FALAM CHRISTIAN YOUTH BIBLE STUDY: UNTIT 2-SESSION 6

DANGLAM HLEICE: DUHDAWTNAK AH DANGLAM

Satruday, 7:30 PM

Mathai 5:43-48.

43“Nan rualpi nan duhdawt pei ih nan ral pawl nan hua pei,” timi cu nan thei zo. 44Asinain kei cun hiti in ka lo sim: nan ral pawl duhdaw uhla a lo hremtu pawl hrangah thla cam uh; 45cuticun vancungih a ummi nan Pa ih fa nan si ding. Ziangah tile Pathian in mi ṭha le mi ṭha lo tlunah bangrep in ni a tlangter ih thil ṭha a tuahtu le thil sia a tuahtu tlunah bangraan in ruah a surter. 46A lo duhtu lawng nan duh a si ahcun ziangah so Pathian in laksawng a lo pek ding? Siahkhongtu hman in cu bangtuk cun an tuah ve a si! 47Nan rualpi ṭha pawl lawng nan biak ṭhat a si ahcun mi dang nan hleihnak ziangso a um cuang? Pathian bia lomi hman in cuvek cu an tuah a sisi! 48Vancung ih a um nan Pa a famkim vekin nannih khal nan famkim ve pei.

 

Ziang tuah nuam na ti?

1.     Mathai 5:43-45. A lo huatu na duhdawt ih a hrangah thla na cam sak tikah nan pahnih nun ziangtin a thleng aw ding tin a zum?

 

2.     Mathai 5:45-47. Na pehtlaihmi milai pawl thu na ruat tikah duhdawt harsa na timi paziat an um?

 

 

3.     Mathai 5:48. Na nunah a lang thei lo hmanah Pathian duhdawtnak in na nun ziangtin a lo thleng?

 

4.     Nunpi aw.

i)              Thlacam aw: Duhdawt harsa na timi pawl hrangah thlacam aw.

ii)             Lungawithu sim aw. Duhdawt harsa na si lai ah a lo duhdawt tu pawl parah lungawithu sim aw.

iii)           Pumpek nun: Jesuh in a lo duhdawt tikah ziangtluk a harsa, a mai nunnak rori a liam a tul asi.

Tu zarh sungah mai zwn ruat loin zo hnenah Pathian duhdawtnak na langter ve ding?

 

 

5.     Mathai 5:44. Siar . Tuzarh sungah thla na camsak dingmi pawl an hmin ngan aw. Na duhdawt thei lo mi pawl hrangah thla camsak aw.

 

6.     Roman 2:1-4 siar aw. Mi pahnih, Jesuh Khrih ih zangfah lainatnak atultu hmin ngan aw. Jesuh palai na tuan thei dan ding timtuah aw la, ngan cia in tu zarh sungah tuah aw.