ZOHTHIMTLAK HRUAITU PAWL KARBAK PANGA:

The Five Practices of Exemplary Leadership

James M. Kouzes le Barry Z. Posner te  cabu “Leadershop Challenge” timi sungah an nganmi “Zohthimtlak hruaitu pawl ih karbak panga” “The five practives of Examplary leadership” timi parah kan zir thei mi a hnuailam vekin ngan asi. Karbak panga pawl cu:

1.      LAMZIN AN ZAWH HMAISA (Modeling the Way)

Leitlunah a hlawktling ziktluak hruaitu pawlin an ausuahpi mi, an thuken ih a thatzia an mai nun in an langter hmaisa. An khawruah, tongkam tuahnak le an tumtah, an sunmang zulhpeh aw ten an nung. An tongkam le nuntu a kalh aw dah lo. Midang mithmuh ah an nun le a thupte nun ah siseh an simmi, tumtahmi, milai nun man an neihtermi pawl mipi mithmuh ah rinhlelh ding um loin an nunpi ih lamzin an hmuh hmaisa.

2.      SUNMANG AN TTAWM (Inspiring a Shared Vision)

Hruaitu pawlin senpi mipi thawn nunpi le thihpi tlak an sunmang thuken cu an hlawm, an sim thei. Khui lamzinah ziangtin, ziangtikah zo pawl feh in ziangvek hlawknak thatnak a thlenpi thei timi zumhgetnak thawn an dinpi mi mipi in fiangzetin an theih dingin an sim thei ringring. Cui sunmang cu lamzinpi vekin fiangzetin mipi lungsungah an fiangter. Cutin zothlimtlak hruaitu cu cui lamzin parah ding tohtoh in a fehmi vekin mipi in an hmu. Cui tumtahmi le sunmang cu nunpi tlak, thihpi tlak sunmang tumtah tlak asi ti mipi in an fiang. Cutin sunmang an tawm awaw.

3.      TUAHDAN AN THLENG (Challenging the Process)

A umkel lamzinkel zawhtu pawl hi zohthimtlak hruaitu an si dah lo. Zohthimtlak hruaitu pawl cun an umkel, lamzin kel an thleng ih a thasawnmi lamzin, tuahdan in an hruaimi minung pawl an fehpi ih hmanrua le thilria, tikcu can, canpualtha pawl tla a hlan hnakin hmailam panpi dingin an feh. Cutin leitlun santiluangin a herliam pimi milai thuanthu sungah a thabik, hmailam pan in a fehpi.

4.      MIDANG CANGVAI THEI DINGIN AN BAWM (Enabling Others to Act)

Khuahlan siangpahrang san, mi pakhat ih uk awk san a cem zo. Santhar hruaitu cun midang in anmah te an tuah lo dingmi tuansuak thei dingin an bawm, an kaihruai, an zirh ih hmailam an panpi. Zohthimtlakhruaitu pawlin midang pawl kha senpi tumtah tuansuak dingin an bawm ih lamzin an sialsak, lamzin an hmuh, an kaihruai in an bawm.

5.      THANGZANG LE RUAHSANNAK THAR MI AN PE (Encouraging the Hear)

Senpi le hnatuantu pawl cu lamzin parah thanzang bang, thanau le beidawng khalin an um thei. Pawlkom le mipi hmailamah ziang a cang ding ti ruahhar le thukthun in an um thei. Zohthimthlak hruaitu cun mipi thinlung sungah phurnak thar, ruahsannak thar a neih ter ih thanzang pe in mipi tha a thoter.