WELCOME TO MY PAGE‎ > ‎KAWHHRAN THU‎ > ‎

KAWHHRAN LE THUTIAMKAM/PATHIAN LALRAM


II. KAWHHRAN LE THUTIAMKAM

1) Zumtu hrekkhat in Isreal le kawhhran hrangah thutiamkam a hranhran in a um asi tiah an zum.
i) Thuthiang sungah thutiamkam pakhat a umnak thu II Kor 3:3-6; Jer 31:33-34
ii) Moses hnenih thutiam mi cu sankhuk hrang asi loih tawpcin nei le dinhmun zir in a rak si.
2) Thukamthar
i) Jer 31:31 thukamthar cu thukamhlun kha thar ter mi a siih a kumkhua in a hmunmi thukam pehzawm nak asi.
ii) Thu khaikhin
a) Jer 31:34 sual ngaidamnak
b) Jer 31:33, milai thinlung sungah ngan dingmi daan, Thlarau Thianghlim cencilhnak Jer 31:34 ( II Kor 3:3)
iii) Thukamthar cu a kumkhua hrangah kam mi asi Jer 31:36; Exo 36:28-38
a) Abraham thukam khal kha hmailam zoh in rak kam mi asi.
b) Thukamthar cu Abraham hnenah kamcia mi a famkimnak asi.
c) Thukamthar cu Abraham ihsin David hnenah kamcia mi thukam nawlhsal mi thawn a bang aw Jer 33:14-16; 20:26; Ez 37:21-28.
d) Messianic thukam cu Jesu Khrih ah a famkim Dung 13.
iv) Thukamthar famkim dan:
a) Zesu Khrih in Thukamhlun le thar a famkim nak dingah ra in amah le amah a tarlang aw aw Lk 22:20; Mth 26:28; Mk 12:24; I Kor 11:25
b) Zesu Khrih thihnak le thawhsalnak ihsin thukamthar cu a co tu ding pawl hnenah phuanzarh in a um Heb 9:15-18.
v) Thukamthar sungah kawhhran a telnak
a) Thuthlunghlun sungah Pathian thukam pawl cu tisa Isreal pawl hnenih kammi vekin a lang nan, a tumtah taktak cu thlarau Isreal pawl hrangah asi sawn.
b) Thukamhlun cun thukamthar a famkim ding kha a rak zoh ih Gentle miphun pawl an tel ding khal a rak sim cia Isa 49:6b; 42:16; 60:3; Mth 26:28; Mk 14:24.
vi) Pathian in leitlun sual lak ihsin a kawhhran mi pawl cu Pathian thukam ro co tu an siih thlarau Isreal an rak si sawn.


III. KAWHHRAN LE PATHIAN LALRAM

Pathian lalram cu a thleng zo maw? Thleng zo le thleng hrih lo.
Lk 17:20; Mk 1:15; Mt 5:3 ah Pathian lalram thu thawn peh aw in Khrih ih ttongkam kan hmu thei.

1) Pathian lalram a kawknak ah ttongkam a hman mi pawl
i) Uknak ram-realm
ii) Uknak sung um mipi-people belonging to realm
iii) Thu neihnak/lalnak- royal authority kingship
iv) Pathian uknak lalram Mth 6:33; Mk 1:14,15; Lk 4:43 = Khrih lalram- Mth 13:41; 20:21 = Khrih le Pathian lalram- Eph 5:5 = David lalram Mk 11:10 = lalram Mth 8:12,1319 = vancung lalram Mth 3:2;4:17; 13:41. Hi bungcang pawl hin ttongkam dangdang a hmang nan an simmi a bang aw ttheh.
2) Baibal in Pathiann lalram (kingdom of God) a ti mi cu uknak hmun le ram si sawn loin lalnak thuneihnak sawn asi. Curuangah Pathian lalram tiah Baibal in a sim tikah Pathian uknak thuneihnak sawn a sim duhnak asi. Thuthlunghlun milesa pawl cun Pathian lalram (uknak) cu a takin leitlun uknak vekin a thlen ding an rak hngak.
i) Jesu Khrih in Pathian uknak (lalram) thu a rak zirh mi
A dik lo mi Pathian lalram ruahdan: Pathian lalram a thleng tikah,
a) Leiltun thuneihnak hmuahhmuah a siatsuah thluh ding
b) Pathian thuneihnak rak hmangtu leitlun lal le thu neitu pawl a siatsuah thluh ding
c) Sual hmuahhmuah thianhlim in leitlun thilttha lo hmuahhmuah siatsuah thluh ding.
Khrih in a simmi sawn cu:
a) Pathian lalram cu thuhruk asi
b) Satan thuneihnak nehnak asi
c) Satan uknak hnuai ihsin misual pawl kha suak tahratin Pathian lalnak hnuai ah nunter
Curuangah Pathian uknak (lalram) cu a tu rori ah leitlunah zumtu pawl thinlungah a umih Pathian cu a lal. Khrih a rat sal hlan lo cu zumtu pawl thinlung sungah Pathian lalnak a umih satan in zumtu pawl nunah thuneihnak a nei nawn lo. Cuticun Khrih a ratsal tikah Pathian uknak (lalram) cu a takin a famkim leh ding.
Curuangah:
a) Kawhhran cu Pathian lalram (uknak) asilo.
b) Pathian thuneihnak/lalnak/lalram cun kawhhran cu a sersiam sawn asi.
c) Kawhhran cu Pathian uknak theihpi tu le karhzai ter tu dingah hmanrua asi.
d) Kawhhran cu Pathian uknak ih hmanrua ttha asi.
Mth 4:23; Mth 9:35; Mk 1:14;15; Dung 8:12; Dung 19:8; Dung 20:25.
Jesu Khrih leitlun a rat hmaisa lai ah Pathian lalram/thuneihnak cu amah zumtu pawl thinlung sungah a din zoih a ratsal tikah leitlun thuneihnak le lalnak pawl cu siatsuah in a kumkhua a hmunmi Pathian uknak lalram cu a din leh ding. Jesu Khrih in hi leitlunah rawng a bawl lai ah leitlun thuneknak neitu, Pathian ih raal pawl parah nehnak thu a rak phuang zo ih a ratsal tikah leitlun thuneihnak cu siatsuah in a kumkhua a hmunmi Pathian uknak lalram cu din asi ding.
3) Jesu Khrih in nehnak thu a phuansuah mi cu a hnuailam vekin kan sim thei.

a) Thihnak
Satan le a thiltitheinak, thim thuneihnak in milai parah a sebik a tuah thei mi cu thihnak asi. Thihnak cu Khrih thihnak le thawhsalnak in neh asi zo. Curuangah a tutiang milai cu an thi rero ko nan, zumtu pawl hrangah thih ttih ah khur rero ding an si nawn lo. II Tim 1:9. A tho sal mi Jesu Khrih parah thihnak in zianghman thu a nei nawn lo Rom 6:9. Nineta bikah thihnak cu siatsuah in a um ding. Jesu Khrih in raal neta bik a siatsuah dingmi cu thihnak asi I Kor 15:25-26. Jesu Khrih a ratsal tikah thihnak cun milai parah zianghman thu nei nawn lo dingin siatsuah asi ding.

b) Satan
A thihnak le a thawhsalnak in Jesu Khrih in satan parah nehnak a phuang suak zo. Satan in hi leitlunah thuneihnak anei lai thotho nan zumtu pawl hrangah zianghman ttih ding a um nawn lo. Pathian in siannak a pek lo mi zianghman tuah thei mi a nei lo ih nineta bikah siatsuah asi leh ding. Heb 2:14-15; I Jn 3:8. Tikcu caan a tawp tikah siatsuah asi ding Thup 21:17. Pathian in zumtu cu satan kut sung ihsin zalennak a pe zo ih, Khrih a ratsal tikah satan ih hnaihnok thei lo dingin a kumkhua a famkim mi nun a neihter leh ding. Cuticun a tawpnak ah satan cu a kumkhua hrangin siatsuah a si leh ding.
c) Sual
Khrih a thihnak le thawhsal nak in sual cu neh asi zo. Sikhal sehla sual cu leitlunah a um lai thotho. Asinan, zumtu pawl hrangah zianghman ttih ding a um lo. Ziangah tile Pathian in an sual a ngaidam zo ih sualnak ihsin runsuak nak khal a tiamkam asi. Sualman thihnak tlunah Pathian in nehnak a phuang zo. Rom 6:6,14. Tikcu caan a kim tikah sualnak cu siatsuah lellel asi leh ding. Thup 21:17.

Comments