FALAM CHRISTIAN YOUTH BIBLE STUDY: UNTIT 2-SESSION 2

DANGLAM HLEICE: CIAHNEH DAN DANGLAM

Mathai 5:13-20

13“Nannih cu mi phunkip hrangah cite nan si. Sihmansehla cite cu a alnak a ziam a sile alter sal a theih nawn lo. Ṭhathnemnak zianghman a neih nawn lo ruangah hlon ding le pal men ding lawng a si.14“Nannih cu leilung pumpi hrangah tleunak nan si. Tlangpar ih tohmi khua cu thuh a theih lo. 15Zohman in mei-inn an van tikah khengkuum an khuh dah lo. Mei-inn vannak tung parah an vang. Cutiin inn sungih a ummi zate hrangah tleunak a si. 16Cubangtuk in nan tleunak cu mi hmaiah tleuter ding nan si. Cuticun thil ṭha nan tuahmi cu mi in an hmu ding ih vanih a ummi nan Pa kha an thangṭhat ding.17“Moses Daan pawl le profet pawlih thuzirhmi siatsuah dingah a ra, tiah i ruat hlah uh. Cupawl siatsuah dingah ka ra lo, an zirhmi pawl kimter dingah ka ra sawn a si. 18Hihi cing ṭha uh: lei le van a um sung cu Daan sungih daan terek bik pakhat hman a hlo lo ding, ziang hmuahhmuah a kim ṭheh hlan cu * pakhatte hman a hlo lo ding. 19Curuangah zokhal sisehla thukham sungih a thupi lo bik pakhatte hman kha a thlun lo ih mi dang khal thlun lo dingin a zirh ve a si ahcun amah cu vancung Uknak ah mi tenau a si ding. Cule zokhal sisehla Daan kha a thlun ih mi dang khal thlun ve dingih a zirh a si ahcun amah cu vancung Uknak ah mi thupi a si ding. 20Fiangtein ka lo sim: Pathian duhmi tuahnak ah Daanthiam pawl le Farasi pawl hnakih nan fel sawn lo ahcun vancung Uknak ah nan lut thei lo ding.

 

Ziangthil pakhatkhat tel loin na um thei lomi a um maw?

 

1.     Mathai 5:13. Cite cun rawl a thaw ter ih siat loin a kel a awh ter. Khrih dungthluntu pawlin ziangtin leitlun milai nun a that ter ih siat loin a kilhim?

2.     Mathai 5:14-16. Zumtu pawl leitlun nunah kan tleunak lang ter lo dingin ziangin a khuh theu?

3.     Mathai 5:17-20. Tuzarh sungah ziangtin cite le tleunak vekin na nung thei ding?

4.     Nunpi aw.

i)              Mi pakhatkhat hrang talah zosi Jesuh hnenah na hruai thei dingmi hrangah thla camsak aw.

ii)             Nangmai nunah Khrih dungthluntu tha na si thei nak ding hrangah hmailam thla khat lole thlahnih sung a lo bawm/zirh theitu ding mi pakhatkhat hnenah bawmnak dil aw.

iii)           Jesuh Khrih a nei lotu hnenah bulpak in hmaitawn in jesuh thu sim thei dingin cantha zoh in zuam aw.

 

5.     Thufim 23:7. Na theihmi, pehtlaihmi, na upatmi pawl hmin ngan aw la, a sezawng in maw, a tha zawng in an kiangkap minung an ciahneh (influence) ti ngan aw.

Hmin:                                                              A sezawng/tha zawng

-

-

6. I Peter 2:12. Pathian in a lo kawh vekin na nun tikah na kiang um pawlin na sungah a nungmi Pathian an thei in an tep ve ding. Tuzarh sungah Pathian na sungah a nung zia langter dingin ziangtin na nung ding?