Isa. 40:10: Zianghman ṭih hlah, na hnenah ka um a si.Keimah cu na Pathian ka si, zianghman in lo phangter hlah seh. Ka lo bawm dingih ka lo cakter ding;Ka lo hum dingih ka lo run ding.

Saam 138:7: Harsatnak tampi in in kulh ṭheh khal le,A heng zetmi ka ral pawl i do sak ih,Na vorhlam kut in i run a si.

Filipi 4:6: Ziang thuhla hmanah donhar in um hlah uh; thla nan cam tinte in nan ṭulmi cu Pathian hnenah dil uhla lungawi aipuang tein dil uh.

Isa. 41:13 : Keimah cu Bawipa na Pathian ka si;Na tha ka lo cakter ih,‘Zianghman ṭih hlah; ka lo bawm ding,

Jn. 16:22 : Atu-ah cun nan riah a sia, sikhalsehla ka lo hmu sal ding ih nan thinlung cu lungawinak in a khat ding; cuih lungawinak cu zohman in an lo long thei nawn lo ding.

Isa. 30:18: Bawipa cu nan parah zaangfahnak a nei lai hrih. Amah cun thil hman lawnglawng a tuah ruangah nanmah zaangfah dingah a lo hngak lai hrih. Lungawinak taktak cu Bawipa rinsannak ihsin a ra a si.

Isa. 43:2: A thukmi tidai sungih na feh khal le na hnenah ka um ding.Na ton mi harsatnak pawl hin a lo neh lo ding.Meisa sungih na feh khal le na kaanglo ding.Hremnak harsa khal in a lo na ter lo ding.

1Pet. 5:7: Nan donharnak hmuahhmuah cu Amah ih hnenah ṭhum uh, ziangah tile Amah cu nan zawn a lo ruattu a si.

Jer. 29:11: Na hrangih tumtahnak ka neihmi cu keimah lawngin ka thei. Tumtahnak ka neihmi cu siatralnak si loin mi neinung na sinak dingah a si; cuih tumtahnak cu na ruahsannak le na hmailam hrang a si.

James 4:10: Bawipa ih hmaiah tangdorin um awla a lo khaisaang  ding.

1Jn. 5:14,15: Pathian hmaiah ralṭhatnak nei aw, ziangah tile amah ih duhnak thawn mil-aw in na dil ahcun na dilnak kha a lo theih sak ṭheh a si, tihi fiangtein thei aw. ¹⁵Amah na dil tinte in a lo theih sak; cule a lo theih sak ti na theih ruangah na dilmi hmuahhmuah in a lo pe a si, ti khal thei aw.

Phil. 4:13: Cahnak i petu Khrih sungin ziangkim ka ti thei.

Thufim.3:5,6: Bawipa cu na thinlung zate in rinsan aw.Nangmah ih ruahnak le theihnak kha rinsan aw hlah. ⁶Na tuah mi kipah Pathian cu thei ringring awla,Amah in lamzin dik a lo hmuh ding a si.

 

 

Isa. 35:4: “Cak uhla zianghman ṭih hlah uh;Pathian nangmah run dingah a ra lai, Na ral pawl parih phu lak dingah a ra a si,”tiah sim uh!

Daanpek Salnak 5:16:  ‘Bawipa nan Pathian a si mi keimah ih thupek bangtuk in nan nu le nan pa cu upat uh; cuticun nan lamzin a tluang ding ih ka lo pekmi ramah reipi nan nung ding.

Psa. 37:4: Bawipa hnenah na nunnak pe aw; Amah rinsan awla a lo bawm ding.

Psa. 118:6: Bawipa cu ka hnenah a um;Zianghman ka ṭih lo ding.Milai in ka parah ziangso an tuah thei ding?

Heb. 4:16: Cuti a si ruangah Pathian bawi tokham cu ralṭha zetin pan uhsi; cutawkah zaangfahnak a um. Cutawkah ngilneihnak kan co ding ih kan ṭul tik caanah zaangfahnak kan ngah ding a si.

Psa. 55:22  : Na thilrit cu Bawipa hnenah ṭhum awla,Na tha a lo damter ding.Miding cu ziangtik hmanah a riilsawnter dah lo ding.

Psa. 145:18,19 Bawipa cu amah a kotu ihkiangah a um ring ring;Thinlung taktein a kotu ih kiangah a um ringring a si.¹⁹Amah a ṭihzahtu pawl ih poihai mi cu a pe, An aunak a thei ih a run hai a si.

Psa. 9:18 : Mi farah pawl thlauthlak ringring an si lo ding ih, Mi rethei pawlih beiseinak cu kumkhua in namthlak a si lo ding

Psa. 33:18: Bawipa in amah ṭihzahtu le A hmunmi a duhdawtnak a ringtu cu. A kilveng ringring a si.

Jn. 14:1 : “Thinlung har le beidong in um hlah uh. Pathian zum uhla keimah (Jesu) khal i zum uh.

Matt. 6:34:  Thaisun hrangah donhar in um hlah uh; thaisun in donharnak amah tawkin a nei ve ding. Ni ni khat ih a phurhmi harsatnak tlunah a dang beetcih ding a si lo.

2Tim. 1:7: Ziangah tile Pathian ih in pekmi Thlarau in ṭihhrutmi ah in tuah lo; cahnak huham, duhdawtnak le mah le mah uk-awk theinak in in khatter sawn a si.

Psa. 22:24: Pathian cun, Mi farah a thlauthla lo ih Mi zonzai pawl tuarnak tla a umsan meen lo.Annih pawl a dungtun lo.Asinain bomnak dil ih an au tikah A awi hai a si,

Psa. 71:20,21: Harsatnak le zonzaihnak ka parah na thlenter; Asinain ka thazaang cu na kimter sal ding ih,..²¹A hlan hnakin i cawisaang ding Nangmah in i hneem sal ding.

 

 

Tahhla 3:31-33: Bawipa cu mi zaangfahtu a si, Kumkhua cun in hnong lo ding. ³²Riahsiatnak in pe hmansehla, A lainatnak cu a lang ding; In duhdawtnak cu rintlak a si. ³Lungawinak zianghman a nei lo, Kan ninghannak le kan tuarnakah hin.

1Pet.5:6 : A cakmi Pathian ih kut hnuai ah tangdorte in um uhla amah in caan a kim a ti tikah a lo khaisaang leh ding.

Ezra 10:4 : Tho awla thok aw; himi cu nangmah ih ṭuanvo a si, kan lo bawm ding. Ralṭha zetin tuah aw,”

Daanpek Salnak 20:4 : Bawipa nan Pathian cu nan hnenah a um ding ih nehnak a lo pe ding a si,’

Rom.8:35,37  : Zo in so Khrih ih duhdawtnak cun in ṭhen thei ding? Harsatnak siseh, tuarnak siseh, hremnak siseh, riilrawnnak siseh, hnipuan neilo farahnak in siseh, ṭihphannak le thihnak khal siseh, cupawl in in ṭhen thei ding maw?

Rom. 12:21: Ṭhat lonak in lo neh hlah seh; ṭhat lonak kha ṭhatnak in neh sawn aw.

 

 

Heb. 6:10: Pathian in mi a thleidang lo. Nan hnaṭuanmi siseh, Pathian nan duhdawtnak langter tahratin nan Khristian rualpi pawl nan rak bomnak le atu khalah nan bom reronak pawl hi siseh, Pathian in a ciing ringring ding.

Heb. 13:5: Nan neihmi-ah nan lung kim uh. Ziangah tile Pathian in, “Ka lo tlansan lo ding ih ka lo hnong lo ding,” in ti.

Josh. 1:9: Cakzet le ralṭhazet in um aw ti ih thu ka lo pekmi cu ziangtik hman ah hngilh hlah. Ṭih hlah, na thin nau hlah; ziangahtile Bawipa na Pathian keimah in na fehnak kipah ka lo umpi ding a si,” tiah a ti.

Suahlanank 23:25: Nannih cu Bawipa nan Pathian nan biak pei; rawl le tidai in ka lo thlawsuah ding ih nan hnen ihsin natnak cu ka laakhlo ṭheh ding a si.

Isa. 43:2: A thukmi tidai sungih na feh khal le na hnenah ka um ding. Na ton mi harsatnak pawl hin a lo neh lo ding. Meisa sungih na feh khal le na kaanglo ding. Hremnak harsa khal in a lo na ter lo ding.

Psa. 90:2,3: Bawipa ih hnenah,“Nang cu ka beunak le ka ralhruang na si; Ka Pathian na si ih ka lo rinsan a si,” a ti thei ding.³A lang lomi ṭihphannak ihsin a lo hum ding ih,Natsia a phunphun sungin a lo luatter ding.

 

Thuphuan 21:4: An mitthli hmuahhmuah a hnul sak ding. Thih a um nawn lo ding; ninghang riahsiat, aihram ṭahnak le natnak a um nawn lo ding. Ziangah tile thil hlun pawl cu an hlo ṭheh zo,” tiah a ti.

 

Thufim 21:3: Dingnak le a dikmi tuah cu raithawinak hnakin Bawipa in a duh sawn.

James 4:7,8: Pathian duhnak a thluntu si uh. Satan kha do uhla a tlan mai ding. ⁸Pathian pan uhla a lo pan ve ding.

Matt. 11:28: Thilrit a phurmi le zonzaih a tuartu pawl, ka hnenah ra uh, colhdamnak ka lo pe ding.

Mipum Siarnak 6:24   Bawipa in lo thlawsuah in lo kilveng hramseh.

Mipum Siarnak 6:25   Bawipa cu nan parah zaangfahnak le lainatnak nei hramseh,

 Mipum Siarnak 6:26   Bawipa in a mithmai ṭha lo pe in daihnak lo pe hramseh,.

Saam. 91:11-13: Na fehnak hmunkip ih a lo humtu dingah le, A lo kilvengtu dingah Pathian in A vancungmi pawl a ret ding. ¹²An kut in an lo cawi ding ih Na ke cu lungto ah na khawng lo ding. ¹³Kiosa le rul na pal ding; A heer zetmi kiosa le tur nei rul pawl cu na pal ding a si.

Josh.1:9 : Cakzet le ralṭhazet in um aw ti ih thu ka lo pekmi cu ziangtik hman ah hngilh hlah. Ṭih hlah, na thin nau hlah; ziangahtile Bawipa na Pathian keimah in na fehnak kipah ka lo umpi ding a si,”

Isa. 42:16: “Ka minung mitcaw pawl ka hruai ding; An feh dah lonak lamzin ihsin. An khuathimnak cu tleunak ah ka thleng ding; An hmai ih zin bingbo cu ka ngilter ṭheh ding. Hi pawl cu ka tuah tengteng ding.

Daan Peksalnak 7:9  Bawipa nan Pathian cu Pathian taktak a si ih, rintlak Pathian a si, ti kha thei ringring uh. A thukam cu a fekter ding ih amah a duhdawttu le a thupekmi a thluntu hmuahhmuah parah cun san thawng tampi tiang a cat lomi duhdawtnak a langter ding. 

Daan Peksalnak 31:8 Bawipa amah cu na hnenah a um ding ih a lo hruai ding. A lo tlansan lo ding ih a lo hnong lo ding; curuangah na thinnau hlah seh, na thin khal phang hlah seh,

Jeim 4:8 Pathian pan uhla a lo pan ve ding.

Jeim 4:10  Bawipa ih hmaiah tangdorin um uhla a lo khaisaang hai ding.

Jeim 1:5  Fimnak a tlasammi nan um ahcun Pathian hnenah dil sehla Pathian in a pe ding. Ziangah tile zo hnen khalah Pathian cun siangzet le zaangfahnak thawn a pe a si.

1Tim. 6:12  Zumnak hrangih do awknak ahhin na tha neih patawp suah aw. Theihpitu tampi mithmuh ah na zumnak felfai zetih na rak phuan tikah Pathian ih a lo kawhsannak a si mi kumkhua nunnak hi kai-hnget aw.

Nehemiah 8:10  Nan inn ah tlung uhla rawl thawthaw ei uhla Sabit thawthaw in uh. Nan rawl le nan Sabit cu a nei ve lomi thawn hlawm-aw uh. Tuihsun cu Bawipa ih hrangah ni thianghlim a si, riahsia in um hlah uh. Bawipa ih lungawinak a lo pekmi cu nan cahnak a si,” tiah an ti.

Saam 23:4  A thimmi thihnak horkuam sung zawh hman ningla, Maw Bawipa, ka ṭih lo ding; Ziangah tile nang cu ka hnenah na um, Na talhtum le na kianghrol inka hna in ngamter.

Lk. 6:31 Na hrangah tuah haisehla ti na duhmi kha midang hrangah va tuah aw.

Heb. 10:35  Curuangah nan thin nau hlah uh, ziangah tile ralṭhatnak nan neih ahcun laksawng tumpi nan ngah ding a si.

Suahlannak 23:25  Nannih cu Bawipa nan Pathian nan biak pei; rawl le tidai in ka lo thlawsuah ding ih nan hnen ihsin natnak cu ka laakhlo ṭheh ding a si.

Jer. 33:3   I ko awla ka lo let ding. Na theih lomi thil khuaruahhar le mangbangza ka lo sim ding.

2Pet. 2:9  Bawipa cun amah a ṭihzahtu pawl harsat an tuarnak in runsuak a thiam ih miṭha lo pawl Thuṭhennak Ni tiang hremnak tuarter dingin a ret thiam.

Filipi 4:19,20    Ziang hmuahhmuah famkim in Khrih Jesuh sung ihsin ka Pathian in nan ṭulmi poh a lo pe ding. ²⁰Pathian kan Pa hnenah thangṭhat sunlawinak cu a kumkhua in um camcin seh. Amen.

Daan Peksalnak 31:6   Cakzet le ralṭha zetin um uh. Hi miphun pawl cu ṭih hlah uh. Nan Pathian Bawipa amah rori cu nanmah thawn a feh ding. A lo tlansan lo ding ih a lo hnong lo ding,

Nahum 1:7  Bawipa cu a ṭha, Harsatnak caanah beunak ṭha bik a si. A hnenih humhimnak a hawltu cu a zaangfah ih, Himdamnak an ngah a si.

Saam 30:5  Zan ah ṭahnak um hmansehla, Zinglam ah lungawinak a thleng a si.

Saam 121:7,8 Ṭihphannak hmuahhmuah ihsin, Bawipa in a lo hum ding. Thlaphang lotein a lo humhim ding. Bawipa cun na suah le na luh ah a lo kilveng ding; A tu le kumkhua in.

 

 

Semtirnak 28:15 Na hnenah ka um ding; na fehnak kipah ka lo humhim ding ih……Ka lo tiammi hmuahhmuah hi ka kimter thluh hlan lo ka lo tanta hrimhrim lo ding, ti cu ciing ringring aw,

Saam 50:15  Harsatnak a thlen tikah keimah i ko uhla ka lo run hai ding ih,Nannih in in thangṭhat ding,

John 16:33 Keimah thawn nan pehzom awknak thawngin hnangamnak nan ngah theinak dingah hi thu hi ka lo sim. Leilung in harsat tuarnak a lo pe ding. Sikhalsehla nan ral ṭha uh; Leilung cu ka neh zo!

Matt. 6:33  Pathian Uknak le a felnak hawl hmaisa sawn uhla thil dang hmuahhmuah cu a lo pe bet ding a si.

Saam 37:5  Bawipa hnenah na nunnak pe aw; Amah rinsan awla a lo bawm ding.

Isa. 65:23  Na hnaṭuannak ah hlawhtlinnak na nei dingih na tefa sin pawl cu siatsuah tuahmawhnak an tonglo ding. Nangmah le na tefa sin pawl cu san ih khuk tiang ka (Pathian) thlawsuah hai ding.

Job 11:17  Na nunnak cu sun nitleu hnakin a tleu sawn ding ih, A thimzet na timi na nunnak cu zing khawvang bangin a vang ding.

Saam 37:25  Ka seenlai ihsin ka tar tiang, Bawipa in mi ṭha a tlansan ka hmu dah lo. An faale pawl khal rawl diltu an si ka hmu dah lo.

Isa. 41:17  Ka minung pawl mangbang vansaangin an um ih Tihal in an dang a caar tikah, Bawipa keimah in an thlacamnak cu ka thei ding; Israel ih Pathian keimah cun ka dungtun dah lo ding.

Rom 12:1,2  Ka u le ka nau tla, a tam zetmi Pathian ih in zaangfahnak ruangah hin nan ruangpumpi cu a thiangmi le cohlan tlak raithawinak bangtuk in Pathian hnenah pe uh. Cumi cu Pathian hnenih nan pek dingmi biaknak taktak cu a si. ²Hi khawvel daanah hin kop nawn hlah uh; cuhnak in nan thinlung kha tharthawh tahratin thleng aw sawn uh. Cutiin Pathian ih duhnak cu nan thei ding ih Pathian ih hmaiah ziangso a ṭha, ziangso a lungawi mi a si tile ziangso a famkimmi a si ti nan thei ding.

Saam 42:5  Ziangah so hi tluk lawmmam in ka riah a siat? Ziangah so hi tluk lawmmam in ka thinlung a bang? Asinain ka ruahsanmi cu Pathian lawng a si. Amah cu ka thangṭhat sal ding; I Runtu le ka Pathian cu!

Isa.50:10b  Nan fehnak lamzin cu thimnak in khat hmansehla, Bawipa cu rinsan uhla, nan Pathian cu   hngauhsan uh.

 

Thusimtu 12:13b,14  Pathian ṭihzah awla a daan thlun aw. Pathian in milai a tuah sannak cu himi hrangah a si. ¹⁴Pathian cun ziang hmuahhmuah kan tuah mi parah thu a ṭhen ding; a ṭha siseh, a sia siseh, a thupte ih kan tuah mi par tiangin thu a ṭhen ding a si.

Saam 37;27  Siatnak cu tlansan awla ṭhatnak tuah aw; Cutin hi ram sungah kumkhua in na um ding.

2Korin 13:11b  Famkim dingin zuam aw uh. Ka lo dilnak kha rak ngai uh; pakhat le pakhat thinlung rualtein um uh; remte le daitein um uh. Cule duhdawtnak le daihnak Pathian cu nanmah thawn a um ding.

Jer.29:12b,13  Ka hnenah ra in thla nan cam tikah ka lo theihsak ding. ¹³In hawl ding ih in hmu ding. Nan thinlung takte ih in hawl tikah cun!

Rom. 8:28  Ziangtinkim ahhin Pathian cun amah a duhdawtu le amah ih tumtahmi vekih a kawhmi hrangah cun an ṭhatnak ah hna a ṭuan a si

1Samuel 12:22  Pathian cun a hmin sal in thu a lo kam ih ziangtik hmanah a lo taan lo ding; ziangah tile amah ih minung si dingah a lo tumtah cia zo a si.

 

 

 

 

Daan Peksalnak 7:6  Nannih cu Bawipa nan Pathian ih minung nan si ih a hnenah mi phunthiang nan si. Leitlun mi hmuahhmuah sungin amah ih minung, a minung sunglawi si dingah a lo hril zo a si.

Daan Peksalnak 1:31b  A pa in a fapa a cawi ṭheu bangin nan lamzin tluanah a ( Pathian ) lo cawi ih hitawk tiang a lo thlenpi zo a sisi,

Heb 13:5b  Kei mah Pathian cun, “Ka lo tlansan lo ding ih ka lo hnong lo ding,”

Saam 68:19 Bawipa cu thangṭhat si ko seh. Amah in na thilrit nitinte in a phur;

                    Amah cu a lo runtu Pathian a si.

Saam 31:7  Bawi pa hnenah lungawi in na ai puang aw. Na tuar zia A hmu ih na harsat zia a thei.