UNIT 2: SESSION 4-VUTCAM LAK IHSIN MAWINAK-Rinhlelhnak ihsin runsuahmi      LUKE 1:11-20, 63-65  -11Vancungmi pakhat cu a hnenah a rung lang ih rimhmui urnak biakṭheng vorhlam kapah a ding. 12Zekhariah in a hmuh tikah a thin a phang ih a ṭih. 13Asinain vancungmi in, “Zekhariah, ṭih hlah! Pathian in na thlacamnak cu a thei zo ih na nupi Elizabeth in fapa a lo hrin ding. A hmin ah Johan na sak pei. 14Cuih na fapa a suah tikah na lung a awi ngaingai ding ih midang tampi tla an lung a awizet ding. 15Amah cu Bawipa ih mithmuh ah mi maksak ngaingai a si ding. Sabitti siseh, zu siseh a in lo ding. A suahthlak vete in Thlarau Thianghlim thawn a khat ding ih, 16Israel mi tampi tla Bawipa an Pathian hnenah a kirter sal ding. 17Bawipa ih hmaiah a rak feh sungtu palai a si ding ih profet Elijah vekin a cakmi le hmual nei zetmi a si ding. Pale pawlih thinlung tla an faale lamah a mer awter sal ding ih thu-ngai lomi pawl khal miding pawlih thuruah daan lamzin ah a hruai kir sal ding. Bawipa ih hrangah Bawipa ih minung pawl a timtuah sak ding a si,” tiah a ti.18Zekhariah in vancungmi hnenah, “Na sim vek in a cang ngaingai ding ti ziangtinso ka theih ding? Kei hi patar ka si zo ih ka nupi khal a tarzet zo a si,” tiah a ti.19Cutikah vancungmi in, “Kei hi Gabriel ka si. Pathian hmaiih a ding ringringtu ka si ih Amah in hi thuṭha na hnenih rung sim dingah i thlah. 20Sikhalsehla ka thu simmi na zum lo khalle a tikcu a kim tikah cun ka thu simmi cu a kim ko ding. Hitiih na zum lo ruangah ṭong thei loin na um ding. Na hnenih ka thukammi a kimnak ni a thlen hlan lo kam khatte hman na ṭong thei nawn lo ding,” tiah a ti.

63-65; 63Zekhariah in ca ngannak cahnah a dil ih, “A hmin cu Johan a si,” tiah a ngan. An zatein an lau ih an mang a bang ngaingai. 64Cu ṭheh vete in Zekhariah ih hmur le lei cu an nung sal ih ṭong thei sal in Pathian a thangṭhat. 65An innhnen pawl cu an thin a phang zet; cuih thu cu Judea tlangpar ram hmuahhmuah ah a thang ṭheh

 Zo ih tongkam na rinsan ringring theu? Ziangruangah?

1.     Luke 1:11-17. Ziangtikah na thlacam hlawhtlinnak in thlawsuah na co dah?

2.     Luke 1:18-20. Pathian thu na ngainak in ziangtin lungawinak na co?

3.     Luke 1:63-65. Pathian rinsan, a thu ngai timi cu na hrangah ziangvek asi?

4.     Nunpi aw: Tu zarh sungah Pathian na rinsan ih a thu na ngai asi ti ziangtin na langtet ding?

·      Ziangvek can le dinhmun ah Pathian na sinsan ih a thu na ngai ti ngan khum aw

·      Ziangvek zawnah zumnak na thlasam, na ringhlel, ca in ngan aw, thlacam aw

·      Pathian in ziangtuah dingin a lo ko? A aw na thei maw, ngan khum aw.

5.     Joshua 4:1-9 siar awla, tu zarh sungah Pathian na nunah a langnak, a thatnak ngan khum aw. Tuzarh sung na tuah dingmi ah Pathian in amah rinsan ding in le a thu ngai dingin a lo kawhnak ca sungah ngan aw.

Bible siar aw:

Ni 1: Isaiah 40:3-5; Malakhi 3:1-6; Ni 2: Luke 1:1-25; Ni 3: Luke 1:26-45; Ni 4: Luke 1:46-66; Ni 5 Luke 1:67-80; Ni 6: Luke 3:1-20; Ni 7: Luke 7:18-35.