SPU1-SESSION 2

 

Bible siar: John 8:12-19

12Jesuh cun Farasi mi pawl hnenah, “Kei cu leilungih tleunak ka si. Zokhal keimah i thluntu cu a nunnak ah tleunak a nei ding ih khawthim sungah a feh dah lo ding,” tiah a ti.13Farasi pawl cun a hnenah, “Na sinak thu cu nangmah in na sim. Curuangah na simmi hi zianghman lak tlak a si lo,” tiah an ti.

14Jesuh in, “A si lo; keimah ih thu cu keimah in ka sim hmanah ka simmi cu a dikmi a si, ziangah tile khuitawk ihsin ka ra ti le khuitawkah ka feh ding ti ka thei. Nannih cun khuitawk ihsin ka ra ti le khuitawkah ka feh ding ti nan thei lo. 15Nannih cun minung ih tisa daan in thu nan ṭhen ṭheu; kei cun zo ih par hmanah thuṭhennak ka tuah lo. 16Asinain thu ka ṭhen hman va sisehla ka thuṭhennak cu a dik ding, ziangah tile hi thuṭhennak ah hin keimah lawng ka si lo, i thlahtu pa khal ka hnenah a um a si. 17Nan Daan cabu sungah ‘Thu theitu pahnih an lung a kimtlang a si ahcun an simmi cu a dik a si,’ tiah a um. 18Keimah ih thu cu keimah in ka sim ih i thlahtu ka Pa khal in ka thu cu a sim ve,” tiah a ti.19Annih in, “Khuitawkah so na Pa cu a um?” tiah an sut.Jesuh in, “Keimah siseh, ka Pa siseh, in thei lo. Keimah in theih ahcun ka Pa khal nan thei ding,” tiah a ti.

 

Nan nunah a thimnak bik hmun khuitawk ah ziangvekin na thleng dah?

1.     John 8:12. Tuisan ah leitlunah thimnak khuitin na hmu?

 

2.     John 8:13-15. Ziangruangah tuisan minung pawlin Pathian thu cu thutak asi tiah an pom thei lo ih an hnong theu?

 

3.     John 8:16-19. A thimmi nun lamzin hrial in Thutak eng sungah nung thei dingin ziangvek thuhluknak (decision) kan tuah a tul?

 

4.     Nunpi aw:

·      Na thinlung cek aw fel aw la, na thinlung sungah thimlak nun a um hrih asi achun tlansan aw.

·      Pathian thu siar aw la thimlak nun tlansan aw. Na telnak small group hnenah siseh pastor hnenah maw sim aw la bawmtu hawl aw tleunak sung nun zir aw.

 

5.     Thufim 4:23. Na nitin nunah Jesuh Khrih hmuihmel bang sinsin ding ziang in a lo ciahneh ih Jesuh hmel bang lo sinsin dingin ziangin alo ciahneh?

 

6.     Nitin Bible siar aw.

Ni 1: John 4:28-54

Ni 2: John 5:1-23

Ni 3: John 5:24-47

Ni 4: John 6:1-35

Ni 5: John 6:36-71

Ni 6: John 7:1-27

Ni 7: John 7:28-53

 

ĉ
Hre Mang,
Dec 6, 2016, 10:43 AM
Comments