FALAM CHRISTIAN YOUTH BIBLE STUDY: UNTIT 2-SESSION 3

DANGLAM HLEICE.

KALHKINAK TAWN TIKAH DANGLAMNAK

Mathai 5:21-26.

21“Hlanlaiah cun ‘Mi va that hlah, mi a thattu cu thuṭhennak a tuar ding a si,’ an rak timi nan thei zo. 22Asinain kei cun: a unau parah a thin a hengtu cu thuṭhennak a tuar ding; zokhal sisehla a unau kha ‘Zianghman ih ṭhahnem lo,’ a titu cu thuṭhentu hmaiah suahpi a si pei ih a unau kha, ‘Mi aa,’ a titu cu hell meisa sungah a tla ding tiah phan a um a si, tiah ka ti. 23Curuangah biakṭheng ah laksawng Pathian hnenih pek na tum laiah na unau pakhat khat na parah thinhengnak a nei ti na thei a si ahcun, 24biakṭheng hmaiah na laksawng cu taanlawk awla zamrang zetin na unau hnenah feh tahratin remnak va tuah aw; cule ra sal awla na laksawng cu Pathian hnen ah pe aw.25“Mi pakhat khat in a lo khiing ih zungih a lo thlenpi a si ahcun, zung nan thlen hlan a tikcu um laiah amah thawn remnak va tuah aw. Zung a lo thlenpi hnuah cun thuṭhentu kut ah a lo pe ding ih thuṭhentu in palik hnenah a lo pe lala ding ih thawng ah thlak na si ding. 26Fiangtein ka lo sim: an lo cawhmi tangka na kuan ṭheh hlan lo thawng sungah na um ding.

 

Na hmuhtawnmi parah ciamciam ten buainak retter loin pumpelh lamzin na hman ruangah na sir awk can a um maw?

 

1.     Mathai 5:21-22: A thinghlim, le a dikmi thinhengnak le a thiang lomi thinhengnak ziangtin na thleidang thiam ding?

 

2.     Mathai 5:23-24. Rem daihnak tuahsuak dingin lailan zetin thuhrukmi neih lo nun (honesty), tangdornak (humility), le mahle mah rinsan awknak (security) a tul. Na hrangah ziangvek na harsat bik?

 

 

3.     Mathai 5:25-26. Kalhkhi awknak, rem awk lonak pawl retter loin umsan men tikah ziangvek a suahter thei?

 

4.     Nunpi aw.

i)              Tu zarh sungah na thinhengnak ruat aw. Na thinhengmi nangmai thinlung kah ukneh aw.

ii)             “Sorry” ka palh asi tiah sim ngam aw. Khrih hmai le midang hmai ah tangdor in “sorry” na ti thei nak in remdaihnak a suahter asi.

iii)           Nangmah thawn pehtlaihmi ah rem awk lonak a um asile remdaihnak hawl aw. Thlacam aw.

 

5.     Thufim 15:1-2, zohlo in ngah aw. Kalhki awknak, rem awk lo nak na tawn tikah himi Bible cang hi zohlo in siar aw. Midang thawn thucuh awknak, diksawn cu hawk ding zianghman kan nei nawn lo asi.

 

6.     James 1:19 siar aw. Tuzarh sungah tongtam tu si loin thu ngaitu tha, (good listerner) si dingin ziangtin na zir/tuah ding?