FALAM CHRISTIAN YOUTH BIBLE STUDY: UNTIT 2-SESSION 1

DANGLAM HLEICE: NUNCAN ZIAZA DANGLAM

 

Na nunah na lungawinak bik can ziang asi?

Mathai 5:1-12, 1Jesuh in mipi a hmuh tikah tlangpar ah a hung kai; cutawkah cun a to ih a dungthluntu pawl a hnenah an ra. 2Cule a kam a kau ih hiti in thu a zirh: 3“Thlarau lamah ka farah ti a thei awtu pawl cu mi thluasuak an si; Ziangah tile vancung Uknak cu anmah ih ta a si. 4Ninghang lungsia pawl cu mi thluasuak an si; Ziangahtile Pathian in a hneem hai ding. 5Lungnemmi pawl cu mi thluasuak an si; Ziangah tile Pathian ih kam ciami an co ding. 6Pathian ih duhnak tuah dingih a hiarhaaltu pawl cu mi thluasuak an si; Ziangah tile Pathian in an lung di a riamter ding. 7Mi zaangfah thiamtu pawl cu mi thluasuak an si; Ziangah tile Pathian in anmah a zaangfah ve ding. 8Thinlung a thiangmi pawl cu mi thluasuak an si; Ziangah tile Pathian an hmu ding. 9Remnak a tuahtu pawl cu mi thluasuak an si; Ziangah tile Pathian ih fahniang tiah kawh an si ding. 10Pathian duhnak tuah ruangih hremnak a tuartu pawl cu mi thluasuak an si; Ziangah tile vancung Uknak cu anmah ih ta a si. 11“Keimah ih dungthluntu nan si ruangah mi in an lo hmuhsuam, an lo hrem ih thuphan a phunphun an lo puh tikah mi thluasuak nan si. 12Nan lungawi in nan aipuang uh, ziangah tile nan hrangah tuarman tampi vancung ah ret a si. Nan hlanih profet pawl khal cu bangtuk in hrem an tuar zo.

 

 

1.     Mathai 5:1-6. “Thlawsuahmi” ti tikah ziang asi na hrangah a um zia?

 

2.     Mathai 5:7-9. Nangmai thinlung duhnak (feeling) thlun loin remdaihnak tuah, zangfahnak nunpi, thinlugn thiang nun neih tikah ziangvek man pek a tul theu?

 

 

3.     Mathai 5:10-12. Tuisan minung pawlin Khrihfa sinak ruangah ziangvek harsatnak, hremnak kan tawng theu?

 

4.     Nitin tisa thinlung lungawi diremnak hnakin a thupisawm mi Pathian in lungawi thlawsuah a timi hawlin na nung maw?

 

 

5.     Mark 10:17-27 siar. Jesuh Khrih in amah ah nung dingin a lo tuahsak mi nunpi thei lo dingin ziangmi pawl in na nun a lo kai awk? A hnuailam ah ngan aw.

 

6.     Thufim 28:13. Siar aw. Tu zarh sungah Ngaidam dil in midang na rian thei dingmi minung pawl an hmin ngan aw.