Midang thawn pehpar in:

1)      Na lungawi zawng tuah theitu parah ziang na tuah timi hnakin zianghman thatnak a lo tuahsak thei lo tu parah ziang na tuah?

2)     Nangmah a lo duhdaw tu le na duhdawtmi parah ziang na tuah timi si loin nangmah a lo huatu le na huatmi parah ziang na tuah?

3)     Pulpit par le mipi hmaiah (midang theih ah) ziang na sim/tuah timi hnakin midang theih lo ah ziang na tuah?

4)     Mi upa le midangin an upat mi parah ziang na tuah timi hnakin midang in ziang an siar lomi parah ziang na tuah?

5)     Ziangzat lamtang na nei timi hnakin zo ih lamtang na si

 

Peknak:

6)     Ziang na pek ti hnakin ziangvek lungput thawn na pek?

7)     Ziangzat na pek timi hnakin na neih zate zat ihsin ziangzak na pek?

8)     ziangzat na ngah timi hnakin ziangtin na ngah?

 

Thlarau nun:

9)     Thawinak hnak in nitin dingfelnak le a dikmi tuahnak in,

10) Zovek lamtang na nei timi hnakih zo ih palai na tuan? (Huatnak le sualnak tipungtu maw, duhdawtnak le remdaihnak tipungtu-Khrih ih palai maw, Satan palai na tuan?)

11) Ziang na sim ti mi hnakin na lungsung ziangin khua a luah?

12)  Lenglam mawinak hnakin sunglam mawinak, pawnlang sakhuanak hnakin sunglam nun,

13) Nangmah le nangmah ziangtin na thei awaw timi hnakin Pathian in ziangtin a lo hmu,

14) Zo in an lo cawimawi timi hnakin zo na cawimawi?

15) Zo na zuamih na neh timi hnakin zo na bawm? Zo na ti lungawi, na nun-tong le tuahnak ah Pathian a lungawi maw, Satan a lungawi?

16) Zo in an lo upat timi hnakin zo/ziang na upat?

17) Nangmah le nangmah ziangtin na thei awaw ti mi hnakin Pathian in ziangtin a lo hmu?

18) Ziangtluk na theitam timi hnakin ziangtluk Pathian lamah na nun a thleng awaw?

19) Ziang tuanvo na nei timi hnakin na tuanvo ziangtin na tuan? Na tuanvo tum le tet hnakin ziangtluk rinum in na tuan?

20)  Zaingtluk hla na feh timi hnakin khui lamzin na zawh?