Leitlun nun ziang asi ding ti thei loin naute ah ka rak piang,

Ka nulepa duhdawtnak tanghlumah thanglian in,

Theih lonak in irak bawmih kiangkap sual le thiltha lo pawl ka rak lanta.

Taksa thinlung zuam awknak leitlunah thanglian in,

Lungawinak, naa tuarnak, le lungkim lonak pawl tla ka zir ngah.

Kum ziangmawzat thinlung hloptlo zetin an rak liam,

Sirhsantha cawkphurtu thutha in nun thap in ke irak kar ter,

lotheihlo tulnak le hmuhtawn mi kalh awknak phun zakip in dung a thlun,

tongdang in sim asile, duhthusam ih khatlam ralah din cuahco can a rak thleng.

Cutivek zirnak lamtluanah a hnuailam pawl hi hminsin ding malte pawl an si:

Thihnak phairuamah ding in theih awk can a um,

Meipi lakah feh nacingin thirkawr sahpi hruh vekin theih awk can a um,

Hlirbur pi pahtlang cingin naa thei thei lo bang can a um,

Sihman sehlaw, nun hmasi pawlin vun an ti-hak deuhdeuh ih nun cu an cak ter deuhduh,

Nun hmelsia hmaitawn cu pakhat asi ih a siatsuah mi si khal a dang asi ti ka zir ngah,

Damnak ih sunlawizia zirhtu tha bik cu naa tuarnak asi,

Huatnak, hnawnmi sinak, thangsiatnak tuarnak pawl cu mi pakhat ih sungmuril hniksaknak asi,

Milai duhthusam khatlam ralah din tikah milai hmuhthukzia hniksak asi.

Ziangtinkimah, ziangtik lai khalah Pathian ka tulzia itheihter tu pawl cu izirhtu tha bikah an cang,

Pathian ih hmuhdan vekin mahlemah hmuh awk thiam nakin midang parah Pathian hmuihmel ihmuhter,

Milai nunnakah Pathian huham a cangvai mi hmuh tikah alamzin daltu pawl siatnak ihmuhter,

Mangbangza ruahban lo ziangzongza sersiamtu in nun hi ziang asi ti san a neihter,

Milai tlaksamnak le cahlonak pawl lakah  isersiamtu le icermawitu Pathian ih duhnak cu nunah a famkim asi ti ka theih tikah, nun diriamnak le hnangam daihnak in sunglam nun a luahkhat ih athianghlim mi Amai hmaika ih nun hnakin thildang zianghman hal mi le hah mi a um nawn lo.

Amah in ka tumtah, duhthusam, le nuamti mi pawl ithleng sak theh zo.

Hihi ka leihring nun thlarau in a rak fehnak lamzin cu asi ih lamzin tawmtu zaten lamzin tluanah lungawi sopar ten ttawm ve hai sheh ti duhthusam phah in!

Birthday Reflection: Suahni Nun Thlirvel

HM: Macrch 8, 2006.

When I was born, I had no idea what my world would stand for,

Growing up under the warmest love and care of my parents,

Ignorance had helped me bypassed all the evils around me.

Competitively growing up in both physical as well as rational,

I have come to realize the sense of joy, pain and discontent.

There were times when I passed young and ambitious ages,

That stimulated mental impulses made me committed for valid reasons,

Followed by a massive contradiction of moral imperatives and real world experiences.

In other words, there were times, when I tood at far opposite corner against my human wills.

Such time is invaluable, though painful, to learn things beyond normal circumstances

Throughout such learning period, these are a few remarkable feelings:

There were times when I felt like standing at the valley of death,

There were times when I felt like walking thru fires but as though I'm clothed with iron skins,

There were times when I felt like passing thru thorny bushes but as though I have no sense of pain.

In spite of all, the scars of life made my skins harder and my life more capable.

I learnt that experiencing the ugly side of life is one thing, and being victimized by it is another thing,

Experiencing pain is the best way to teach about the goodness of healing.

Experiencing hatred, rejection, and being slandered is a test to one's soul.

Experiencing things opposite to one's wills also is a test tool to one's insight.

About all, experience that made me realized my constant need for God becomes my best teacher,

Seeing one's own self as God sees helps me see God's image in others.

Seeing God's power that works in man made clear the vanity of anything that stands on His way.

That the matchlessness and richness of the universal designer determines a clear meaning of life.

In spite of all human weaknesses and failures, when I am informed that the purpose of my creator,

And my designer, in me, is met, my soul wholly content and peaceful, wanting nothing more than His holy presence. He convinced me change my purpose of life, desire, and pleasure.

May God Bless You