PIANTHARNAK
Umzia:
Piangtharnak, sersiamtharnak, thlahtharnak, Thlarau hrin mi, Vanlam hrin mi, ti pawl hi tongkam bang aw, a san bang aw mi a sim theh. Piangtharnak timi cu Pathian Thlarau in a thi mi milai thlarau, Pathian thawn pehzawm awknak a nei nawn lo mi, Pathian ih ral dinhmunah a dingmi, milai thlarau kha nunnak a pek, cuticun amah thawn pehzawm awknak thar a pek ih milai thlarau cu Khrih hmuihmel kengin a sersiam tharnak, Thlarau Thianghlim ih hrintharnak asi.
Pathian/Thlarau hnatuan: hrinthar/sersiamthar/
Jn 3:3, 5-8, “Mi zo khal a pianthar lo ahcun vancung uknak a co thei lo.” Piantharnak timi cu thu theihnak men si loin “Thlarau ih hrintharnak asi.” 2 Cor.5:17, “Mi zo khal Khrih ah a umtu cu sersiam thar asi zo, a hlun cu a cem zo ih nunnak thar a nei zo”.
Gal. 6:15 Sakhua biaknak ruangah si loin “Sersiamtharnak” ruang sawnah asi. “Sualnak sungah mithi kan si laiah Pathian in nunnakthar in neih ter mi asi” Eph.2:1. “Milai dingnak ruangah si loin amai zangfah lainatnak liolio in rundam tu Khrih sungah Thlarau in in sersiamthar ih in kholhfai sawn asi” Tit 3:5-7.
Zumnak in:
Eph. 2:8, Pathian Thlarau in a thi zo mi milai thlarau cu a sersiamthar, a ti-nung, Pathian thawn pehzawmnak thar a neihter rualrualin milai thinlung sungah Pathian in zumnak laksawng a pek. Cuticun, zumtu cu, Khrih ah zumnak in a nung mi asi. Cucu milai zuamnak le tuahnak ruangah asilo, Pathian laksawng liolio asi Ep. 2:9.
Hril cia nak:
Zumtu pawl Khrih nunthar an neih mi cu leitlun sersiam hlan ihsin Pathian thiltum asi:, Leilung sersiam hlanah, amai tumtah le lunghmui zawngin in Khrih ah inrak hril cia Eph. 1:4, 5. A hram thawk isin Pathian in in hril cia, cuticun Thlarau hnatuannak in tithiamhlimter dingah,
2Th 2:13.
Pathian lamah:
Sersiamtharnak cu Pathian hnatuan asi, Khrih ih insang ah mithar pakhat lawmlutnak asi, Khrih taksa peng zawmtu, mithar pakhat cu Khrih insangah a hmin laklut asi. Pathian ih ral dinhmun ihsin a fa dinhmunah kan dinhmun a thleng aw zo. Zumtu pawl leitlun kan um sung hmuahhmuah in kaihruai, in bawm, in kilveng tu dingah Thlarau Thianghlim in kan sungah in cencilh.
Thlarau Thianghlim Cencilhnak:
Thlarau Thianghlim cu kan sungah amahkhan (guanranteed) tu tuanvo nei in a um, ep. 1:13-14.
Minung lamah: Theihnak dik
Milai siathatheihnak sungah Thlarau in theihternak a pek, Pathian fa sinak a theihter.
2Cor.4:6, Pathian in kan thinlung sungah ENG a enter ih theihnak dik , Khrih ah Pathian sunlawinak in theihter
Khirh ah thih le thawhsalnak: Rm 6:4. Cuticun, zumtu pawl cu Khrih thihnak ah zumnak in kan thi ve zo vekin Pathian thawn a kumkhua um tlang ding le a sunlawinak sunlawih tu dingah Khrihi ih thawhsalnak khal kan tawm ve ding asi.