Bible siar: John 11:17-27. 17Jesuh a va thlen tikah Lazaras an phumnak ni li a si zo. 18Bethani cu Jerusalem ihsin peng hnih kim deuh lo a si ih, 19Judah mi tampi cu an ṭapa ih thih sanmi Martha le Mari topi dingah an ra.20Jesuh a ra lai rero ti kha Martha in a theih tikah amah hmuak dingah a feh, a sinain Mari cu inn ah a um. 21Martha cun Jesuh hnenah, “Bawipa, hinah rak um ta cila ka ṭapa cu a thi lo ding nain! 22Sikhalsehla atu hmanah hin Pathian in na dilmi cu a lo pe ko ding ti ka thei,” tiah a ti.23Jesuh in, “Na ṭapa cu a nung sal ding,” tiah Martha cu a ti.

24Martha in, “A si, ni neta bikah cun a tho sal leh ding ti cu ka thei,” tiah a let.

25Jesuh in a hnenah, “Kei cu thawhsalnak le nunnak ka si. Zokhal keimah i zumtu cu thi hmansehla an nung ding. 26Zokhal keimah sungah a nungmi le i zumtu cu an thi nawn lo ding. Himi hi na zum maw?” tiah a sut.27Martha in, “A si Bawipa, nang cu leilung ah a ra dingmi Pathian ih Fapa Messiah na si ti ka lo zum,” tiah a ti.

 

Nun harsatnak na tawn tikah ziangvek bawmtu nah awl theu?

1.     John 11:17-24. Harsatnak kan tawn tikah ziangtin kan hmaitawn (respond) timi in ziangtin Pathian ruahsannak a langter?

2.     John 11:25-26a. Himi Bible bungcang sungah Jesuh tongkam in ziangvek ruahsannak in neither?

3.     John 11:26a-27. Vanram thu a thei dah lotu hnenah ziangtin vanram thu a theihfiang nak dingin na sim ding?

4.     Kan nitin hmuhtawnmi pawl hi amah kan bang sinsinnak ding hrangah Pathian in a hmang asi. Na hmuhtawnmi nunpinak in a hnuailam vekin hmang aw.

·      Na hmuhtawmi lak ah Amah na bang sinsin nak dingin Pathian ziangtin hna a tuan?

·       Hmuhtawnmi lakah Pathian hnatuan dan theihthiamnak a tultu hnenah sim sin aw.

·      Jesuh in na nunah hna a tuandan pawl thup hlah, simsin aw.

5.     Luke 6:46-49 siar aw. Pathian hnenah thlacam aw la, na nunah Pathian siloin na hngat awknak, ruahsannak na neih theumi pawl lo hmuh fiang dingin dilaw. Na hngat awk theunak pawl ngan aw la ziangtin Krih Jesuh ah hngat aw dingin na thleng ding ngan aw.

6.     Nitin Bible siar.

Ni 1: John 11:29-57

Ni 2: John 12:1-25

Ni 3: John 12:26-50

Ni 4: John 13:1-18

Ni 5: John 13: 19-38

Ni 6: John 14:1-15

Ni 7: John 14: 16-31