FALAM CHRISTIAN YOUTH BIBLE STUDY: UNTIT 2-SESSION 5

DANGLAM HLEICE: Nuntu Ziaza ah Danglam

Mathai 5:33-42.

³³“Khuahlan laiah cun ‘Nan thukam pelhter hlah uh, Bawipa hnenih thu nan kammi cu tuah suak uh,’ an ti ṭheumi nan thei. 34Asinain kei cun hiti in ka lo sim: thukamnak nan tuah tikah ziangtik hmanah siatcam in tuah hlah uh. Vancung hmin saal in thu kam hlah uh, ziangah tile Pathian tonak a si. 35Leilung hmin saal khal in thu kam hlah uh, ziangah tile Pathian ke retnak a si. Jerusalem hmin saal khal in kam hlah uh, ziangah tile Siangpahrang maksak umnak khawpi a si. 36Nan lu saal khal in thu kam hlah uh, ziangah tile nan lu parih sam phangkhat hman kha nan dumter thei lo ih nan rangter thei fawn lo. 37‘A si,’ ‘asilo,’ ti lawng hi sim uh; cuih hlei cu mi ṭha lo Khawsia hnen ihsin a suakmi an si. 38“Mit ai ah mit, ha ai ah ha, tiih an simmi cu nan thei. 39Sikhalsehla kei cun hiti in ka lo sim. A lo tisiattu parah phulei va sam hlah uh; mi pakhat khat in na vorhlam biang ah a lo beeng a sile na kehlam biang khal tun lawlaw aw. 40Cule mi pakhat khat in na angki duh ah thuṭhennak zung tiang a lo thlenpi a sile na kawt angki khal pe lawlaw aw. 41Cun a lo uktu ralkap pakhat khat in a thilri peng khat phur dingin a lo fial a si ahcun peng hnih tiang va phurhsak aw. 42Mi pakhat khat in thil pakhat khat a lo dil a si ahcun va pe aw; na thil cawi a duhtu hnenah va coih aw.

Zianghrangah na timtuah cia mi a um dah maw?

 

1.     Mathai 5:33-37. Ziangruangah kan tuahsuak lo dingmi thu awlsam zetin kan kam theu?

 

2.     Mathai 5:38-39. Ziangruangah asi pei, mah duhnak cu ukneh a har ih biang khatlam tun kan harsat theu?

 

3.     Mathai 5:40-42. Pathian thupek hi thupi zetin nunpi thei lo dingin ziangmi in in kham theu?

4.     Nunpi aw.

i)              Na tong vekin tuah aw: Pathian hmai ah na kam awk mi na tuah suak thei lo tla asile tuini ah ciamciam in ruat in kam aw sal aw.

ii)             Mal deuh tuah aw: Na tuah theumi lak ihsin tuah nawn lo in na um thei mi bansan aw la Pathian rian in midang na rian thei nak ding hrangah pumpe aw.

iii)           A hlei in feh aw: Kan dunglam thlakhat sung zohsal aw la midang hrangah thiltha na tuah thei nan na tuah lo mi a um maw? Ruat sal in midang in an lo fial mi, dilmi hnakih tam in tuah aw.

5.     Luke 14:28-30. Thiltha tiah na ruahmi tlansan in Pathian in tuahter a lo duhmi tuah dingin tiam aw aw.

·      Ziang ka tuah ding:

·      …

6.     Ephesian 5:16. Siar aw. Tuzarh sungah Thuthangtha na phuansuah thei dan ding lamzin pathum ngan aw:

i)              ..

ii)             …

iii)           …