WELCOME TO MY PAGE‎ > ‎KAWHHRAN THU‎ > ‎

KAWHHRAN DIN THAWK DAN LE THUHRAM PI

IV. KAWHHRAN DINNAK HRAMPI

1. Leiltun pum huap (universal) kawhhran dinnak hrampi
i) Mth 16:18, Jesui’ ttongkam “lungpi” timi lehdan a phunphun a um thei mi pawl cu;
a) Piter parah: Jesu in lungpi parah ka kawhhran ka dinding a ti mi kha Piter parah ka dinding a tinak asi.
b) Piterih rawngbawlnak parah: Piter ih rawngbawlnak parah hngat aw in Jesu in kawhhran a dinding thu a rak sim cia.
c) Jesu Khrih parah: Jesu in “Lungpi” a ti mi kha amah le amah a sim awknak a siih kawhhran cu amai parah a dinding thua rak sim cia.
d) A dungthlun hmuahhmuah parah: Piter ihsin thawkin a dungthluntu zate parah Jesu Khrih in a kawhhran a din ding.
ii) Peter parah kawhhran din a si thei lo nak thu
a) Ttongfang pahnih hmanmi: aa) Petros (Greek)-stone- timi cu lungto ( atumpi a si cuanglo); bb) Petra (Greek)-a massive rock-timi cu lungpherpi asilole lungtumpi.
Asinan Jesu in Peter hnenah thu a rak sim tikah Aramic ttong a rak hmang asi ahcun ttongfang pakhat lawng a umih kepha (stone), lungto ti lawng asi.
b) Thuthiang sungah Jesu Khrih kha “Lungpi” tiah a kawknak a um I Kor 10:4; Rom 9:33; I Pet 2:8; Mth 7:24-27.
c) Mi hrekkhat cun Jesu Khrih in a dungthlun pawl hnattuan/rwngbawl a fial vekin a dungthluntu pawl a kawhnak asi ding tiah an ruat Mth. 18:18; Thup 21:14.


V. KAWHHRAN RAK DIN THAWK DAN

1) Veng kawhhran (local church) pawl kha awlsam zetin an rak thawk
A hram thawkah pawl (denomination or organization) a rak um loih Khrih zumtu pawl kha duhdawtnak in an hlawm khawm aw ih Pathian biak tlangnak an rak nei ttheu. Cuticun veng kawhhran pawl cu kawhhran pitling dinhmunah an tthanglian vivo.

2) Dung 1:8 ah kawhhran tthanlen dan a sim
a) A thawkah Jerusalem ah kawhhran pakhat lawng a rak um.
i) Khawm awknak hmun cu inn hranhran ah rak tuah asi ttheu nan kawhhran pakhat lawng a rak um.
ii) Penticost ni ah mi 3000 zumtu an pung Dung 2:4. Veng sung kawhhran zumtu an pung vivo.
iii) Nikhat hnu nikhat zumtu pawl an pung vivo Dung 2:7. Khawm awknak cu cawlhni lawngah si loin nitin te an rak khawm aw ttheu.
iv) A dungthluntu pawl cu kawhhran hruaitu luban an rak si.
b) Thuthangttha a karhzai vekin vengsung (local) kawhhran dangdang an pung vivo, Judea, Samaria le leiltun ramdangdang ah.

3) Kawhhran rualremnak
a) Roman Catholic pawl cun kawhhran pakhat (Cathomic Church) kaihhruai awknak le pawlkawm awknak ah lungrualnak a umih dungthlun pawl ro co tu kan si an ti.
b) Protestant pawl cun (vengsung) kawhhran kaihhruai awknak le pawlkawm awknakah lungrualnak ngaingai a um lo nan zumtu sunglam tlarau nun sawnah pumkhat sinak a um an ti.

4) Kawhhran dik hminsinnak
a) Pathian thutak nunpinak le phuansuahnak
b) Kawhhran hriakthih awknak le rawngbawlnak (Ordinance): tihnimnak le bawipa zanriah
c) Baibal daan le dun thawn thunun awknak

5) Kawhhran pawl ( denomination)
i) Pawl dinnak thuhrampi
Thuthiang sungah kan hmuh thei mi pawl
a) Zumtu pawl zirhnak bang aw sungah an nung Dung 2:42;Eph2:20
b)Thlarau lam pawl kawm awknak le thlacam khawmnak ah an tawng aw ttheu Dung 2:42
c) Tihnimnak an nei Dung 2:41
d) Lalpai’ zanriah kilkhawmnak an nei Dung 2:42
e) Sungtel sinak an nei Dung 2:14,41; 4:4
f) Vangtlang khawm awknak ah an tawng aw ttheu Dung 2:26
g) Kawhhran sungtel pawl lakih a tlasam deuh pawl hnenah an neihmi an pe Dung 2:44-45
ii) Jerusalem kawhhran sungah a hnuailam pawl khal kan hmu thei
a) Kawhhran upa (officer) pawl an um Dung 6:1-7
b) Tawn awk tikcu an tuah Jn 20:19-26; Dung 20:7
c) Kawhhran ceimawinak I Kor 16: 1-2
d) Kawhhran dang pawl hnenah cakuat tla an kuat Dung 18:24-28; Rom 16:1-2.
iii) Kawhhran sungtel sinak
a) Jesu Khrih zumnak cu a lotheihlo in a ttul mi asi. Dung 2:47.
b) Veng kawhhran dan le dun hnuaiah um a ttul Heb 13:17; I Tim 5:17; I Pet 5:5; I Kor 5:13; Mth 18:15-19
c) Kawhhran sungtel (member) pawl cu a lotheihlo in nun thianghlim in nung ding an si I Tim 3:15
iv) Kawhhran Upa pawl (Officers of the Church)
a) Apostle (Dungthluntu)
Apostle ti cu tirhsuakmi tinak a siih Thuthangttha sim ding hnattuan nei in tirhsuak mi an si.
aa) Apostle pawl cu Jesu Khrih in a hleice in a hril mi an si
bb) Jesu Khrih in a hril hai vekin kawhhran ah rawngbawl hleice an nei.
cc) An sinak
aa) Jesu Khrih in mawhphurhnak thawn hanttuan a fial mi an si Mk 3:14; Kal 1:1
bb) Jesu Khrih nun lai ihsin a rak hmu tu le a dungthluntu, theitu, an si a bik takin a thawhsal hnu ah
Jn 15:27; Dung 1:21-22.
cc) Pathian thu an zirhnak kipah Thlarau in a thawkkhummi an si Dung 15:28; I Kor 2:13; I The 4:8; I Jn 5:9-12.
dd) Thilmak tuah theinak huham khal an nei II Kor 12:12; Heb 2:4.
a) Prophet
aa) Prophet pawl cu Thlarau theihternakin Pathian thu/ttongkam dawng tu le simtu an si.
bb) An rawngbawlnak cu hmailam thilthleng dingmi le a thleng zo mi pawl simfiangnak asi.
cc)Thuthlungthar tuah ttheh hnu lamah prophet hnattuan/rawngbawlnak a tawp zo asi ti ah a zumtu an um. Zo maw cu prophet ka si ti aw an suak ttheu; asinan an thu simmi pawl lak ihsin Baibal thawn a kalh aw maw a mil aw maw timi zohfiah thiam a thupi ngaingai.

c) Evangelist
aa) Khrih Thuthangttha phuangsuak tu an si.
bb) An rawngbawlnak ah Pathian Thlrau kaihhruainak in kawhhran din ding khal a tel Phi 1:27; II K or 9:13
Kawhhran dintu an rak si

d) Pastor-teacher-zirhtu (Greek ttong ahcun tongfang pakhat lawng a hmang)
aa) Pathian thuthianghlim an hnenah theihter le fianter a si vekin an theihmi le an zirmi pawl kha an ttuannak in kawhhran zumtu pawl cawmdawl tu an si.
bb) Prophet rawngbawlnak a langnawn lo hnu ah pastor pawl rawngbawlnak a tthanglian vivo.

v) Kawhhran upa hrilnak
Kawhhran upa pawl hril an sinak cu a hnuailam vekin theihtheih asi.
a) Zumtu mah le mah theih awknak (internal calling)
aa) Pathian lalram hrang rawngbawlnak ah mawhphurhnak nei in mahle mah thei awknak
bb) Thlarau le minung lamah kawhhran rawngbawlnak ah mah le mah tling le tlakin theih awknak (minung lam sinak ruangah si loin Pathian Thlarau in lam ihruai a si ti theih awknak in).
Cuti vekin theih awknak a nei tu cu Pathian in a rawngbawlnak ih mawhphurhnak la tu dingah lamzin a sial tinak asi.
b) Pawnlam ihsin theihnak-extranal calling
Pathian in a rawngbawl dingin a hril mi cu a kiangkapih vengsung kawhhran misa pawlin a mawhphurhnak ttuan suak dingah le Pathian rian dingah a tlingin a tlak asi ti an thei ding. Kawhhran upa pawl rawngbawlnak thu thawn peh awin tamdeuh simbetmi a ummlai.

Comments