SPU1-SESSION 3

FALAM CHRISTIAN YOUTH BIBLE STUDY: SPRING

UNITE 1 SESSION 3-Pathian a tawktuk-kan tulmi humhimnak hrangah

 

Bible siar: John 7:7-15, 27-30.

7Leilung in nannih cu a lo hua lo, sikhalsehla kei cun a thil tidaan a ṭha lo a si tiih ka sim ringring ruangah leilung in i hua a si. 8Puai tuahnak ahcun va feh uh. Kei cu ka tikcu a kim hrih lo ruangah ka feh lo ding,” tiah a ti. 9Cutiin a sim ih Galilee ah cun a umta.10Puai ah a naule pawl cu an feh ih cuih hnuah Jesuh khal a feh ve; a sinain langhngan tukih feh loin a thup deuh in a feh. 11Puai hmun ah cun Judah hotu pawl cun an hawl ih, “Khui-ah so a si?” tiah an sut vivo.12Mipi pawl in amah ih thuhla cu an rel ih an phun supso rero. Ṭhenkhat in, “Miṭha sokhaw a si!” an ti. Mi dang in, “Si hlah e, miseenpi a hruai sual a sisi!” an ti. 13Zohman in langhngan in an ṭong ngam lo, ziangah tile Judah mi hotu upa pawl kha an ṭih.14Cuih puai tuah caan a hrek tlukah Jesuh cu Biakinn ah a feh ih thuzirh a thok. 15Judah mi hotu pawl cu an mang a bang ngaingai ih, “Hi pa hi khui hmanah zirnak a neih dah ual lo; ziangtinso hi zatzat thu a theih thei?” tiah an ti……27Sikhalsehla Messiah a rat tikah cun khuitawkin a ra, ti kha zohman in an thei lo ding; a sinain hi pa hi cu khuitawk in a ra ti cu kan zatein kan theih ṭheh mi a si fawn,” tiah an ti.28Jesuh in Biakinn sungah cutiih thu a zirh rero laiah cun, aw ring zetin, “Keimah hi in thei ngaingai maw? Khuitawk ihsin ka rat ti hi nan thei ngah ngaingai maw? Keimah ih thu in ka ra lo. Asinain i thlahtu cu zumtlak ngaingai a si. Nannih in i thlahtu cu nan thei lo, 29a sinain kei cun ka thei, ziangah tile amah in i thlah ih a hnen ihsin ka ra,” tiah a ti.30Cutikah amah kha kaih an tum, a sinain zohman in an kai ngaingai lo; ziangah tile a tikcu a kim hrih lo. 31Sikhalsehla miseenpi sungih mi tampi in an zum ih, “Messiah a rat ngaingai tikah hi pa ih a tuahmi hnakin hmuhsaknak tam deuh a tuah pei maw?” tiah an ti.

Na nunah tihnung lak ihsin humhimnak na tawn can a um dah maw?

1.     John 7:7 Thudik na sim ruangah na kiang um pawlin an lo huat can a um maw?

2.     John 10:11-13. Nan nunah Pathian in a lo kawhnak, Pathian in tuahter alo duhmi le nangmai duhmi le tumtahmi abang awk lo canah hril ding na tawn can a um maw?

3.     John 10:14-15, 27-30. Jesuh Khrih parah zaahza zumnak in hngat awk ding ziangvek dinhmunah a har bik in na thei?

4.     Nunpi aw:

·      Ziangvek tihnak na thinlung ah a um, Pathian in lo hmuhsak dingin thlacam aw.

·      Pathian thu thawn can na hman tam sinsin asile Pathian aw na thei tam sinsin ding.

·      Na nunah midang in Jesuh Khrih hmuihmel an hmuh theinak thlalang vek siseh, nan nun ah na hmuhtawmi ihsin Pathian cangvaihdan midang simsin aw.

5.     II Tim. 1:17 siar aw. Na nunah na tihphan bikmi thil pa 3 in ngan aw. Pathian thu in na tihphannnak thu thawn pehpar in ziangthu a sim, ruat aw. Tihphannank nun ihsin luatnak nunpi aw.

6.     Nitin Bible siar.

Ni 1: John 8:1-30

Ni 2: John 8:31-59

Ni 3: John 9:1-20

Ni 4: John 9:21-41

Ni 5: John 10:1-21

Ni 6: John 10: 22-42

Ni 7: Jon 11:1-28

 

ĉ
Hre Mang,
Dec 6, 2016, 10:45 AM
Comments