DUNGTHLUNTU LAMZIN

DISCIPLE JOURNEY

 

 

 

 

SESSION 1

 

 

 

 

HRAMTHAWHNAK

THE BEGINNING

 

 

 

 

 

 

ZUMTU THAR HRANGAH KEKAR HMAISA

 

FIRST STEP FOR NEW DISCIPLE

 

 

 

 

 

 

 

 

 

 

 

 

 

 

 

DISCIPLE JOURNEY: SESSION 1

ZIANG A CANG?

(WHAT JUST HAPPENED?)

 

 

 

 

DISCIPLE JOURNEY: SESSION 1

ZIANG A CANG? (WHAT JUST HAPPENED?)

 

Duhdawt zangfahnak in a khatmi Pathian in amai hmuihmel kengin a lo sersiammi vekin na hlohnak hmun ih ta Pathian insang sungtel na si sal theinak ding hrangah cat bang loin a lo hawl suak asi.

Pathian Insang sungah cibai!

 

 

 

Dungthluntu (DISCIPLE) TIMI CU ZIANG ASI?

 

Jesuh dungthluntu si dingin na thinlung timtuah zo ruangah thiltha na tuah asi. Zumtu dik, khrihfa dik timi cu Jesuh dungthluntu asi. “Tlawngta cu a saya hnakin a thiam sawn dah lo; a sinain tlawngta cu a zirnak a ṭheh tikah cun a saya bangtuk a si ding,” (Luke 6:40).

 

 

1.     Disciple timi cu Pathian fate asi.

        I John 3:1, 1Pathian kan Pa-ih in duhdawt zia hi ruathnik uh! In duhdawtnak a maksak ruangah Pathian faale tiih kawh kan si hi; cutiih in ti vekin kan si taktak. Curuangah a si hi khawvelih in theih lonak cu! Pathian khal a thei lo.

 

2.     Jesuh dungthluntu (Disciple) leitlunah mikhual asi.

I Peter 2:11, Ka duhdawtmi ka rualle tla, hi leilung tlunah mikhual le raltlaanmi bangtuk nan si ih nan hnenah zaangfah ka lo dil a si. Thlarau thawn a ral aw ringringmi taksa hiarnak in lo neh hram hlahseh.

 

3.     Jesuh dungthluntu (Disciple) cu Khrih ih palai asi.

II Kor. 5:17, 20. 17Zozo khal Khrih thawn an pehzom awk tikah cun mithar a si; a nun hlun cu a cem ih nun thar a thok zo.20Curuangah kannih cu Khrih palai kan si. Pathian amah rori kanmah sungin thu a sim vek khin thu kan sim. Khrih ih hmin in kan lo sawm: Pathian thawn rem-aw uhla a ral sinak in a rualpi ah cang hram uh. 

 

 

Jesuh dungthluntu discipleship lamzin na thlun tikah Jesuh thawn nan pehtlaihnak a cak sinsin dingih zumnak ah thuk sinsin kau sinsin in na nun lam a lo hruai ding. Cutin na nun rahsuahmi ah lungawi, hnangam daihnak, duhdawtnak luangliam in na khat ding asi.

 

 

 

 

 

 

 

 

 

 

HRAMTHAWKNAK

 

Jesuh dungthluntu lamzin thlun dingin na timtuah vekin duhnak le thu thluknak na neih mi cu a fiang zo. Nangmah lamah na duhnak lawng si loin na sungah Pathian hna a tuan ih a cangvai ti khal a fiang asi. Na nunah Pathian thawn nan tawn awknak thu zohsal hnik uhsi. Na nunah Pathian thawn nan pehtlaih awknak dunglam thu malte kan zoh hnik pei.

 

Pathian aw na theih hmaisa bik thu sim hnik aw.

 

Pathian hnenah thla na cam hmaisa bik mi thu sim hnik aw.

 

Na nunah Pathian in a lo umpi, a cangvai rero na cingin na rak theih lo can a um mi ziangvek dinhmun ah asi pei, sim thei mi na nei maw?

 

 

THLACAM

 

Pathian thawn biakpawh awknak pakhat cu thlacam in asi. Thlacam timi cu Pathian thawn biak awknak asi ih na thinlung sungah ziang a um, sim asi ih a nih in a lo biak mi a aw ngai asi. Tikcu rei lo te hmangin Pathian a um asi ti upatnak ah na lu kun in kiangkap hnaihnoknak um lo dingin na mitsing in thlacam aw. A hnuailam thu pa 5 pawl vekin thlacam aw:

 

      i.         Pathian cibai buuknak: “Ka Pa” “Ka Pathian” “ I rundamtu” ti in nangmai lungsung muril puak in Pathian cu cibai buuknak thawn be aw.

     ii.         Na lungawinak thu pawl Pathian hnenah sim aw.

   iii.         ZIang thu pawl na ngai pawimawh, helhkam tvp sim aw.

   iv.         Bible zir ding mi theihfeng theinak dil aw.

     v.         Pathian in a lo biak pawhnak aw ngai aw.

 

 

            THUHMAIHRUAI (INTRODUCTION)

Sersiamthar. Piangthar. Rundammi. Tlenmi.

Jesuh in dungthluntu pawl a kawh tikah “I thlun aw” ati. A tlunlam tongkam pawl umzia neta ah Bible ih in zirh vekin kan zir vivo ding. Piangthar, sersiamthar timi cu nun hlun tanta in nunthar in nun asi. Siar aw: II Kor. 5:17, Zozo khal Khrih thawn an pehzom awk tikah cun mithar a si; a nun hlun cu a cem ih nun thar a thok zo.

·      Ziangvek thilhlun pawl na nun ihsisn a cem ding tiah na ruat?

 

·      Zaingvek nunthar in na nitin nun na thuam aw ding tiah na ruat?

 

Pathian zangfahnak in zumtu nunah Pathian phuansuah awkdan a dangdang ciar thei. Na nun zalam tluan ah thlun mi na nei dah maw? Asile ziangkim sersiamtu Pathian in “I thlun aw” (Mathai 4:19) a ti tikah a danglam zet ding asi.

 

BIBLE THUANTHU

Hlawhsam zetin sur a vorh rero hnu ah Peter cu Jesuh thawn an tawn awk tikah Jesuh in mangbangza in nga tampi a kaihter tikah Peter cu Jesuh ke hramah kun in a biak asi.

            Luke 5:4-11, 4Thusim a ṭheh tikah Simon hnenah, “Ti thuknak lamah na long hi ṭhawn awla na rualpi pawl thawn nan sur cu vun vorhhnik uh,” tiah a ti.5Simon in, “Bawipa, taima zetin zanvarte kan vorh nain zianghman kan awk lo. Sikhalsehla vorh uh, in ti a si ahcun kan vorh a si pei cu,” tiah a ti. 6Sur cu an vun vorh ih nga tam ngaingai an awk ih an sur tiangin a tlek ṭhehzik. 7Cutikah long dangih an rualpi pawl kha, “In ra bawm uh,” tiah an kut an hei zaap. An ra ih an long pahnih cu nga khattein an ret ih an long cu a pil zikte. 8Cumi cu Simon in a hmuh tikah Jesuh ih khuk kiangah a khuk a bilh ih Jesuh hnenah cun, “Bawipa, i fehsan hram aw; ziangah tile kei hi misual ka si!” tiah a ti.9Amah le a rualpi pawl cu nga tam ngaingai an awh ruangah an mang a bang ngaingai. 10Cuvek thotho in amah thawn nga a kaitu Zebedi ih fapa Jeim le Johan khal an mang a bang ve. Jesuh in Simon cu, “Na thin phang hlah; atu thokin minung kaitu na si ding,” tiah a ti. 11An long pawl cu ti kapah an dinter ih an thil hmuahhmuah fehsan in Jesuh cu an thlun.

·      Na nitin nunah Jesuh dungthlun timi cu ziangvek cekci asi?

 

 

·      Ziangruangah Jesuh dunthlun cu a har? Ziangtin a awlsam deuh pei?

 

 

Jesuh dungthlun cu daan thlun asilo, mi-thlun asi. Amai duhnak, a nuntudan in kan ziangkim in luahkhat theh ih amai nundan in nun, a duhmi duh, a tuahmi tuah, in a huatmi huat asi. A nundan zir in nun, a hnatuan leitlun ah tuan asi.

 

THUANTHU HAIHLANGNAK

Sersiamnak. Milai tluknak. Tlennak. Sersiamthar nak. Himi thil pali hi Pathian ih hnatuan ropi, Thuthangtha thuanthu khaikhawm asi. Kan khristian nun khaikhawmtu khal asivekin pakhat hnu pakhat zoh uhsi.

SERSIAMNAK- A hramthok ah Pathian in a sersiam. A tongkam in ziangkim, lei le van, arsi phunkim, a tum a sem in a sersiam theh. Tidai a thiang, sersiammi cu bal lo in a umih sersiammi cu famkim asi. Cutin Pathian in amai hmuihmel kengin mipa le nunau a semsuah asi.

 

Sual umzia le sual in a rahsuahmi thu ziangvek na zir dah?

 

 

Thahrum hmangin Siatsuah awknak. Duh amnak. Natnak. Cutin famkim zetin sersiammi cu sual, thim, hlohralnak in a cim. Cutin milai cun nun ih san ziang asi ti hawl in lamzin a hlo ih milai duhzawng le ruahdan in rumdannak lamzin a hawl. Leitlun in Rundamtu a tul.

 

Kum zatel reipi Pathian in milai cu a hawl. Hruaitu, prophet, puithiam pawl a pek ih amah thawn pehtlaihnak tuah tha dingin lamzin a sialsak theu. Asinan milai in Pathian khawkhan cu dungtun in milai duhdan ruahdan in a lamzin a peng rignring. Pathian ih rundamnak famkim a thlendingmi a um hrih.

 

TLENNAK – Sual in milai nunah a rahsuahmi pawl siatbal theh in milai luatnak pe dingin, misualral pa hnen ihsin rundam dingin, milai cu Pa Pathian thawn rualrem sal dingin Jesuh cu leitlun ah a ra ih kross parah a thi asi. Pathian sinak famkim a neih tikah milai rundam dingin a famkim. Milai sinak a neih tikah milai dinhmun zaahza a thei ih Pa Pathian hmaiah palai a tuan theinak asi. Tlennak famkim a thleng: nithum hnu ah Jesuh cu thlan sung ihsin a thosal ih thihnak neh tahratin sual ih thilti theinak a tawpter asi.

 

Pathian in ziangkim parah a khawkhan mi thuanthu na theih tikah ziangtal in na thinlung a lo thawng maw? Ziangruangah?

 

 

TEL VE AW.

Phi 2:5-11 awn in siar aw la, Jesuh dungthluntu pawlin zir dingmi Jesuh lungput le tuahmi pawl a hnuailam ah ngan aw:

Phi. 2:5-11, 5Nan thinlung put daan cu Khrih Jesuh ih thinlung put daan vekin siseh. 6Khrih cu Pathian sinak a nei ringring; Asinain Pathian bang dingah hranhram in a tum dah lo. 7Cu ai-ah, Amah ih lungtho tein, a sinak hmuahhmuah a taansan ih, hnen-um sinak la tahratin, Minung ah a cang ih minung pianzia in a piang. 8Tangdornak thinlung a nei ih, Pathian thu thlun in, Thinglamtah thihnak tiangin a tuar. 9Curuangah a saang bik hmunah Pathian in a cawisaang ih,

Hmin hmuahhmuah lakih cungnung bik hmin a pek. 10Cuti a si ruangah, Jesuh hmin upatnak pekin, Vancung ih a ummi hmuahhmuah in siseh, Leitlun le leihnuai ih a ummi * hmuahhmuah khalin siseh, an khuk an bilh ding ih, 11Jesuh Khrih cu Bawi a si, tiah Pa Pathian sunlawinak ah

an zate in an phuang ding.

 

Jesuh sinak lungput le tuahnak na zir ding pawl ngan aw:

….

….

……………………

 

BIBLE SIAR DING: Bible na siar phah in na hmuhsuah tharmi, na lungsung tapbikmi ngan aw

1.     Mark 1:1-15

 

2.     Mark 1:16-28

 

3.     Mark 1:29-45

 

4.     Mark 2: 1-17

 

5.     Mark 2:18-28

 

6.     Mark 3:1-19

 

7.     Mark 3:20-35

 

 

Thlacam na dil duhmi pawl ngan aw:

 

 

ZARHKHAT SUNG TUAH DINGMI

Zarhtin tuah dingmi group ah rel khawm in lungkimnak tuah aw.

Pathian biaknak

·      Nitin Bible siar ding kha siar aw

·      Pathian thawn bulpak pawlkomnak nei ringring aw.

·      Zingtin thlacam thutlangpi pa 5 thawn thlacam ringring aw.

Bulpak Bible zirnak

·      Jesuh ziangtin a ra? Timi siar aw.

·      Jesuh ziangruangah a ra? Siar aw.

Nunpi ding.

·      Kawhhran khawm ah khawm aw aw. Pastor ih thusimmi note la aw.

·      Jesuh zumtu dang thawn pawlkomnak nei aw la, Jesuh Khrih ah na nunthar thu sim aw.

·      II Kor. 5:17, zohlo in siar ngah dingin zuam aw.

·      Nitin nikhat ah thil pakhat tal, Pathian hnen ihsin na zir mi ngan aw.  

 

PAI INNPI AH KIRSAL

Jesuh ih thusim hmaisa ah hitin asim, Mathai 4:17, 17Cuih tikcu ihsin Jesuh in, “Nan sual sir uh, ziangah tile vancung Uknak a nai zo,” tiah thusim hram a thok. Thirhthlahbu sung khalah sermon hmaisa cu hitin asi, Tirh 2:38, Piter in an hnenah, “Nan zatein nan sual sir fingfing uhla Jesuh Khrih hmin in baptisma lak uh; cuticun nan sualnak ngaidam nan si ding ih Pathian laksawng Thlarau Thianghlim nan ngah ding.

 

Sualsirnak cu Pathian thawn rualremsalnak ah a hramthok asi: thinlung ruahnak, duhnak, le tuahnak in Pathian thawn pumkhat sisalnak asi.

 

Sualsirnak cu Pathian hnen kan thlen theinak hrangah asi lo ih Pathian hnen kan kirnak sawn asi.

Ziangtin nangmai nunah nun thleng awknak, sualsirnak na nei?

 

 

Luke 15:11-24, siar awla fapa tlan hlo thuanthu ihsin na thinlung sungah ziang na ruat hmaisa bik?

 

 

Fapa tlanhlo thu sungah mai inn suahsan in a hlomi pa thu a sim. A sir awksal tikah a pai inn ah a kirsal. Sualsirnak thu in zirh.

 

Kross parah Jesuh in in tuahsakmi thu parah na hngat awk hlanah ziangthu parah hngat aw in na rak nung theu?

 

 

 

Pa innpi kan kirsalnak cu Korss par ihsin a thok mi asi. Kross parah kan sual leiba in peksak theh zo ruangah Pai innpi sungah kan kirsal thei nak ding sangka in onsak zo asi. Vanih a ummi zangfah duhdawtnak in a khat mi kan Pa Pathian cun a hlo mi a fale in hmuhsuak ih amai hnenah kan thlen sal lai hlan lo in hawl suak asi. Pa Innpi sungah laklut na si.

Na nunnah Pa hnen kirsal dingin na her awk tulmi ziangvek a um, thimnakah ziangvek pawl na lamzin na thleng a tul?

 

 

 

BULPAL ZIRNAK

JESUH ZIANGTIN A RA?  

Kan hnenah naute a suak zo; Kan hrangah fapa peek a si zo; Amah cu in uktu a si ding. Amah cu “Mangbangza Remruattu,” “A cakmi Pathian,” “Kumkhua ih Pa,” “Daihnak Siangpahrang,”

tiah kawh a si ding, (Isaiah 9:6).

Pa Pathian in ziangkim a thatnak in in tuahsak dingmi cu in tiamkam cia mi asi. Curuangah sualsal tangmi luatter dingin, thil ziangkim dingfel ten remtha sal dingin, tharthawh sal dingin Jesuh leitlun ah a ra. Jesuh leitlun a ratnak phunli in zoh hnik uhsi.

 

1.     Jesuh cu vanram ah amai hmun nuam tlansan in buainak in a khatmi leitlun ah a ra.

Jesuh cu leitlun a rat tikah naute in a piang ih a sersiammi milai thu hnuai ah a thanglianih milai rundamnak ding zoh in leitlun ah a ra. Tidai wine ah a cangter, mina a damter, mithi a kai tho.

Asinain Jesuh cu, Pathian zaangfahnak ruangah mi hmuahhmuah ai-ih a thihnak ding hrangah, amah cu caan tawite sung vancungmi hnakin niam deuhah tuah a si ti kan hmu. Cule cutiih thihnak a tuar ruangah atu-ah cun sunlawinak le upatnak lukhuh khumin kan hmu.Heb 2:9.

 

Jesuh thu hitin na rak ruat dah maw? Jesuh leitlun ah a rat dan na ruat tikah sualnak in a khatmi leitlun ah na umdan ding ziangtin a danglam ter?

 

 

 

2.     Jesuh cu milai sinak in thuam aw in a ra.

Milai in a rung piang, taksa ruangpum a nei, taksa in a um sung cu tawpcin a nei ve, riahsia lungawi thei asi ve, taksa le thinlung khalah a thang, milai pehtlaihnak khalah a thangso (Matt. 1:18; John 19:28). Milai sinak zaahza a neih ruangah kan palai a tuan thei ih kan sualman leiba in peksak in Pa Pathian hmaiah palai in tuansak thei asi. Cuihlei ah zohthim dingin leitlun ah a rak nung.

            Philipians 2:7-8, 7Cu ai-ah, Amah ih lungtho tein, a sinak hmuahhmuah a taansan ih, hnen-um sinak la tahratin, Minung ah a cang ih minung pianzia in a piang. 8Tangdornak thinlung a nei ih,Pathian thu thlun in, Thinglamtah thihnak tiangin a tuar

 

3.     Jesuh cu Pathian sinak nei in a ra.

Jesuh cu milai taksa in a thuam awk dingin naute a rung can tikah milai hrangah a cang thei lo mi, fala thianghlim in naute a pai mi asi. Amah le amah a Pathian sinak a phuang, Pathian in Jesuh cu Pathian asinak a sim, khawsia thlarau sual pawl khalin jesuh cu Pathian asinak an sim. Thilmak a phunphun Pathian lawngih tuah thei mi pawl a tuah ih sual thlah nak in Pathian asinak a langter. (Matt. 1:18; Kol. 2:9).

I John 5:20, 20Pathian Fapa cu a ra zo ih theihthiamnak in pek ruangah Pathian taktak kan thei, ti a fiang. A Fapa Jesuh Khrih thawn pehzomnak kan neih ruangah a dikmi Pathian thawn pehzomnak kan nei thei. Amah cu a dikmi Pathian a si ih kumkhua nunnak khal a si.

Jesuh cu zaahza Pathian, zaahza milai asi timi thu na ruahnak ah pom harsa timi na nei maw, ziangruangah?

 

 

Mizia pahnih a neih tulnak, a thupitnak ziang asi?

 

 

 

4.     Jesuh cu leitlun ah rian ding, pumpe dingin le rundam dingin a ra.

 

Rome 5:8, Sikhalsehla Pathian in ziangtlukinso in duhdawt ti cu a langter: misual kan si hrih na cingin kan hrangah Khrih cu a thi! 

Jesuh cu Pathian palai, le minung karah palai tuan dingin danglam zetin a rung piang.

 

I John 4:9-10, Pathian ih in duhdawtnak cu a Fapa neihsun hi leilungah hin run thlah in a langter ih amah thawngin nunnak kan conak dingah a si. 10Duhdawtnak timi cu hiti in a si: Kanmah in Pathian kan rak duhdawt ti a si lo, amah sawn in in duhdawt ih a Fapa a run thlah; cumicu kan sualthlah raithawinak dingah a si.

 

Rundamnak timi cu Pathian hrangah ziang kan tuah timi ah siloin Pathian in kan hrangah ziang a tuah timi sawn ah a thum aw ti  na theih fiang tikah ziangtin na nun a danglam ter?

 

 

 

 

 

ZIANGRUANGAH JESUH LEITLUN AH A RA?

 

Khrihfa sinak cu Pathian hrangah ziang kan tuah timi asilo, Pathian in kan hrangah ziang a tuah timi sawn asi. Sualsal tang in luatter, kan leiba in peksak, thihnak ihsin luatnak in pek, cutin amah thawn rualremnak in tuahsak. Milai thuanthu lamzin peng zo mi cu Jesuh in a rem thatsal asi.

Sualnak: Sual leiba timi tongkam cu zokhal ih theihmi asi. Adam cithlah hmuahhmuah sual sungah kan tlu se theh zo. Asinan Jesuh in kan tluksiatnak ihsin in rundam zo. Jesuh sung ihsin sual ngaidamnak kan co, thianfai ter kan si.

2 Korin 5:21, Sikhalsehla kanmah ih ruangah Pathian in sualnak zianghman a nei lomi Khrih kha sual ah a canter ih cuticun amah ih zaarah Pathian ih dingnak kan ṭawm venak dingah a si.

Sual leiba thu na ruahmi hminsin in ngan aw.

Saltang:   Kross parah kan sual leiba in peksaknak ruangah sual le a rahsuahmi thihnak ihsin luatnak kan ngah zo.

Roman 6:22-23, Sikhalsehla atu-ah cun sualnak ihsin luattermi nan si zo ih Pathian ih salah nan cang zo. Nan hlawkmi cu Pathian hnenih hlanmi nunnak thiang a si ih cumi in a suahpimi cu kumkhua nunnak a si. 23Ziangah tile sualnak ih hlawhman cu thihnak a si; sikhalsehla Pathian ih laksawng cu kan Bawipa Khrih Jesuh thawn kan pehzom awknak thawngin kumkhua nunnak a si.

Saltannak thu na ruahmi ngan khum aw.

 

Then awknak: Jesuh in Pathian le milai karlah daltu in hlawn sak. Cutin Pathian le milai karlakah pehtlaih awknak thar a um: cucu rualremnak tiah kawh asi.

 

Rom 5:10-11, Hlanlaiah cun Pathian ih ral kan rak si, sikhalsehla atu cu a Fapa thihnak ruangah a rualpi ah in tuah zo. Pathian ih rualpi kan si zo ruangah Khrih ih nunnak in ziangtlukin so in runsuak sinsin ding. 11Hi lawng hi a si hrih lo; Pathian rualpi ah in cantertu kan Bawipa Jesuh Khrih ruangah Pathian ih thil tuahmi ahhin kan lung a awi ngaingai a si.

 

Pathian le milai then awknak thu na ruahmi ca sungah ngan khum aw.

 

Jesuh in kross parah kan sual leiba in peksak ih kan mawhnak hmuahhmuah in hlawnsak. Cutin sualsal sung ihsin in luatter ih Pathian thawn rualremnak in tuahsak zo. Himi thu ah na ruahmi pawl ca sungah ngan khum aw.

 

 

A tlunlam thu pawl theihfeng lo mi na nei maw? Zo hnenah tu zarh sungah na sut fiang ding?

 

Jesuh kross parah a thih tikah nuamnung kan cennak hrangah asilo, rundam kan sinak dingah asi. Cutin leitlun thlarau raal lakah ruahsannak Thuthangtha simtu dingah in rundam sawn asi.

 

 

 

Himi rundamnak thudik na thieh fiang nak in nun timi na ruahdan ziangtin a danglam ter?