WELCOME TO MY PAGE‎ > ‎KAWHHRAN THU‎ > ‎

KAWHHRAN UPA


VIII. KAWHHRAN UPA THU

Kawhhran upa pawl cu rawngbawltu pastor le evangelist pawl thawn ttangrualin kawhhran zumtu kaihhruaitu an si.
A. Kawhhran upa pawl neih dingmi sinak pawl:
Elders: upa
1) Mikhual ttha mi I Tim 3:2; Tit 1:8
2) Zirhtheih mi I Tim 3:2; 5:7; Tit 1:7
3) Hrosuan hmang lomi, mi thinnem I Tim 3:3; Ti 1:7
4) Sum ngaina lomi I Tim 3:3
5) Pawntam zaitam lo I Tim 3:3
6) Piangthar pekte asi lo ding I Tim 3:6
7) Mah le mah a uk aw thei tu asi ding I Tim 3:2; Tit 1:8
8) Mi senpi mithmuh ah upat tlak asi ding I Tim 3:7
9) Mawhsiatnak um lo mi asi ding Tit 1:7
10)Mi puarthaule thintawi asilo ding Tit 1:7
11)Thiltha duhtu asi ding Tit 1:8
12)Miding, mithiang le ziaza ttha asi ding Tit 1:8
13)Mah le mah uk aw thei, nuntudan felfai nei asi ding Tit 1:8
Elders le Deacon
14)Mawh nei lo mi asi ding I Tim 3:2,9; Tit 1:6
15)Nupi pakhat nei asi ding I Tim 3:2,12; Tit 1:6
16)Thinsau mi asi ding I Tim 3:2,8; Tit 1:7
17)Upattlak mi asi ding I Tim 3:2,8
18)Zurit hmang asi lo ding I Tim 3:3,8; Tit 1:7
19)Amai insang a finkhawi thei tu asi ding I Tim 3:4,12; Tit 1:6
20)A fa le pawlin a thu an ngai mi asi ding I Tim 3:4; 5:4; Tit 1:6
21)A diklo in ngahnak a duh mi asi lo ding I Tim 3:8; Tit 1:7
22)A insang milesa thutakah a hruai thei tu asi ding I Tim 3:9; Tit 1:9
Deacon
23)Thinlung fel le dik nei asi ding I Tim 3:8
24)Hniksak hmaisa mi si haiseh I Tim 3:10

B. Kawhhran upa hnattuan mawhphurhnak pawl

Elders: Upa
1) Kawhhran kaihhruai-kawhhran rorel I Tim 5:17; Tit 1:7
2) Rawngbawlnak lamah-kawhhran misa cawmdawl tu I Pet 5:2
3) Fimthiamnak lamah-kawhhran misa zirh tu- Eph 4:12,13; I Tim 3;2
4) Zung lamah-kawhhran cangvainak kaihuai tu James 5:14
5) Aiawhnak lamah-kawhhran aiawhin hnattuan ttulmi ttuan ding Dung 20:17; I Tim 5:17
6) Farah enkawlnaklam-farah bawmtu ding 6:1-6
7) Kawhhran sumsaw neihmi thurel tu le thubuai remtu Dung 6:1-6

C. Elders le Deacon pawl dinhmun
1) Pathian hmaiah:-
i) Pathian thutakah hnget khoh zetin dingtu I Tim 3:9; Tit 1:9
ii) Miding le mi thianghlim Tit 1:8
iii) Zirh thei tu I Tim 3:2; 5:17; Tit 1:9
iv) Mawhsiatnak um lo I Tim 3:2; Tit 1:…
v) Piangthar pekte silo (thlarau nun pitling nei) I Tim 3:6
vi) Thilttha duhtu asi ding Tit 1:8

2) Midang hmaiah
i) Thinlung thiang le mittha I Tim 3:8
ii) Upattlakmi I Tim 3:2,8
iii) Khualttha I Tim 3:2; Tit 1:8
iv) Pawntam lo, thu buai tuah hmang lo I Tim 3:3
v) Mi puarthau le thintawi silo, mi thinnemmi I Tim 3:3; Tit 1:7
vi) Mi mithmuh ah hmin ttha mi asi ding, hmin siatnak nei lo I Tim 3:7
vii) Mi nehsawh/mi hmuhsuam hmang asi lo ding Tit 1:7
viii) A dik loin ngahnak duhtu asi lo ding

3) Mah le mah kilkhawi awknak lamah
i) Fel zetin nitin nunah mah le mah thunun aw thei (Discpline) Tot 1:8
ii) Thin sau, thinheng sup thei I Tim 3:2,8; Tit 1:7
iii) Sum ngaina mi asilo ding I Tim 3;3
iv) Zurit hmang lo mi I Tim 3:3,8; Tit 1:7

4) Insang lamah
i) Nupi pakhat nei I Tim 3:2,12
ii) A fa le in a thu an ngai ding I Tim 3:4,5,12; Tit 1:6
iii) Mai insang tthaten a kilkhawi thei tu I Tim 3:4,12; Tit 1:6

C. KAWHRAN UPA HRIL AWKNAK

1) Mi zokhalin kawhhran upa ttuan a duhtu cu thilttha a duh asi I Tim 3:1
2) Kawhhran misa, sungtel pawlin kawhhran sungah zovekin kawhhran upa sinak thawn a mil aw mi sinak, mizia, le nuntu a nei ti ralring zet le fimkhur zetin an cekfel a ttul I Tim 3:1-13; Tit 1:5-9.
3) Kawhhran upa pawl hnattuan rei lam (term) cu Baibal sungah bikhiah mi a um lo.

D. KAWHHRAN UPA HNRIAKTHIHNAK (ORDINATION)
1) Kawhhran upa hriakthihnak cu kawhhran upa hnattuan ttuan dingin Pathian le minung hmaiah mawhphurhnak pek ih hlannak thawn nemhngehnak asi.
2) Kawhhran upa hriakthih tikah a hnuailam vek pawl a tel thei:
Rawngbawltu le Kawhhran upa ttuan cia pawl kuthngat nak, rawl ulh thlacamnak, khawhhran upa sinak in a phutmi pawl siarnak, le thukamnak.

3) Kawhhran rawngbwltu le upa pawlin kawhhran upa thar hriakthihnak ah mawhphurhnak an nei.
4) Kawhhran upa hriakthihnak cu kawhhran misa in an hril mi cu kawhhranah rawngbawlnak nei dingin mawhphurhnak an peknak le a mawhphurhnak ah a tlak asi tiah an phuannak le nemhngehnak asi. Dung 6:3-6.
5) Kawhhran upa thuneihnak
Kawhhran upa pawl thuneihnak cu thlarau lam thu asi. Kawhhran (Universal Church) hramthawhnak le tawpnak thu ah zianghman thuneihnak an nei lo. Kawhhran in a pekmi thuneihnak lawng kawhhran upa pawlin thuneihnak an neiih kawhhran in ttul a ti asi ahcun upa hnenah thuneihnak a pek mi cu a la sal thei. Kawhhran upa pawl thuneihnak cu anmah hriltu kawhhran misa sung lawngah asi.

E. KAWHHRAN UPA TAM LE MAL
1) Thuthlungthar sanah kawhhran upa pakhatnakih tam hi an hman tlangpi mi asi Dung 14:23; 20:17; Phi 1:1; Tit 1:5.
2) I Tim 3:2 ahhin kawhhran upa mal (pakhat) thu a simnak asinan kawhhran hotu (chairman) thu a simnak khal asi thei.
3) Kawhhran upa ziangzat an si ding ti mi Baibal sungah sim asilo nan a ttuldan le rawngbawlnak ih zirin ret theih asi.

F. KAWHHRAN UPA PAWL UPATNAK
Jesu kha Bishop tiah rak kawh asi (I Pet 2:25). Peter kha upa tiah kawh a rak si (I Pet 5:1). John khal kha upa a rak si (II Jn 1:13). Kawhhran upa dinhmun le hnattuan cu upat dingah sim asi I The 5:12-13; Heb 13:7,17,24.

G. KAWHHRAN UPA THINLUNGPUT
Kawhhran upa cun amah le amah Pathian ih hnattuan-pi ah ruat aw in zumtu dang pawl khalin Pathian hnattuan-pi ah an ruat thei dingmi a si I Kor 4:1-2; Tit 1:7.

H. KAWHHRAN UPA PAWL LAWMMAN CO DING
Thuneihnak thianghlim a nei ding Lk 12:43-44. Zumtu menmen pawl co thei lo mi, sunlawinak catuan lukhum a co ding I Pet 5:1-4.

Comments