V. KAWHHRAN DINDAN LE KAIHHRUAI AWKDAN A. Kawhhran dindan a phunphun 1) Protestant pawl dindan a phunphun a. Episcopalian dindan i) Jesu Khrih cu kawhhran luu bikah ret asi. Cun vengsung kawhhran cu bishop in a kai hruai. Bishop cu Khrih dungthluntu pawl roco tu vekin an ngai. ii) Kawhhran dindan thu ah kawhhran misa sungtel pawlin zianghman thuneihnak le thu thawhkhawmmi an nei lo. iii) Pastor pawl cu bishop lole episcopate pawlih nemhngetnak in rawngbawlnak ah laklut an si. iv) Hivek kawhhran dindan le kaihhruai awkdan pawl hi England ramih kawhhran pawl hrekkhat pawlin an hmang. Episcopalian, Methodist le Lutheren kawhhran pawl hi a hmang tu bik an si. b. Presbyterian dindan i) Jesu Khrih cu kawhhran luu bik le ziangkim thuneitu ah pom asi. ii) Khrih cu kawhhran siangpahrang a siih a thuneihnak cu zumtu hmanrua hmangin kawhhran sungah hna a ttuan. iii) Kawhhran kaihhruai awkdan le dun pawl cu mimal (bishop) thuneihnak hnuaiah a um lo. aa) Bishop (lal), kawhhran uktu, thuneitu bik an nei lo. cc)Kawhhran kaihhruai awkdan cu kawhhran upa pawl lairel nakin asi. iv) Kawhhran pi le vengsung (local) kawhhran kar lakah thuneihnak tthen awkdan a umih a hnuai lam vekin kan sim thei. aa) The Session (or consistory)- rorelnak ah vengsung kawhhran upa pawl an tel bb) The Presbytery (of classis)- rorelnak ah bial khat sungih kawhhran upa pawl le rawngbawl tu pawl an tel dd) The Synod-Synod bial cu a kau deuh-rorelnak ah vengtin kawhhran upa, rawngbawltu le zung hnattuan sang kai pawl an tel. ee) The General Assembly-rorelnak ah pawlpi hnattuan hmuahhmuah, zung hnattuan sangkai le kawhhran rawngbawl tu pawl an tel. v) Curuangah presbyterian kawhhran pawl ahcun vengsung (local) kawhhran thuneihnak cu a tthen a lang lawng asi. c) Vengsung (local) tohdelh kawhhran dindan ( the congregational) i) Vengsung kawhhran tin in a pitling thuneihnak an nei thluh ii) Kawhhran kaihhruai awknak dan le dun thu le hla hmuahhmuah cu vengsung (local) kawhhran sungtel (member) pawl thuneihnak ah a tthum aw. iii) Kawhhran zung hnattuan pawl cu kawhhran hnattuan ttulmi hrangah a cangvai tu men an si. aa) Kawhhran sungthu ah hnattuan a ttul mimi fial ding le tuahtu ding lawng an si. bb) Kawhhran dindan le rorelnakah kawhhran sungtel (member) pakhat an sinak hnakin zianghman thuneihnak sang an neih mi a um cuang lo. 3) Kawhhran dindan dang a phunphun a) The Quaker or Daryite dindan i) Kawhhran sungah daan le dun neiin kaihhruai awknak cu an hnawng ii) Kawhhran sungah daan le dun thawn kaihhrem awknak hin Khristian thlarau rawngbawlnak a dal asi an ti. iii) Curuangah kawhhran kaihhruai awknak daan le dun pawl cu a ttul lo lawng hman si loin a sual tukin an hmu. Thlarau thawhdan ih zirin Pathian biaknak le rawngbawlnakah cangvaih ding asi an ti. b) The Erastian pawl dindan i) Himi kawhhran dindaan le kaihhruai awk dan pawl hi Calvin san lai ah kawhhran/biaknak hotu pakhat dinhmun neiin a rak nung ve tu, Erastus (1524-1583) hnen ihsin zir suak mi asi. ii) Kawhhran cu cozah kumpi hnuaiah din le kaihhruai ding a si tiah a rak zum. iii) Kawhhran kumpi cu kaihhruai awknak dan le dun thawn dinding. Kawhhran milesa kaihhrem awknak ah phuar awknak dan le dun khal tuah ding tiah a rak zum. c) Roman Catholic kawhhran dindan i) Episcopal kawhhran dindan ihsin a feh vivo mi asi. ii) Rome khua ih kawhhran kha kawhhran dindan le kaihhruai awk danah a famkim mi asi tiah an ruat. iii) Kawhhran mipi, sungtel pawlin kawhhran dindan le kaihhruai awk dan thu ah zianghman thuneihnak an nei lo. |
WELCOME TO MY PAGE > KAWHHRAN THU >