthlitum tawp: Nitin na tuah mi pawl, kawhhran, insang, le hnatuannak ah siseh na tuah mi pawl kha ziangruangah ziangtluk ttha in na tuah/ttuan? Na tuah mi ziangkim hin Pathian hmin a sunlawih maw? Nangmah le nangmah porh awknak, ei in hawlnak fangfang asi maw? Ziangin na tuah mi alo tuah ter?

3. Larnak:

Ka khawruahnak ah ziangkim ka tuah mi hi mi tampoh, langhngan poh asile a ttha ti ah ka ruat maw? Thuken dinpi nak hnakin mi zapi ti lungawi tum in ka cangvai maw?

 

4. Mipi: Mipi/midang duhnak hi a thupi sawn ah ret in tuanvo neihmi hlei ah a tulmi ah pum ka pe aw thei maw? Mai duhnak le mi lak ih lar duh ruangah el awknak ka suah ter maw, mipi duhnak ka rian sawn maw? Midang mawhsiatnak thinlung ka nei maw, an ttulmi tuan/bawm dingin ka pe aw sawn?

 

5. Daihnak: Ka kiang um pawlin ka mithmai, cangvaihdan le lungput an hmuh tikah ttihnak le huphurhnak an neih phah maw, ikfik nak le hngir tteu phah in ka cangvai maw? Ka kiangkap um pawl ka mithmuh ah daihnak le hnangam zetin an cangvai maw?

6. Tisa mizia theihfiangnak:  

Tisa mizia ih mi ho/uk duhnak thinlung thawn hruaitu si duhnak cu midang par ah thuneih duhnak, mi uk duhnak, midang thawn zuam awknak thinlung thawn cangvaihnak in a langter. Na thinlung sung ihsin a puaksuak mi duhnak pawl lak ihsin tisa le thlarau ih rahsuak mi duhnak pawl na thleidang thiam maw?

7. Pathian kawhnak: Hruaitu cun Pathian kawhhnak fiang zetin a theih a tul; ziangtin Pathian in a lo ko? Ziang tuah dingin a tu na umnak ah na um? Ziangtin Pathian in tui na dinhmun ah a lo thlen ter?

8. Mizia: Hruaitu sinak ah a thupi bik pakhat cu tangdawrnak asi; midang in tangdawr zetin an lo hmu/thei maw? Midang in mai hmakhua sial, mai hrang cang-ai khawrh in an lo hmu maw?

9. Sunmang: Hruaitu cun sunmang fiangzet Pathian hnen ihsin a neih a tul; khui tawk ah ka feh ding ti fiangzet in na thei maw? Sunmangttha cun midang a hip vivo.

10. Fimnak : Hruaitu cun Pathian hnen ihsin ngah mi fimnak a ttul, cui fimnak cu thuthluk (decision) tuah nak, thleng ttulmi thlengnak, le mawhphurhnak ttuansuaknak hrangah hmang in langter ding asi.

11. Zumnak:.Hruaitu cun harsatnak, dodal tu, sawisel tu le relse tu lakah mah le mah porh awknak tel loin zumnak in a ke a kar ngam a ttul.

12. Mawhphurnak: Thil a fehsual mi ah siseh tuah ttulmi a thlen tikah mawhphurnak na la maw, midang mipi tthatnak hrang mawhphurnak na la ngam maw?

 

NA DO TTUL MI DORAL

“Na zumnak doral kha ttha ten do aw,”  I Tim. 6: 12.

Khrihfa pawl cu “khristian ralakp” ti ah kawh kan si.

 

I.                    Zumtu pawl ral cu zo asi? –Satan, Leitlun, Tisa

i)                    Satan: I Peter 5: 8

·        Bumnak: Evi, fimnak, Pathian thuhnuai ah nung lo in

Eg. Pu Van Thawm Lian-Bangladesh camp ah

Eg. Bulll fighter, puan sen 

·        Hremnak, hmawhsiattu: Job hnenah

·        Thlemnak: Zesu hnenah

ii)                   Leitlun:

·        Mawinak, hminthatnak le leitlun thil le ri, lalnak,

·        Worldy principles: Col.2:8

·        Love of money: I Tim. 6:10, is the root of all evils

·        Legalism

·        Materialism

·        Religiousity  

iii)                 Tisa: I Pet. 2:11; James 4:1, Rom. 7:23

·        Tisa caknak,

·        Puarthau nak

·        Huatnak, iksiknak, duhhamnak, mi mawhsiatnak, tisa ihsin a suak mi pohpoh :

·        Thlemnak:  James 1:14, 15

II.                 Khristian pawl ralbawi cu zo asi? Khrih asi.

i)                    Khrih in kan ral pa in nehsak zo: RUllu a rialbek zo

ii)                   A keneh lamzin thlun ding, nitin mai khross pu ding kan si

III.               ZUmtu pawl hmanrua cu ziang asi?

i)                    Zumnak,

ii)                   Tuutak

IV.              Rakap Training:

i)                    Zirhtu-thlarau thianghlim

ii)                   Kawhhran-

iii)                 Nulepa/tlunlam milai pawl

iv)                 Nitin hmuhtawn mi –

V.                 Ralkap discipline: Thulunnak: THihtiang thulunnak , Rualpi parah rin umnak

VI.              Ralrin tul/ttihnung:

i)                    Ral lam ttang/ral kethlaknak: Eph. 4: 21, setan kethlaknak

ii)                   Ral hnen thu theihter tu 

iii)                 Ralkap lakah lal cuh awknak

iv)                 RInhlelh awknak

v)                  Tihhrutnak Thu pawntam 

 

 

 

THLARAU AH TTHANSOHNAK

2 Peter 1:3-8, 18

 

A sunlawinak le a hatnak co ve dingah in kotu Khrih kan theihnak ruangin Pathian ihzahnak thawn kan nun theinak dingah kan ulmi hmuahhmuah cu Pathian ih cahnak huham in in pe zo. 4Cutiin in tiamkam ciami a tum le a sunglawimi laksawng cu in pek ih cuih laksawng ruangah in siatsuah theitu leilung tisa hiarnak ihsin nan luat thei ding ih Pathian a sinakah khan nan awm aw thei ve ding. 5 Himi ruang rori ahhin nan zumnak parah hatnak bet tum uh; nan hatnak parah theihnak bet tum uh; 6 nan theihnak parah suup awk theinak bet hrih uh; cule suup awk theinak parah tuar theinak bet uhla nan tuar theinak parah Pathian ihzahnak bet uh. 7Pathian ihzahnak nan neihmi parah unau tlaihsannak bet uh; cule Khristian unau tlaihsannak parah duhdawtnak bet uh. 8Hi hatnak pawl hi nan ul zetmi an si ih famkimin nan neih a si ahcun kan Bawipa Jesuh Khrih nan theihnak ah hin a lo caktertu le hmual a lo neihtertu an si ding.

3: 18, Kan Bawipa le in Runtu Jesuh Khrih zaangfahnak le amah theihnak sungah hang vivo uh. Amah hnenah sunlawinak cu atu le kumkhua in um camcin seh. Amen.


Tthan dik lo:

 

1)      Sakhua mi tthannak: Sakhua mi sinak cu tuahnak, biaknak, thawi awknak, peknak lam cangvaihnak pawl tuah ringring nak

2)      Theihnak lawng: Thei si tuah lo, nunpi lo cu theih lo hnakin a ttihnung sawn

3)      Milai pumcawmnak/hnatuan/hmun luah duhnak men in milai sinak ruahsannak in kawhhran ah hman awknak, milai phurnak le zuamnak menmen pawl.

   

Thlarau ah thangso timi cu:

(1) Pathian thu tak theihnak ah thanglian ding,

(2) Sualnak le thilti sual mi mal sinsin, sual hrial thei sinsin ding, thianghlim nun pan sinsin ding,

(3) Khrih ih hmuihmel keng sinsin ding, nun dingfelnak le Khrih nunmawi nitin nunah lang sinsin ding,

(4) Pathian zumnak le rinsannak, duhdawtnak ah tthang sinsin ding.

A tawizawng in kan khaikhawm asile nitin nunah Khrih hmuihmel keng sinsin dingin thanlennak asi. Paul in hitin a sim; 1 Corinthians 11:1, 1Khrih nun daan ka cawn vekin nannih khal in i cawng ve uh.

 

TISA MI RAH: Kal. 5: 19-

 

Cule minung tisa ih a tuahmi pawl tla cu a langfiang ko: (1) nupa sualnak, (2) a thiang lomi ziaza, (3) a mawi lomi thil tuahnak, 2(4) 0milem biaknak le (5) dawi le cam tla hi an si. (6) Pakhat le pakhat ral awknak le (7) sual awknak, (8) iksiiknak le (9) thinhengnak, (10) tawh awknak, (11) hamamnak le (12) rem aw loin henhek awknak; 21(13) nahsuahnak, (14) zuritnak, (15)  zoh mawi loin laam le awn-aunak le (16) hi bangtuk a dangdang tampi an tuah vivomi pawl hi an si. Ralrinnak thu hmaisa ih ka lo sim zo vekin ka nolh sal ding: cubangtuk a tuahtu pawl cu Pathian Uknak an co thei lo ding.

THLARAU ARAH: Kal. 5:22-23:
Sikhalsehla Thlarau ih a rahsuahmi cu (1) duhdawtnak, (2) lungawinak, (3)hnangamnak, (4) lungsaunak, (5) mi zaangfahnak, (6)
hatnak, (7) rintlak sinak, (8) nunnem tangdornak le (9) suup theinak tla an si. Cubangtuk rah umnak ahcun daan cu a ul nawn lo. 24Cule Jesuh Khrih ih ta a si mi pawl cun an taksa hurnak le hiarnak pawl cu thinglamtah ah an khenthat zo. 25Thlarau in nunnak in pek zo ruangah kan

FALAM CHRISTIAN CHURCH OF INDIANAPOLIS

Adult Sunday School: 12 October 2008

 

nunnak khal hi Thlarau amah in a uk ding a si. 26Puarthau ding kan si lo; pakhat le pakhat thineuter aw ding kan si lo; iksiik aw ding khal kan si lo.

Tthanoshnak ziangtin asi?

I. A hmaisa bik ah thlarau ah tthang thei dingin Khrih ah zumnak nung, thlarau nung neih tenteng a tul:

(I Jn 5:11-12) Cutiih a theihtermi cu hiti in a si: Pathian in kumkhua nunnak in pe ih cuih nunnak cu a Fapa sungah a um. Zokhal Fapa a neitu cu nunnak a nei; Pathian Fapa a nei lotu cu nunnak a nei lo. Pathian fate pawl cu Thlarau Thianghlim in a cencilh, a nunpi ih a bawm hai, Jn 14: 16-17, 16Pa hnenah ka dil ding ih nan hnenih kumkhua a um dingmi Bawmtu * 14:16 Bawmtu timi hi anpitu tikhal in leh a theih. dang a lo pe ding. 17Amah cu Pathian thutak a langtertu Thlarau a si. Leilung in Amah cu a hmu thei lo ih a theih thei fawn lo ruangah a pom thei lo. Sikhalsehla nannih cun nan thei, ziangah tile amah cu nan hnenah a um ih nan sungah a caam ding a si. Cuticun Khrih ah pehzawmnak a nei tu cu sersiam thar asizo, II Kor. 5:17,  7Zozo khal Khrih thawn an pehzom awk tikah cun mithar a si; a nun hlun cu a cem ih nun thar a thok zo.

A thangter tu cu Pathian asi; I Kor. 3:-6-7, Kei in a ci ka tuh ih Apollos in ti a toih, a sinain a hantertu cu Pathian a si. 7Thlaici a tuhtu le tidai a toihtu cu an thupi lo. A thupi bik cu Pathian a si, ziangah tile thlaikho a hantertu cu Amah a si. Kol. 2:19, a thangter tu cu Pathian asi.

II. Thlarau lam tthansohnak cu leitlun tisa damsung tthangso ding asi ih Pathian thutak ZIR le NUNPI nak in asi.

2 Timothy 3:16-17, Ca Thianghlim hmuahhmuah hi Pathian ih thawkhummi a si * 3:16 Ca Thianghlim hmuahhmuah hi Pathian ih thawkhummi a si: timi hi Pathian ih thawkhumnak in nganmi hmuahhmuah cu Ca Thianghlim an si ti khal a si thei. ih (1) thutak zirhnak, (2)  zirhsual simhrinnak, (3) a sualmi remsaalnak ah le (4) dingteih nitin nunnak ih zirh awknak ah a ha. 17Cutiih Pathian hna a uantu cu mi tlamtling a si ding ih thil ha phunzakip tuah dingah thuam famkim neimi a si ding. Thlarau nunah ttthang so dingin Pathian thu vekin zirh, nunsim, kawk, lamzin hmuh, kaihhruai hrimhrim kan ttul. Cuticun Khrih hmin in thiltha tuahnak ah hman tlak si dingin.

III. Thlarau ah tthang dingin Thlarau Thianghlim kaihhruai nak, thununnak hnuaiah nitin nung ding “walking in the Spirit”. Galatians 5:16-18, 24-26: 

Ka sim duhmi cu hiti in a si: (1) Thlarau in nan nunzia a uk a si ahcun minung tisa hiarnak cu a di nan riamter lo pei. (2) Ziangah tile minung tisa duhnak le Thlarau duhnak cu an ral aw. Minung tisa ih duhmi kha Thlarau in a hua ih Thlarau ih duhmi kha tisa in a hua ve. Hi te pahnih cu an hua aw. Curuangah a si na duhmi kha na tuah thei lo. Thlarau ih a lo hruai ahcun Daan ih ukmi na si nawn lo. 24-26; 24 Cule Jesuh Khrih ih ta a si mi pawl cun an taksa hurnak le hiarnak pawl cu thinglamtah ah an khenthat zo. 25 (3) Thlarau in nunnak in pek zo ruangah kan nunnak khal hi Thlarau amah in a uk ding a si. 26 (4) Puarthau ding kan si lo; pakhat le pakhat thineuter aw ding kan si lo; iksiik aw ding khal kan si lo.

Thlarau thununnak hnuaiah nun timi cu milai sunglam nun luahkhat, thunun, le lamhmuh sak (Eph. 5:18) Thlarau Thianghlim thunuai ah tulut awknak asi. (1) Tongkam, (2) khawruahnak, (3) tuahnak, le (4) umtu ziaza, (5) thinlungput tiang in Thlarau Thianghlim thuhnuaiah tuhlut awknak asi (Rom. 6:11-14). Thlarau Thianghlim in a thunun, kaihruai lomi zumtu cu Pathian in a kawhnak vek pitling thei dingin a nun a hlawhtling lo ding. Curuangah Pathian in in kawhnak vekin tuanvo in pek dingmi thawn mil aw aw in nitin nung ding kan si (Eph. 4:1).

   

Thlarau ah tthang timi cun: Nitin nun ah mai duhthlannak lio lio in Khrih cu lal le thuneitu ah retin Thlarau Thianghlim kaihhruai nak hnuai ah tuhlut aw aw in Pathian thawn pehtlaih awknak neih asi.

 

   IV. Tangdawrnak/thulunnak:

a)                       Zesu kha thulung in a um: Lk 2:51: Cuih hnuah Jesuh cu a nu le a pa thawn Nazareth ah an kir ih an thu ngai in a um. A nu in hi thuhla   hmuahhmuah cu a thinlung ah feltein a ciing ringring.

b)                      Taksa le fimnak ah a thanglian: 52Jesuh cu taksa in siseh, fimnak in siseh a hang vivo ih

c)                       52b. Pathian hmai le minung hmaiah mithmai ha a ngah.

d)                      Ph. 2: 8, Zesu cu, Tangdornak thinlung a nei ih, Pathian thu thlun in, Thinglamtah thihnak tiangin a tuar.

e)                       Pathian hmanrua pawl theihthiam tul mi:

V. HMANRUA PAWL:

I.                    Mimal Pathian thawn pehtlaih, pawlkom awknak: Bible siar, thlacam, rawl ulhnak,

II.                 Dungthluntu: Zumtu dang thawn pawlkom awknak: Khawm awknak, Bible zir tlangnak, tettikhannak, rawngbawlnak

III.               Thangthatnak: nun, tongkam, tuahnak, le zumtu dang pawl thawn a bur in Pathian thangthatnak 

Thunet:


Mi pakhat le pakhat parah Pathian hnatuan dan a bang aw lo ih a tumtah khal a bang awk lo ruangah pakhat le pakhat tahtthim aw ding le zuam aw ding kan si lo, asinan Khrih cu kan zoh tthim ding asile ih Pathian thutak vekin kan nun bun aw tawn ringring ding kan si sawn. Pathian thu kan theihmi vekin kan nung maw nung lo (James 1:23-25) ti ah cek aw fel ringring ding kan si. Ziangah tile, Pathian thu cu a thei nan a thlun lo tu cu ziang vek thawn a bang aw ti asile “theih lawng a thei ih a tuahsuak lotu cu thlalang ah a hmel a zoh awtu bangtuk a si. Amah cu thlalang ah a hmel a zoh aw ih a si vek cekci-in a hmu aw. 24Felzet in a zoh-awk hnuah a feh ih hmakhatte-ah a hmel ziangvek a si ti a thei nawn lo. 25Sikhalsehla mi a luattertu, a famkimmi daan kha felzetih a zoh ringringtu cu a thei mentu le a hngilhtu si loin a tuahsuaktu a si; cutiin a tuahsuak ruangah Pathian ih thlawsuahmi a si ding.”

               

 

VI. SAWISELNAK

Sualselnak…
A hlawknak ruatin a naa tuar man asi

By Tom Pryor

http://www.icms.net/criticism.htm

Mi in lungto thawn an dennak hmangin lungdawl hngetzet a dawl thiam tu cu mi thlawsuak asi.

A cancan cu sawiselnak hi baloon tuahnak company ih tthimte, balon vit pop tu vek asi tiah ka ruat ttheu; ruahnak ttha, tumtah ttha le sunmang hlawhtling thei lo dingin daltu tumpi vekin an lang theu. Asinan Norman Vincent Peale in a simmi hi ruat tlak zet asi; “Sawiselnak in in runsuak mi hnakin cawimawinak in in siatsuah mi kan tam sawn ding.” Buuk aw tawn mi fakselnak le cawimawi nak cu mi zo khalin hnattuan le mimal nun hlawhtlinnak hrangah kan ttul hrimhrim mi an si. Mi zokhal nikhatkhat ah sawisel faksel an si cio ding; hruaitu ttuan tikah, lamzin thar le ttha ah mipi fehpi tikah, zumnak sim suak tikah, dinhmun neih tikah, nun thuken ausuahpi tikah, thleng tul mi ausuahpi tikah, le lamzin dik lo ah mipi feh pi in ausuah pi tikah, sawiselnak fakselnak a suak ringring ding. A biktakin, dinhmun hmailam pan dingin hmalak tikah sawiselnak le sawisel tu an um ringring ding; hnattuan a tthat tikah, ttuan tthat lo tikah, ttuan lo tikah, sawisel tu an um ringring ding. Curuangah, sawiselnak ih ttobul, hramthawhnak theih a thupit tluk in lamzin parah an tlak tikah ziangtin hmaiton ding ti theih a thupi. An lo dennak lungto pawl kha anmah dennak ah na hmang ding maw, culole hram hngetkhoh zet lungdawl tthazet dawlnakah na hmang sawn ding?

 

Sawiselnak a phunphun

 

3.                           Tthatnak hrang fakselnak (Constructive criticism)

Tthatnak hrang fakselnak cun mizia ttha, thazang thar a suahter ih thiltha thleng awknak thar suahter dingin phurnak a suahter sawn. A tumtah mi cu thiltha sawn suahter dingin, palhnak le thiltisual (pang) mi pawl tuahbet sal nawn lo dingin asi.

4.    Siatsuah dingin sawiselnak (Destructive Criticism)

Siatsuah dingin, a sezawng sawiselnak cu thinlung ttha lo thawn tuah mi asi tikah a ttobul dik lo ihsin a suak mi asi.” An lo sawisel tikah ziangruangah na dik lo timi thu an lo sim thei lo (an lo sim lo) asile an thinlung a dik lo tinak asi ih an tumtah mi cu tuahtthatnak hnakin siatsuah tum ruangah an lo sawiselnak asi.

Henry C. Link in hitin a rak sim dah, “Ral neih na duh asile, ‘na dik lo asi’ ti ah mi va ti aw.

5.    Theihsual dingin sawiselnak: Misleading Criticism

Voi tampi cu sawiselnak pawl hi theihnak tlaksamnak, thuhla theih famkim lo ruangah le thusoh hman nak ihsin a suak theu. Mi tampi cun thu an theih famkim lo mi an sim theu ih mi hrekkhat in an theih mi hnakih tam an sim tikah an simmi thei tu pawl hruaisual tu ah an cang theu. Curuangah sawiselnak a suah tin te ziangvek ttonbul ihsin a suak ti theihfiang a ttha; an theih mi sung ihsin an sim maw, an theihmi hnakih tam an sim maw.

4.                           Sawisel/fakselnak um lo: Absence of Criticism

Sawisel le faksel awknak a um lo tikah a ttha zet le duh um zet vek a bang ding nan kaihhruai awknak um lo, kiangkap um pawlin thil cang rero mi zianghman ah siar lo nak, lole kaihhruai awknak in sawisel le fakselnak um lo dingin ukbet awknak ruangah asi theu. Gallup Poll company in an hliakhlai (research) nak vek asile a miat/hlawk bik company pawl hi zarhktin an hnattuan tu pawl sawisel/fakselnak nei theu tu pawl an si tiah an hmu suak. Sawisel le faksel awknak um lo dingin kaihbet, ukbet awknak hmun ahcun hmasawnnak ding khal lamzin kham asi theu. Thawmvang a um lo tikah pitlin le hlawhtlinnak hnakin mi a it tthat ter sawn.

ii.                           Dilmi fakselnak: (Requested Criticism)

“Keimah cu ka dik famkim asi” ti tu hruaitu le ‘thleng awk ding zianghman kan nei lo” ti ah a ruat tu pawlkom cu siatnak hrangah an timtuah cia asi. (The person who holds an attitude of "I'm perfect" or an organization with employees who feel "we don't need to change", are destined to fail). Steve Phillips in a rak sim theu mi cu, “Ka tuah mi hi ‘a ttha tuk’ tiah na ruat lo asile ziangruangah ti isim aw” (If you don't rate me as outstanding, tell me why?).” Sawiselnak tawn mi pawl hi hmantlak, ngai pawimawh tlak an si maw ti theithei dingin a ttobul pawl zohfiah a ttha.

   

Sawiselnak ttobul pawl: (CAUSES OF CRITICISM)

 

iii.                           Rinlo tikah: (Lack of Trust)
Tlinnak a thupit tlukin rin awknak khal a thupi ve. Rinlo tu pawl cun an theihfiang lomi cu an sawisel ding. Na tuah dingmi hnakih tam na tiamkam dah maw, lole na tiamkam mi hnakih mal na tuah dah maw? A lo sawisel tu pawl ih rinsan mi si dingin ziang na tuah thei mi a um? Rinsannak um dingin tikcu, ti thei mi, le hlawhtlinnak thuanthu ziktluak hmuh thei mi a um a tul.

 

5.                           Theihnak tlasam: (Ignorance)

Field Marshall Bernard Montgomery in hitin a rak sim dah; “British ralkap pawl lakah phunli an um: a) Fimvar (Smart) na cing’in mize; b) TFimvar na’in milaw; c) Mi-aa mi-zee; le d) Mi-aa -law. “Mi-aa-law” siar lo, a dang pawl kawmkhawm hmuahhmuah cu kaih-hruai an theih ih hnattuan pi khal an theih.” A lo sawisel tu pawl kha ziang pawl ah an tel ve ti thei aw.

ii.                           Iksiknak: (Jealousy)

Dinhmun ttha le canpual ttha na co tikah na siatnak duhtu sawisel tu an suak cupco ding. “The Millionaire Mind” timi cangan tu, Thomas Stanley, Ph.D., in hitin a rak sim dah, “Mi hlawhtling pawl cu an danglam; mipi dungtlun in an feh lo. Curuangah mipi lak ihsin na hlawhtlinnak a lo ruksak duhtu pawlin an lo sawisel ding.”

iii.                           Ttihnak: Fear
Mi pakhat cu “ziang a ttih” timi parah hngat aw in “zovek milai asi” timi kan theithei. Ziang a cang, cang ding ti theihlonak lak ihsin sawisel tu mi tampi an suak ding. Mipi lak ihsin anmai duhnak a famkim lo ding ttihnak ruangah siseh an duhmi hloh an phan ruangah siseh an theih lo mi an ttih ruangah siseh sawiselnak tampi a suahter ding.

iv.                         Rualremnak: (Negotiation)

A cancan cu sawiselnak hi khatlam le khatlam rualremnak hrang ruat ruangah a suak theu. Voikhat cu CNN ih interview tuah ringring tu Larry King kha Donald Truph in a lau ter rori. Ziangah tile Donald in “Larry, pawi na ti lole dunglamah malte zau in ka do deuh pei, na thaw a rim ase tuk?” ati. Cuticun an pahnih ten rualrem le nuam zetin, zoi kaa rim sia khalin midang hnaihnawk lo ten an to tlangih thu an rel thei. A lo sawisel tu in rem awknak hrang ah sangka a ong maw?

iv.                         Milai mizia: (Human Nature)

A tlangpi thu in a tthalam hnakin a selam hi milai mizia in a ngai pawimawh sawn ttheu. Mi tampi cun an tuah mi le an simmi zuangruangah ziang duhsan in an sim in an tuah ti an ruah setset lo theu.

v.                           Mi tamsawn duhdan a lal: (Majority Rules)

Mi tampi in mi tamsawn duhdan a lal ti ruahsannak an thinlung tawdap ah a hngat awk ruangah mi tamsawn duhdan hmandan, le tidan thawn a bang aw lomi cangvaihnak le tuahnak pawl an hmuh tikah an sawisel theu.

vi.                         Politics:

Sawisel tu pawl cu khatlam ttang political party, lole khatlam ttang mi an si ahcun an sawiselnak cu zianghman belhcian/fiah dawl lo (facts um lo), ruahdan menmen tla si thei.  Democratic party pawl hrang ahcun Republican party pawl cu mi-aa (insane) an si ih Republican party pawl hrang ahcun Democratic Party member pawl cu mi-aa an si. (Kawlram kawhhran kuai pek hrawngah, Baptist pawl hrangah Gospel/Fundamental pawl kha mi-aa an si ih Gospel/Fundamental pawl hrangah Baptist pawl kha mi-aa an rak si, tucu cuti an sin awn lo hmang). Curuangah voi tampi cu sawisel nak pawl hi mimal nun lawngah si loin pehtlai mi, political party, mibur lak telnak, maw pawlkom dangah pehtlaihnak ruang sawn ah tla a cang thei.

Thleng awknak: Change
A dik lo mi si loin an duh lo zawng an sawisel ding. Mi tampi in “tleng awknak” “change” timi an duh lo. Thil/dinhmun pakhat thleng dingah thil pali ttul hrimhrim mi aum: a) a fiangzetin sunmang ttawm awk thei mi, b) thleng awknak hrang sunglam tlinnak, c) lenglam ihsin thleng dingin nawr nak, d) a takin kekarpi theih dingmi kekar hmaisa bik ding.

Midang hrang ruat: Concern for Others

Sawiselnak hi a cancan cu thiltha rahsuak dingin a cang theu. A cancan cu mi pakhatkhat in amai ruahnak le hmuhdan ahcun a ttha tuk mi a tuah rero lai ah midang hrang siatnak thlentu tla a rak si thei.



Sawiselnak ziangtin hmaiton ding: HOW TO DEAL WITH CRITICISM

 

1.                           Tuar cuahco tu si loin ttuantu sawn si aw: Be active, not passive
A hlawhtling mi mizia cu daitlang in to cuahco nak in si loin dodalnak lak ihsin tthanlen pi mi asi sawn. Thil umcia mi daithlang zetin tuah mi hnakin thilthar le tthasawn an suahpi tikah sawiselnak tamsawn a hring suak men thei.

2.                           Thudik sim aw: Speak the truth

Prophet lem pawl hi thudik an sim lo tikah an ttongkam a nal zet theu. Thudik in a cancan cu mi a hliam/tinaa theu ih mi tampi a tlan ter theu; asinan thudik sim ding cu a dik mi le tuah hrimhrim ding mi asi. Mi pakhat cu zovek a ral an si timi in na thei thei fawn. Mi hrekkhat pawl cu ka lamttang an si ding hnakin ka raal, idodaltu si hai sehla ka duh mi an um.

3.                           Cangan in sawiselnak dil aw: Invite written criticism

Ttongkam lawngin sawiselnak hi famkim lo mi tampi a um; ca rori in sawiselnak ngah thei dingin dil aw. Sawisel tu in kutnam rori in ca in a ngan asile a sawisel mi cu zoh thlak asi ding. Ca ngan in kut nam rori in sawisel ding an thei lo asile zianghman thu sirhsan sawiselnak ding an nei lo tinak asi ding.

4.                           Sawiselnak ih rah diktak hawl aw: Look for grains of truth

Mi pathum, midangdang in an lo sawisel asile sawiselnak ihsin ziang asi ti zir ding a um tinak asi; dik lo piin sawiselnak asi hmanah sawiseltu pawl lungsungah ttihnak a um mi cu a fiang tinak asi. A cang thei asile sawisel tu pawl sut awla, ziangtin ka thleng aw thei ding, ziangvek ruahnak ttha an nei, ziang thiltha hmuh mi an nei, ziangvek ttihmi an nei? Timi zingzawi aw.

5.                           Thudik ihsin ruahnak peng: Sort feelings from facts

Sawiseltu pawlin voi tampi cu thudik ihsin an ruahnak hlapi an peng thei. Si khal sehla, “Na ruahnak a dik lo asi” tiah sim ruangah an ruahnak an thleng cuang lo ding ti theihcia a tha. Ziangruangah an ruahnak a peng ih sawisenlnak an nei timi hliakhlai in theihfiang le theihter a thupi.

6.                           Zohtthim ding: Look for role models

Sawiselnak ruangah zumnak le nun thuken cawhpawlh dah loin tumtah mi ah hmuisel ding zet ret ringring in a feh thei tu si dingin zohtthim ding neih a tha.

7.                           Lungfim ten thleidan thiam aw: Use discernment
Sawiselnak thleidan thiam attul. Tipithuamthum parah ti na leuh ih Ngapi le ngaciik pawlin an lo keu tikah ngaciik pawl keu kha pawi ti aw hlah. Sawiselnak pawl in a ttobul pawl kha theih tum aw la.

8.                           Ral vekin si loin, rualpi vekin let hawi aw: Respond as a friend, not a foe

Milai mizia cun sawiselnak hrial thei tawk hrial ding le tlansan ding a tum ringring. Asinan sawiselnak pawl cu hmaiton ih a hram laihsuak le ti rem a tha bik theu. Sawiselnak cu midang thawn a pehpar mi asile sawisel tu pawl ngai pawimawh mi tuanvo neitu hnen thlen dingin bawm hai aw.

9.                           Hahdam zetin pehtlaih thiam aw: (Have a sense of humor)
Hahdam zetin hnih phah in sawiselnak pawl lak thiam tikah zir tulmi zir in sawisel tu pawl thawn pehtlaihnak tuahtthatnak ding lamzin a ong aw thei.

10.                       Sawiselnak cu faknak thawn kawp cih aw: Combine criticism with praise

An lo sawisel tikah an lo ngai pawimawh tinak asi. An lo ngai pawimawh lo ahcun an lo sawisel lo dingih an lo rel paih fawn lo ding. Midang in an tuah tthatmi pahra lakah an tuahsiat mi pahnih lawnglawng kha va sawisel rero hlah aw. An tuah tthatmi pahra na lawmnak lakah an tuahsiatmi pahnih fakselnak na zeptel asile zozo hrang khalah ngainuam le hahdam zet asi ding. An tuah tthatmi na sim phah ah duhsaknak thawn thiltha sawn rahsuak dingin an tuah tthat lo mi pahnih na sim asile zozo hrang khalah thiltha a suahpi ding.

 

Sawiselnak tawn tikah a sezawng lawnglawng in lak ding asi lo.

 

VI. TUMTAH RUANGZING DAN

     

RUangzing Tumtah Tuahsak dan: The Strategic Planning Process

Mission & Objectives : Sunmang le Tumtah    

  Environmental Scanning: Sungle leng khaikhawm

Strategy Formulation : Hmalak dan ruangzing

Strategy Implementation: Hmalak dan ruangzing mi tuahsuak  

 

      Evaluation & Control: Tuah mi cuaithlai, tehfung zohsal nak

 

SUnmang le Tumtah (Mission/Objectives): vision, values, purpose-inward/outward: Sunmang, man neihtermi, tumtahmi, le hmailam lamzin hrang hmuhcia le timtuah mi . TUmtah mi tuahsuak dingin pawlkom in ziangvek sumpai, hmanrua le milai an um.

 

Kiangkap Khaikhawm (Evironmental Scan):

  • Pawlkom sunglam khaikhawm, tumtah/milai/sumpai/hmanrua-cahnak cahlonak
  • Pawlkom lenglam: Pehtlaih cia mi, pehtlaih hrih lo mi
  • Ziangvek lamzin thar on thei mi, canttha, canpual,
  •  

Hmalakdan ruangzing (Strategy Formulation):

  • Pawlkom cahnak, tumtah le a ong aw mi canttha (opportunity):
  • Cah lonak le lenglam siatsuah/daltu
  •  

Hmalak dan ruangzing mi ttuan thawk (Strategy Implementation):

  • Program, Budgets, procedures; resources vs. staff:
  •  

Tuahmi cuaithlai, tehfung, zohsal (Evaluation & Control) 

  • Pitlin lam cuaithlai, tehfung
  • Tumtah mi hrangah ziangvek man in cuai thlai asi ding; Tehfung thawn tah awknak
  • Hmuh mi le tumtah mi buuk tawn ttheunak
  • A ttul mi thleng theu nak
 

VIII. MEETINGS

1. Meeting 101

 

Meeting thawn pehpar in a hnuailam pawl hi theih ttul mi asi:

THusuh ding pawl:

1. ZO in meeting a ko ding?

2. ZO pawl sawm an si ding?

3. ZO in meeting hrangah a timtuah ding?

4. Ziangtin meeting kaihhruai asi ding?

5.Ziangtin meeting thurel catmi tuah pitlin asi ding?

6. Ziangtin meeting ttha deuh le tlamtling deuh in tuah a theih ding?

A hnuailam ah kan zoh asile:

1. A ttul taktak lawngah meeting tuah ding

2. Meeting tuahnak san, ziang tumtah mi fiangzet in neih ringring ding.

3. Thubuai khirhkhan rel ding asile a lailak mi kaihruai tu sawm a ttha

4. Meeting tinten agenda neih ringring ding:

  • Thu rel ding thu tlangpi
  • *Thu tlangpi khaikhawm, thu putlut tu
  • Thutlangpi pakhat ah tikcu pek ding zat

5. Meeting hlan ah meeting kai tu ding pawl hnenah a hnuailam vek pawl hi sim cia, theihter cia ding:

  • Meeting tumtah mi, thurel ding
  • Meeting agenda
  • Hmun le tikcu
  • Ziangruangah meeting kawh asi, thuanthu tawi
  • Zo in ziang a tuah ding, tuanvo neih mi

6. A tikcu te ah meeting thawk ding: cutin tikcu hman te a thleng mi pawl kha cawhkuan kuan ter lo dingin

7. Meeting kaitu pawl:

  • A tikcu hman ah thlen ding
  • Thu hla rel ding hrang timtuah cia ding
  • Thu sim/rel tikah tawi famkim in rel ding
  • Thatnak hrang ruat in thu rel ding

8. Meeting record/note pawl ret hrimhrim ding

9. Meeting kaitu pawl thu rel catmi kha casungah khum tengteng ding.

10. Thuthluknak tuah mi ttuansuak dingin ttuanvo pek mi pawl, tikcu can le ziangtin tuah ding timi pawl kimcang zetin ca sungah ngan ding.

11. Meeting ziangtluk a ttha, tlamtling tlinglo timi meeting ttheh zawngah zohsal in next meeting ding hrang ruat cia ttul mi (tikcu le can) khiah cia ding.

==

2. Meeting thukam pahra:

1.      Ziangcan asi ti thei ringring aw: Thou Shalt Always Know What Time It Is

2.      Meeting thupi na theih hngilh lo ding: Thou Shalt Not Forget the Main Reason for Meetings

3.      Meeting golden rule na theih hngilh lo ding: Mipi lakah cawimawi aw la, mimal in sawisel/faksel aw: Thou Shalt Remember the Golden Rule of Meetings:
Praise in Public, Criticize in Private

4.      A tikcu lo ah meeting tuah hlah aw: Thou Shalt Not Convene Meetings Outside of Normal Business Hours

5.      Mibur/thahrum hmangin na duhdan lam hawi in thuthluk nak tuah dingin midang nawr dah hlah aw: Thou Shalt Not Use Group Pressure to Logroll Conclusions

6.      Meeting nak hmun cu midang hnatuan siatsuahnak ah hmang hlah aw: Thou Shalt Not Use Meetings to Destroy Others' Careers

7.      Mimal thu le hnatuannak (pawlkom) thu a hran ten thliarhrang thiam aw: Thou Shalt Keep the Personal and the Corporate Distinct

8.      Meeting kaihhruainak ttha bik cu siangpahrang kaihhruainak si loin Democracy asi ti thei ringring aw: Thou Shalt Remember that the Best Model for Meetings Is Democracy, Not Monarchy

9.      Meeting hlan ah meeting agenda pawl tuah cia diamdi in meeting kai tu ding pawl hnenah pe cia theu aw: Thou Shalt Always Prepare a Clear Agenda and Circulate It Beforehand

10.  A tikcu hman te ah meeting tawpter dan thiam aw, thupi thu thluknak tumtah mi tuah ttheh ve ten: Thou Shalt Terminate a Regularly Scheduled Meeting When Its Purpose for Being No Longer Exists

   

Reprinted with permission from Harvard Business Communication: A Newsletter from Harvard Business School. For more information please visit www.hbsp.harvard.edu.

1. International Communications Industries Association, Inc.

   
 
   
 
   
 
   
 
   
                                               
Comments