Bible siar in a hnuailam thusuhnak pawl sang aw.

Bible siar: John 14:1-7, 1Jesuh in a dungthluntu pawl hnenah, “Thinlung har le beidong in um hlah uh. Pathian zum uhla keimah khal i zum uh. * 2Ka Pa ih inn ah innkhaan tampi a um ih nan hrangih umnak rem dingah ka feh ding. Cutiin si hlah sehla hiti in ka lo sim lo ding. 3Cule ka feh ih nan umnak ka rem ngah hnuah ka ra sal ding ih ka hnenah ka lo hruai ding; cuticun ka umnak ah nan um ve ding. 4Ka fehnak ding hmunih lamzin cu nan thei ko,” tiah a ti.5Thomas in, “Bawipa, khuiah na feh ding ti kan thei lo; curuangah ziangtinso a fehnak lamzin cu kan theih ding?” tiah a sut. 6Jesuh in, “Keimah cu lamzin le thutak le nunnak ka si. Keimah hnenin siarlo zohman ka Pa hnenah an thleng thei lo. 7Atu-ah cun zo ka si, ti in thei zo ih ka Pa khal nan thei ding; atu ihsin amah cu nan thei ih a hmuh khal nan hmu zo,” tiah a ti.

 

Zarhtinte thinlung hnaihnok zetin na phan theu mi ziang a um?

 

1.     John 14:1. Mi pakhat cu rinsan tlak asi ti ziangin na zohfiah?

 

2.     John 14:4-7. Ziangruangah leitlun mi tampi Jesuh parah an lungawilo ih an thinheng si pei?

 

 

3.     Nunpi aw.

Jesuh lawnghi harsatnak ah hnangam daihnak petu asi. Midang hnenah na neihmi Jesuh ah hnangam daihnak an neihve thei dingin bawm aw.

·      Ziangvek dinhmun khalah Pathian thu nunpitu si dingin Pathian hnenah thlacam aw.

·      Na nunramah thutak na tawntehmi pawl na rualpi pawl hnenah sim aw.

·      Duhdawtnak in na rualpi pawl hnenah Jesuh thu sim aw. Jesuh cu leitlun ah milai pawl sual tlen dingin a rat thu sim aw.

 

4.     I Peter 5:7. Sankhuk nunnak thu ah kan rinsan ngam asi ahcun leitlun nun reilo te sung thu men ahcun rinsan ngam sinsin ding kan si. Pathian rinsannak in na nunah ziangtin hnangam daihnak a thlenter?

 

 

5.     Nitin Bible siar:

Ni 1: John 15:1-14

Ni 2: John 15:15-27

Ni 3: John 16:1-16

Ni 4: John 16:17-33

Ni 5: John 17:1-13

Ni 6: John 17:14-26

Ni 7:  John 18:1-20