|
My Xth Birthday Reflection March 8th, 2010
I was born naked but God clothed me thru my parents, The world still is cover by dark power, where and when people are blind walking, The world is like a battle ground where God plays with the devil, like a boy plays with his toys, The world is like a table where God demonstrates his attributes, love, justice, and all mighty power! The world is like a clinic where babies are born and cleansed for future purpose! The world is like a tiny court, where God displays His rule as a Jude! I now learn how to discern the voices of the dark power and of the Holy One! I now learn how to calculate my future according the perspectives of the owner of all! I now learn how funny I was to dance at the devil’s floor, to please mankind! I give glory unto God, who opens my eyes and empowers me to control whatever given unto me and to let it go whatever beyond my control. Now, He let me enjoy my existence and anything related to me which will continue forever! And my future rest on Him! May my whole being glorify His name forever!
|
Xth Suahni Campha Thlirvel nak March 8th, 2010 Lawngfangkheh ih ka suak ih Pathian in ka nulepa hmangin i-thuam, Ziangtheih mi nei loin ka piangih Pathian in Zesu Khrih eng sungah theihnak i-pek, Misualin ka piang ih Pathian in a Fapa thisen in i-thianfai, Tap in leitlunah ka suakih Pathian in i-hnihter, nun diriamnak i-pek, Tawntai zetin ka piangih Pathian cu i-humhimtu asi, Ziangnei loin ka piangih ziangkim neitu Pathian in a fapa ah i-canter, Aw, leitlun milai pawl, ka nun diriamnak, ka can, ka nun le a thupi bik ka Pathian hi i-ttawm ve uh!
Rilrawng, lungleng umhar, hliamhma tuarin ka um canah Amah a um, Ka duhdawt mi pawlih nawn mi, zuarthlaimi, nautatmi, ka si canah Amah a um, Satan in thal-ko i-thongthluk canah Amah a rumih a kutin i-kai tho, Mithi khua sangka king in ka din laiah, Amah a rak um, nunnak Lamzin i-hmuh, Atnak le mualphonak lamzinah ka feh ih lamzin tawp ka thlen canah, Amah a rak um, Lamzin dik i-hmuhter, Aw, leitlun milai pawl, ka nun diriamnak, ka can, ka nun le a thupi bik ka Pathian hi i-ttawm ve uh! Ka leitlun nun cu tuansuak mi mumal nei loin hraphriat tlak zetin a lian cuahco laiah ka kumkhau innpi engmawi i-hmuhter, Ka porh awknak le ruahsannak cu lei parah a tlakkuai tikah zangfahnak in i-ra hawlih leitlun milai ruahsannak umsun i-coter, At hlawptlo nakin ka miphun hrang ka tuan rero laiah thinsau zetin i-rak hngak, Theihnak le tisa nuamnung ah diriamnakin thlem ka si laiah satan kut ihsin i-hum suak, Ka duhdawtmi pawlin in hnawng, in phatsan can ah rualpi tha i-pek, Santiluang le milai fimnak in i-phutmi ka tuah pitlin lo canah, keimah sungin Amai humham cahnak thawn A tuansuak dingmi sunlawih tlak tuanvo i-pek, Aw, leitlun milai pawl, ka nun diriamnak, ka can, ka nun le a thupi bik ka Pathian hi i-ttawm ve uh! Leitlun cu chess lehnak cabuai vek asi, Pathian in zawte puah vekin satan a lehpi nak vek asi, Leitlun cu rei lote, thim thuneihnak in a khuh, milai pawl cu mitcaw vaktawi vekin an tawi, Leitlun cu raldonak hmun vek asi, nauhak te in meinu thawn zawte a puah vekin, Pathian in satan a lehpi nak hmun vek asi, Leitlun cu Pathian in asinak, diknak, duhdawtnak, le huham cahnak a langternak thuthennak cabuai vek asi, Leitlun cu naute suahnak zato hmun, naute an thianfai ih hmailam hrang an timtuah nak hmun vek asi, Leitlun cu zuuthumnak zung, Pathian cu thuthentu a tuannak vek asi, Ni nikhatkhat ah ziangzongza ih Siangpahrang in satan le a ho pawl cu meilipi sungah a hlawn hlo theh ding, Aw, leitlun mi pawl, tlan uh, tlan uh, Pathian tel lo cun nan cem asi!
Tu ahcun ka theih mi lenglo tongkam thlak lo dingin ka lei kaihhrem dan ka zir zo, Tu ahcun mithmuh theih lenglamah khawruahdan ka zirzo, cucu ziangkim kaikhawm tu sawn asi, Tu ahcun thim thuneihnak ih aw le a Thianghlim mi aw thleidan thiamnak ka zir zo, Tu ahcun ziangkim neitu ih hmuhdan vekin ka hmailam khawkhan cia dan ka zir suak zo, Tu ahcun at thlakzetin satan zial parah ka rak lam rero dah timi khal ka zir suak zo, Pathian hnenah sunlawihnak ka pe, ka mit i-vangter zo ih keimai kutsung um felten kaihrem thei dingin huham cahnak i-pek hlei ah keimai kutsung um lomi cu hahdam ten thlah dan ka zir suak zo! A tu ahcun nun timi le ziangkim keimah thawn a pehtlai mi hmuahhmuah nuamcen dan ka zir zo, sankhuk tiang Pathian thatnak nuamcen sunzawm dan i-zirh zo. Ka hmailam cu A kut sungah ka hngat zo! Ka nun pumhlum hin sankhuk in Amah, ka Pathian cawimawi hram sheh! |