SPU2: SESSION 6

FALAM CHRISTIAN YOUTH BIBLE STUDY: SPRING-Unit 2-Session 6

VUTCAM LAK IHTA IN CEIMAWITU: ZUMLONAK DUNGLAM THUANTHU IHSIN RUNDAMMI

Tirh 26:9-20.

9“Nazareth mi Jesuh ih thuhla cu ka do thei tawkin ka do ding, tiah keimah rori in ka rak ruah dahmi a si. 10Cumi cu Jerusalem khuaih ka rak tuah rero dahmi a si. Puithiam upa pawl hnen ihsin thuneihnak ka ngah ih Pathian minung pawl tampi thawngah ka thlak. Thah dingih thurel an si tikah ka lungkimnak langternak ah ka kut ka rak tung ve ṭheu. 11Voi tampi sinakok sung rori-ah ka hremter hai ih an zumnak bansan haiseh tiah ka zuam thei tawkin ka rak zuam. An parah ka thin a heng tuk ih anmah hrem dingin ramdang khua pawl tiang ka thleng dah a si.12“Cutiin anmah hrem duh rori-ah cun Puithiam upa pawl hnen ihsin thuneihnak ca ka lak ih Damaskas khua ah ka feh. 13Maw siangpahrang Bawipa, sun laifangih Damaskas lamzinih ka feh rero laiah ni hnakin a tleu deuhmi tleunak van ihsin a rung thleng ih keimah le ka fehpi mi pawlih kimvel kha a run tlet. 14Kan zatein leilungah kan tlu ih Hebru ṭong in aw pakhat ka thei ih, ‘Saul, Saul, ziangah so i hrem rero? Cawcang in a neitu pa ih fung a saih tikah amah a natter awk sawn vekin nangmah na nater aw sawn a si,’ tiah a ti. 15‘Bawipa, zoso na si?’ tiah ka sut. Cule Bawipa in, ‘Na hremmi Jesuh ka si. 16Tho awla na ke in ding aw. Keimah i rian dingin ka lo hriil duh ruangah na hnenah ka lang a si. Tuihsun ih kei i tonnak thu le hmailamih ka lo hmuh dingmi thu pawl hi midang hnenah na sim pei ih ka thutheitu na si pei. 17Nangmah cu Israel mi le Zentail mi hnenah ka lo thlah ding ih an kutsung ihsin ka lo runsuak ding. 18An mit na mengter ding ih thimnak sung ihsin tleunak ah, Satan cahnak sung ihsin Pathian hnenah na kirter hai ding. Cuti cun keimah in zumnak thawngin an sualnak tla cu ngaidam an si ding ih Pathian ih thianhlimtermi pawl lakah an tel ve ding,’ tiah i ti.19“Cuti a si ruangah, Siangpahrang Agrippa, van ihsin langnak ka hmuhmi ih thu cu ka el thei lo. 20Hmaisa bikah Damaskas khua ah, cule Jerusalem khua ah, cuih hnuah Judea ramsung hmuahhmuah le Zentail mi hnen khalah ka feh ih, ‘Nan sual siir aw uhla Pathian hnenah kir uh; cule nan sualsirnak langtertu hnaṭuan kha ṭuan uh,’ tiah thu ka sim vivo

 

Ziangruangah “huatnak in a kom aw mi mibur” hi nuam an ti tuk theu asi pei?

Thimnakah Paul huatu pawl kha ziangah an nuam aw tuk asi pei?

 

1.     Tirh 26:9-11. Ziangruangah Thuthangtha hi mi hrekkhat hrangah huatnak (Offensive) a suahter asi pei?

2.     Tirh 26:12-18. Jesuh in Paul hnenah mission tuanvo a pekmi na theih tikah ziangtin na ruat?

3.     Tirh 26:19-20. Jesuh Khrih dungthluntu na si vekin Jesuh in tuanvo a lo pekmi ziangtin na ruat?

4.     Nunpi aw. Bible na zirmi in na nun ziangtin a danglamter?

·      Zumtlotu, zumnak ah a caklomi pawl parah na lungput diklo a um maw, na sualsir in thlacam aw.

·      Zum lo tu, zumnak mal hrangah thla na camsak dingmi hmin pawl ngan aw.

·      Pathian hnenah dil in thlarau hlo kaihnak cantha ngah dingin thlacam aw.

5.     II Kor. 12: 7-10. Na siar hnu ah na dunglam thuanthu zohsal awla, na nunnak hmangin Pathian in a huham cahnak alangtermi pawl sim/ngan aw.

6.     Bible siar aw:

Ni 1: Philipian 3. Ni 2: Thirh 7:54-8:3; Ni 3: Thirh 9:1-19; Ni 4: Thirh 9:20-31; Ni 5: Tirh 13:13-41; Ni 6: Tirh 13:42-52. Ni 7: Thirh 17:16-32. 

ĉ
Hre Mang,
Dec 6, 2016, 11:14 AM
Comments