VOL. 1 SESSION 8

DUNGTHLUNTU LAMZIN

DISCIPLE YOURNEY

 

 

SESSION 8

 

 

 

 

 

 

 

 

 

 

 

DUNGTHLUNTU LAMZIN SIMFIANGNAK

DEFINING DISCIPLESHIP

 

 

 

 

 

 

 

 

 

 

 

 

 

 

 

 


 

 

DUNGTHLUNTU LAMZIN SIMFIANGNAK

DEFINING DISCIPLESHIP

 

Key: Jesuh dungthluntu nun cu dungthluntu nuncandan vekin nun asi.

Jesuh dungthluntu pawl cu thangso sinsin dingih kawhmi an si ih cutin midang khal thang ve dingin bawmtu ding an si. Nangmah le na group pawlin Jesuh dungthluntu nun, thangso sinsin nundan lamzin thutak nan hawlsuak ding. Dungthluntu nun hi mahte bulpak in tuah famkim theih asilo ih mibur pawlkom, kawhhran sungah telnak in a cangsuak mi asi ti theihhngilh hrimhrim hlah. Na group pawl in 2 Tim 2:1-10 sungta Bible zir phah in dungthluntu nun cu tumhrim in thansohpimi asi zia nan zir ngah ding. Nun thlengmi nunthar nunpi thei dingin dungthluntu cun zangfahnak, thinsaunak, tuarfainak nunpi in midang bawm theitu si ding a tul. Jesuh Khrih hmuihmel bang sinsin dingin tumhrim nun le felnak nunneih a tul. Lungawium zetmi cu Thuthiang sungah nun pitling kan neihnak hrang kan tulmi ziangkim a famkim theh asi.

Na timtuahnak ah Bible bungcang pekmi pawl theinal zet dingin rak siar cia theu aw.

 

ZOHSALNAK

Ahmaisa ah kan zir zo mi cu dungthluntu nun cu Jesuh ih leitlun mission hnatuannak ah telve asi tiah kan zir. Khrihfa tampi hrangah Jesuh leitlun mission hnatuannak ah tel ve ding cu an harsat zetmi asi. Cun khatlam ah Jesuh leitlun mission hnatuannak ah tel ve timi cu dungthluntu nun vekin nun khal a tel ve asi ti kan zoh tlang ding.

Na timtuah rero lai ah Paul in Timonthy ca a kuat mi sung ihsin ziangtin na tawntehmi pawl thawn tahhtim in kan zoh  tlang ding.

Bible siar ding le tuah dingmi pawl na rak tuah maw? Ziang na bang?

 

 

Bible na siarmi sung ihsin ziangmi na zir ngah?

 

 

Thusut duhmi na nei maw?

 

 

 

THLACAM

·      Dungthluntu tha si dingin dungthluntu nun nunpi dingin rawngbawlnakah na tel ve thei ruangah Pathian hnenah lungawithu sim aw.

·      Pathian duhnak thlun dingin na tumtah ih khrihfa zumtu mibur lakah a rualin Pathian rian tlang dingin cantha na neih ruangah lungawithu sim aw.

·      Pathian in nan group member zapi ten tumtahnak hnget khoh zet nan neih ih amai duhnak ihsin nan pial tinte Thiang Thlarau in lamzin dik lo hmuhsal ringring dingin thlacam aw.

THUHMAIHRUAI

Ramsa phunphun an um ih ramsa pawlin anmah vek ramsa an sersiam thei lo; anmah vek fa an hring ciar.

Na nauhak laiah ziangmi ramsa na uar bik?

 

 

Sersiammi na lung lo lak zet na tawng dah maw?

 

 

Ramsa pawlin anmah vek fa an hrin vekin Jesuh dungthluntu pawl khalin anmah vek Jesuh dungthluntu an hring ve asi. Jesuh dungthluntu cu kawhhran member karhzai vivo dingin zumtu dungthluntu thar sersuahnak hrangah Jesuh ih leitlun mission hnatuan tuan in Jesuh hnatuanpi an si.

BIBLE THUANTHU

Kawhhran a dinthawk pek ah zumtu, Jesuh dungthluntu pawl cu ziangtin dungthluntu nun cu asi, ziang tuah ding, ti thei loin mi tampi an an-hai, an fiang lo mi pawl simfiangnak ah Thlungthar Bible cakuat pawl hi a thupi ngaingai asi. Kawhhran zumtu, dungthluntu pawl ziangtin nundan ding, ziangvek in Jesuh mission hnatuan ah tel ve ding an si tvp in zirh asi.

 

2 Tim. 2:1-10,1Ka fapa, nang cu Khrih Jesuh thawn kan pehzom awknak le kan comi a zaangfahnak ruangah hngetkhoh-in um aw. 2Theihpitu tampi hmaiih ka lo zirhmi thu tla cu midang a zirhsin theitu ding rinsantlak pawl hnenah va ap aw.3Khrih Jesuh ih rinsantlak ralkap na si bangtuk in tuar ding na covo cu tuar ve aw. 4Ralkap a ṭuantu cun amah hotu bawi ih duhnak kha a thlun ih ralkap a si lomi mi menmenih thuhla sungah a cokkalh aw lo. 5Tlan zuamnak sungih a teltu in daan a thlun duh lo ahcun laksawng a ngah thei lo ding. 6Hnaṭuan khung a ṭuantu lothlotu in rawlkhawm caan a thlen tikah rawl thar ngahtu ding hmasa bik a si. 7Hitiih ka simmi pawl hi rak ruat ṭha aw; ziangah tile Bawipa in ka simmi pawl theih theinak a lo pe ding.8Thuthang ṭha ka phuanmi sungih a um vekin David tesinfa, thihnak ihsin thawhter salmi Jesuh Khrih kha hngilh hlah. 9Thuthang ṭha ka phuan ruangah harsatnak ka tuar ih misualral bangin thir cikcinih khih ka tong. Sikhalsehla Pathian thu cu thir cikcin in khih theih a si lo. 10Curuangah Pathian ih hriilmi minung pawl in Khrih Jesuh hnenih a rami rundamnak an ngah ih kumkhua sunlawinak an conak dingah harsatnak hmuahhmuah ka tuar a si.

 

Khristian nunah a thupi zualmi bimi bungcang sungah ziang a um?

 

 

 

A tufang na nun le na dinhmun ah a tlunih Paul cakuat lak ihsin ziangbik a kaih aw in na zir ngah?

 

 

THUANTHU LAILANG

DISCIPLESHIP CU CATBANGLOIN THANSOH RERO ASI

Discipleship tuahdan a phunphun a um thei, ziangvek cekci asi ding timi Bible ah fiangzet in a sim lo. Asinan ziangvek program hman asi khalah dungthluntu cu a thang so hrimhrim ding, nun thleng awknak, thlarau nun ah thangso hrimhrim ding asi. Khrihfa nun thansohnak le midang nun tungdingtu bawmtu tha si ding na thansohnak cu tikcu ziangmawzat a rei ding ruangah thinsau nak le zangfahnak na tul zet ding asi.

2 Tim. 2:1-2, 1Ka fapa, nang cu Khrih Jesuh thawn kan pehzom awknak le kan comi a zaangfahnak ruangah hngetkhoh-in um aw. 2Theihpitu tampi hmaiih ka lo zirhmi thu tla cu midang a zirhsin theitu ding rinsantlak pawl hnenah va ap aw.

Paul cakuat sungah discipleship cu thang sunzawm rero asinak thu ziangtin a sim?

 

A tlun Bible bungcang 1-10 zohsal awla Paul in thazang, rinumnak, tuarfainak thu a simmi ziangruangah a sim asi pei?

 

 

Paul cakuat sung thotho ah dungthluntu nun cu catbangloin thangso rero ding asi lawng si loin bulpak in thang silo in mibur pawlkom, kawhhran sungah thansohnak thu a sim tel asi.

Zumtu thar hrinsuahnak hrangah Jesuh dungthlun in na nitin nun thu ziangtin na sim fiang thei ding?

 

DUNGTHLUNTU NUN CU TUMHRIMNUN ASI

Dungthluntu nun cu tumhrimnun in tumtahnak thawn nun asi. Nauhak te pakhat cu taksa in a thanlennak hrangah rawl phunphun, tidai a ei a in a tul vekin zumtu dungthluntu khal thlarau nun thangso dingin thlarau rawl a ei ringring a tul asi. Asinan thlarau nun thangsohnak cu taksa thansohnak thawn danglamnak a um.

Taksa thansohnak hrangah ti le rawl ei cun a thangso vivo thei nan thlarau thansohnak cu a danglam. Nitin nun ah Jesuh thawn nai aw sinsin dingin nun thleng awknak nun nei dingin nun a tul asi. Midang nun tuah thatu , dungthluntu tuahtu si ding cun dikfel zetin nun a tul fawn.

Paul cakuat sung ah cang 3-7 siar sal awla, Paul in tahthimnakah a hmanmi na siar tikah dungthluntu nun na theihnak ziangtin a lo fiangter?

 

Ziangmi tahthimnak a hmanmi in na khrihfa nun a lailangbik, ziangruangah?

 

 

2 Tim 2:15 A hnaṭuan a zahpi lotu le Pathian thutak Thuthang ṭha cu dik zetih a simfiangtu si dingah Pathian lungkimnak ngah dingin zuam aw.

Thannak dik in thangso dingin kaihhruai awknak dik, kaihhruai awknak kan tul ringring asi. Lamzin dik ah thangso ringring dingin bawmtu kan tul asi. 

 

2 Tim 2:14-19 siar awla dungthluntu nun thu ziang na thei fiang bet, sim aw?

 

Thil na ti sual mi parah ziangtin lo rem, na nun lo tuahthat na duh?

TELVE TUAHVE

A hnuailam ih hmun lawngah na pianthar pekte ihsin tuini tiang thlarau nun a lo kaihruai tu, na thansohnak hrang a lo bawmtu pawl hmin ngan aw. Jesuh thawn nan tawn awknak ding hrangah a lo hruaitu, na pianthar hnu ah zumtu nun a lo zirhtu, na thlarau nun khualtlawnpi pawl an hmin ngan aw.

….

Na hmin ngan awla, a hnuailam ah zovek milai pawl Jesuh hnenah na hruai tum, dungthluntu nun na zirh, na kaihhruai dingmi pawl an hmin list ngan aw.

Na hmin…

……

…..

…….

Dungthluntu nun cu zumtu thar hringsuaktu, Jesuh hnenah mithar kaihhruaitu tuanvo neitu in ruat tikah khrihfa menmen na si loih ziangsi a danglam nak?

 

 

THLACAM DILDUHMI

 

ZARHKHAT SUNG CANGVAIHNAK

Pathian thangthatnak

·      Bible study-Bible siar ding pawl siar theh aw

·      Pathian thawn can hmangin bulpak pawlkomnak can hmang aw

·      Jesuh leitlun mission ah tel ve thei dingin Pathian hnenah cantha dilin thlacam aw.

 

Bulpak Bible zirnak

·      Bulpak zir awknak nganmi pawl siar in zir aw, thusuhnak pawl sang aw

Nunpi aw

·      Jesuh dungthluntu nun cu ziang asi timi nangmai tongkam in ngan aw la, nitin te na hmuh awlnak hmun, motor sung, ihnak, tvp hmun khatkhat ah ret aw

·      Kawhhran sung discipleship zirnak lam tuanvo neitu pawl sut awla, ziangtin midang thawn ruantlang ten na feh ve maw, ziang na tuah a tul timi pawl sut aw, zir aw.

·      Nangmah dungthluntu nun a lo kaihhruaitu ding, lole Jesuh dungthluntu lamzin ah na hruai dingmi hmin list pawl tuah awla nitin thlacam sak aw.

·      Zohlo in ngah aw: 2 Tim 2:2  2Theihpitu tampi hmaiih ka lo zirhmi thu tla cu midang a zirhsin theitu ding rinsantlak pawl hnenah va ap aw.

 

NITIN BIBLE SIAR AWLA THIANG THLARAU IN A LO ZIRHMI NGAN AW

 

 

1.     John 13:1-20

 

2.     Thufim 27:1-27

 

3.     Kalatian 5:16-26

 

4.     Kalatian 6:1-10

 

 

5.     John 15:1-17

 

6.     Tirhthlah 14:19-28

 

 

7.     2 Tim. 3:10-17

 

 

GRAPE KUNG THANGSO

 

Dungthluntu nun cu a thangso lo asile dung a tawlh ding, a lailak ah ding ringring timi a um thei lo tluk asi. Thlarau nun thansohnak hrangah kanmah milai hnatuan kha a thupi bik asilo ti theihhngilh hrimhrim hlah; a ngaingai ahcun amah Pathian kan sungah hna a tuan mi asi sawn.

 

Bible siarin a hnuai ih thusuhnak pawl sang in ngan khum aw.

 

John 15:5-13, 5Keimah cu Sabit hri ka si ih nannih cu a hnge nan si. Zokhal ka sungah a um ih kei khal a sungih ka umcilh mi cun rah tampi a rah ding; ziangah tile keimah tel lo cun zianghman nan tuah theimi a um lo. 6Zokhal keimah sungih a um lomi cu Sabit hnge an hlon ih a carmi bangtuk a si ding. Cubangtuk hnge pawl cu an khawm ih meisa sungah an hlon ih a kang ṭheh. 7Keimah sungah nan um ih ka thu hi nan sungih a um ve ahcun nan duhmi pohpoh nan dil tikah nan ngah ding. 8Rah tampi nan rahnak hin ka Pa ih sunlawinak nan langter ih cuti cun ka dungthluntu nan can theinak a si. 9Ka Pa ih i duhdawt vekin nannih khal ka lo duhdawt ve; ka duhdawtnak sungah um ringring uh. 10Ka Pa ih thukham ka thlun ih cuti cun amah ih duhdawtnak sungih ka um vekin ka thukham nan thlun a si ahcun ka duhdawtnak sungah nan um ve ding.11Ka lungawinak cu nan sungah a um ih nan lungawinak cu lungawi famkim a sinak dingah hi thu hi ka lo sim. 12Ka thukham cu hihi a si: Keimah ih ka lo duhdawt vek hin nannih khal pakhat le pakhat duhdaw aw ve uh! 13Mi pakhat in a rualpi pawl hrangah duhdawtnak tum bik a neihmi cu an hrangih a nunnak pek hi a si. 14Cule ka thupekmi nan tuah ahcun ka rualpi nan si. 15Nannih tla cu hnen-um tiah ka lo ti nawn lo, ziangah tile hnen-um cun a bawipa ih tuahmi kha a thei lo. ‘Hnen-um,’ ti nawn loin ‘Rualpi,’ tiah ka lo ko: ziangah tile ka Pa hnen ihsin ka theihmi hmuahhmuah cu ka lo sim ṭheh zo a si.

 

 

Na thlarau nun thansohnak hrangah ziangcin nangmai tuanvo asi tiah na ruat?

 

 

Nangmai kutsungah na ret mi thlah tahratin Grape kung pehzawm in Pathian kut ah zaahza hngat thei dingin ziang na tuah a tul?

 

 

BUKLPAK ZIRNAK

DUNGTHLUNTU NUNAH THIL PALI

Jesuh Khrih dungthluntu si in pitling tiang thangso dingah le midang bawmtu tha si dingah an tuahmi a bang rep theh asi.

Ziang bet duh rem duh, simduh na nei maw, a tlunah simmi thu-dungthluntu pitling si thei dingin le midang dungthluntu ah tuah thei dingin?

 

 

Nangmai zumnak nunah zo ih dung na thlun ih zo pawl dungthluntu ah na tuah, na hmuhtawnmi pawl sim aw?

 

Jesuh dungthlungtu Jesuh thulung na si duh vekin na nitin dungthluntu nunah a hnuailam thil pali pawl hngilh hlah.

1.     Dungthluntu nun cu thang rero mi asi.

Khrihfa nun cu hmailam pan in a feh rero mi asi; tohmun le dinhmun in Jesuh dungthlun a theih lo. Cutin kan feh rualrual tawp ti nei loin nun thleng awk rero asi. Umhmun ah nun thleng awk a theih lo.

Paul in voi tampi khrihstian nun thleng awknak thu a sim. Pakhat cu a hnuailam Bible sungah kan hmu.

2 Kor. 3:18, Kannih tla cu kan zatein kan hmai puanih tuammi kan si nawn lo ruangah Bawipa ih sunlawinak hi thlalang bangin a langtertu kan si. Cuih sunlawinak cu Thlarau a si mi Bawipa hnen ihsin a rat ruangah kan nunnak hi sunglawi sinsin in le Amah bang sinsin in in thleng vivo a si.

 

Jesuh dung na thlun thawk ihsin ziangtivek in na nun a thleng aw?

 

 

Hmailam ah ziangvekin na nun na thleng aw lai ding, Jesuh in a lo thleng lai ding tiah ruahsannak na nei?

 

Roman 12:1-2 1Cuti a si ruangah ka u le ka nau tla, a tam zetmi Pathian ih in zaangfahnak ruangah hin nan ruangpumpi cu a thiangmi le cohlan tlak raithawinak bangtuk in Pathian hnenah pe uh, tiah ka lo dil. Cumi cu Pathian hnenih nan pek dingmi biaknak taktak cu a si. 2Hi khawvel daanah hin kop nawn hlah uh; cuhnak in nan thinlung kha tharthawh tahratin thleng aw sawn uh. Cutiin Pathian ih duhnak cu nan thei ding ih Pathian ih hmaiah ziangso a ṭha, ziangso a lungawi mi a si tile ziangso a famkimmi a si ti nan thei ding.

 

 

Himi bungcang in thlarau nun thleng awknak ziangvek a lo zirh?

 

 

2.     Dungthluntu nun cu dingfelnun asi.

Jesuh dungthluntu nun cu khatlam zawngin sim asile nun awlsam asi: nitin Jesuh dungthlun in tuahter in duh mi in fialmi tuah asi. Cutin Thiang Thlarau cu kan sungah hnatuan dingin lalnak kan pek ih kan thinlung in tuaithar sal in Jesuh hmuihmel bang sinsin dingin nitin in sersiamthar sal ringring asi. (John 15:5-13 zoh).

Khatlam zawngin kan sim asile Jesuh dungthluntu nun cu nitin dingfel zetin nun a tul asi. Ziangah tile kan lei tisa cun Pathian thutak lamzin ihsin a pial cia mi asi ih Pathian hnatuan dokalh in tisa cun a hiar ringring ruangah nitin dingfel zetin nitin nun a tul asi. A hnuailam ah Paul in zumtu Jesuh dungthluntu pawl hnenah a ngan:

 

1 Tim 4:7-10, 7Asinain Pathian thu thawn pehtlaihnak zianghman a nei lomi simrel tlak lo thuanthu menmen pawl cu hrial aw. Pathian duhzawng ih nung dingin zirh-aw ringring aw. 8Taksa harhdamnak ih zirmi cu man a nei ve ko nain thlarau harhdamnak hrangih zirmi cu ziangtinkim in man a nei. Ziangah tile atu-ah siseh, hmailam hrang khalah siseh, in tiamkammi cu nunnak a si. 9Hiti ka simmi hi a dikmi ṭong a si ih zumtlak le cotlak an si. 10Rethei zet le harsa zetin hna kan ṭuan; ziangah tile kumkhua in a nungmi Pathian parah kan ruahsannak kan bun. Cuih Pathian cu mi hmuahhmuah Rundamtu a si ih amah a zumtu pawl hrangah a si hleice.

 

Jesuh dung na thlunnak ah ziangmi in dingfel (disciplined) nun nei dingin a lo bawm?

 

 

Na thlarau nun dingfelnak (discipline) a lo hnaihnok, a lo khamtu ziang a um theu?

 

 

3.     Dungthluntu nun cu midang thawn pehtlaihnun asi.

 

Jesuh dungthluntu pawlin dungthluntu nun cu bulpak nun asi tiah an ruat theu. Tuisun society tla mahte nun (individual society) ih nunnak san asivekin Jesuh dung kan thlunnak khalah mahte bulpak zalen nun ih ziangkim tuah theh thei kan tum theu.

Bible in in zirhmi cu a danglam asi. Thlarau lam nun thansohnak cu kawhhran mibur lakah cangvaihnak in thansoh asi tiah Thuthang in a tlangpi thu in in zirh asi.

 

Tirh 2:41-47, 41Piter ih simmi cu mi tampi in an zum ih baptisma an lak; cuih ni ni khatah an pawl cu mi thawngthum tlukin an karh. 42An zatein tirhthlah pawl hnen ihsin an zir ih, tirawl ei tlaangnak le thlacam tlaangnak thawn pawlkomnak an nei ringring. 43Tirhthlah pawl in khuaruahharza le hmuhsaknak mak zetzet thil tampi an tuah ruangah mi hmuahhmuah ih thinlung sungah ṭihnak le hmaizahnak a khat. 44Zumtu pawl hmuahhmuah cu an pawlkom aw ih thurual zetin an thil neihmi tla an ṭawm aw. 45An thilri neihmi le an hlawnthil pawl tla an zuar ih an ngahmi tangka cu an ṭulnak vekin an zem aw. 46Ni khat hnu ni khat Biakinn sungah an tongkhawm aw; an inn ah rawl an ṭawm aw ih tangdornak le lungawi thanuam in an ei tlang. 47Pathian an thangṭhat ih mi hmuahhmuah hnenin mithmai ṭha an ngah. Cule nitinte in Bawipa in an pawlah rundamnak ngahtu a bet vivo.

Kawhhran hmaisa zumtu pawl nundan na zoh tikah ziangmi bik in nan nun a lo tham bik?

 

Na umnak kawhhran in Jesuh dungthluntu tha si in na thansohnak hrang ziang a lo bawm?

 

Kawhhran member kan sinak cu kaphnih asi; kawhhran in thlarau nun thansohnak hrang in bawm vekin kawhhran sungah dungthluntu tha an karhzai vivo nak ding hrangah tuanvo kan nei ve asi.

 

Tirh 8:29-31, 29Thlarau Thianghlim in Filip hnenah, “Feh awla khi rangleng khi va naih aw,” tiah a ti. 30Filip cun a hei dawi ih profet Isaiah cabu a siar ti a thei. Filip in, “Na siarmi hi a tican na thei maw?” tiah a sut.31Cupa cun, “Zotal ih in simfiang lo ahcun ziangtinso ka theih thei ding?” tiah a sawn. Cule Filip cu a rangleng parah to ve dingin a sawm. 32A siarmi Ca Thianghlim cu a tanglam vek hin a si:

 

Tu naite ah Jesuh dungthluntu tha si dingin thlarua nun thangso dingin zo a um, lole Jesuh nei lo Jesuh hnenah na hruaimi zo pawl an si? Ziangtin na kaihhruai, dungthluntu ah na tuah, an hmin ngan aw:

 

 

4.     Dungthluntu nun cu midang nun zohthim in nun asi.

Jesuh dungthluntu nun cu midang nun bawmtu, Jesuh Khrih ah nun pitling an neih theinak dingin lamzin hmuhtu bawmtu nun asi. Asile nitin nun ah “midang bawmtu nun” cu ziangvek cekci asi? Asile hmailam saupi hrangah midang thlarau nun tundin nak ih tumtah cu ziang asi?

 

A tlunih thusuhnak pahnih na sannak ngan aw:

Pakhatkhat a dik bik timi a um thei lo. Thlarau laksawng co mi ciar vekin zumtu dang thlarau nun tuahtha tu dingah hman awk ding mi asi. Asinan an zaten an tuahmi bangrep mi pakhat cu an “tikcu can an pe” asi. Hlaraal ihsin midang nun kan tuah tha thei lo, Jesuh Khrih ah an nun tuahthat kan duh asi ahcun anmah thawn naihniam zetin kan pehtlaih awk a tul asi.

 

Na umnak hmun ihsin a naibik milai pawl, zo pawl nun tuah tha dingin na tikcucan le hgmanrua pawl na pek duh?

A hmaisabik dungthluntu nun ih hnatuan cu midang kha Jesuh dungthluntu ah va tuah sin ding asi. Paul in 2 Tim 2 sungah hitin asim, “Theihpitu tampi hmaiih ka lo zirhmi thu tla cu midang a zirhsin theitu ding rinsantlak pawl hnenah va ap aw.”

 

Cing ringring aw, dungthluntu nun cu midang Jesuh dungthluntu ah va tuah sin asi. Tumtahmi cu dungthluntu ah kan tuahmi in midang kha Jesuh dungthluntu ah an va tuah sawng sin ding. Cutin thlarau lamah pu/pi si thei ding in tumtah mi asi. Cutin leitlun pumpuluk tiang in a karhzai sinsin dingih miphun hmuahhmuah Jesuh dungthluntu si ter dingmi tuanvo kan neih mi asi.

 


 

Comments