Bible: John 6:26-27, 33-40.

26Jesuh in, “Thungaite in ka lo sim: in ra hawl hi hmuhsaknak ka tuahmi nan theihthiam ruangah a si lo, saang khop zetih nan ei ruangah a si. 27A siat theimi rawl hrangah hna ṭuan hlah uh; sikhalsehla kumkhua a daihmi nunnak rawl hrangah ṭuan uh. Cuih rawl cu Milai Fapa ih a lo pek dingmi a si, ziangah tile Pa Pathian in a parah a lungkimnak tacik a khen zo,” tiah a ti.

33-40, 33Ziangahtile Pathian ih a pekmi saang cu vancung ihsin a rungṭum ih leilung mi nunnak a petu pa hi a si,” tiah a ti.34Annih in, “Bawipa, cuih saang cu in pe ringring aw,” tiah an dil.35Jesuh in an hnenah cun, “Keimah hi nunnak saang ka si. Ka hnenih a rami cu a riil a rawng dah lo ding; keimah i zumtu cu a ti a haal dah lo ding. 36Cule ka lo sim hai zo vekin a hmuh cu in hmu zo nain in zum duh lo. 37Ka Pa ih i pekmi pohpoh cu zokhal ka hnen ah an ra ding. Ka hnenih a rami cu zohman ka khir lo ding, 38ziangah tile vancung ihsin ka rung ṭum tikah hin keimah ih duhmi tuah dingah ka rung lo, i thlahtu ih duhmi tuah dingah ka rung a si. 39Cule i thlahtu ih duhmi cu hihi a si: I pekmi hmuahhmuah kha pakhat hman hloter loin, ni neta bik ni-ah an zate ih ka thawhter sal ṭheh ding kha a si. 40Ziang hrangah tile ka Pa ih duhmi cu Fapa kha a hmu ih a zumtu hmuahhmuah cu kumkhua nunnak an ngahnak ding kha a si. Cule ni neta bikah nunnak ah ka thoter ding a si,” tiah a ti.

 

Milai in an hawlbikmi cu anmai lungawinak asi theu. Ziangtin ka lung awinak a kim ding? Milai in an lungawinak an hawldan a bang aw cio lo, lungawinak hawlah an lungawinak an hloh theu. 

Ziangtik canah na duh hnakin tam in na neih can na thei maw?

 

1.     John 6:26-27. Tuisan ah ziangvek in kan milai lungawi diremnak kan hawl theu?

2.     John 6:35. Zaingtik canah thlarau rilrawng tihal in na um dah?

3.     John 6:36-40. Jesuh Khrih na nei zo asi ahcun Amah ah na thinlung duhnak lungawinak a famkim in na nun di a riam maw?

4.     Thufim 11:14. Na nunnakah na duhmi pakhatkhat na hngak rero ih na ngah lo tikah, na ruahlo pi dinhmun na thlen ruangah beidong than au in na um dah maw?

5.     Nunpi aw:

·      Leitlun ah na lungawi thinlung diremnak hawl nawn hlah.

·      Na parah thiltha a tuahtu hnenah lungawithu sim aw.

·      Midang hnenah na neihmi theihmi a hlawkpitu hnenah pe aw. Na thazang tikcu, neiihmi theihmi thawn midang bawm aw.

Nitin Bible siar aw.

Ni 1. John 1:1-25.

Ni 2. John 1:26-51.

Ni 3. John 2:1-12

Ni 4. John 2:13-25.

Ni 5. John 3:1-18.

Ni 6. John 3:19-36.

Ni 7. 4:1-27.