UNIT 2: SESSION 3-VUTCAM LAK IHSIN MAWINAK-Soiselnak thlarau ihsin runsuahmi

Mipum 12:1-11, 13-15.

1Hazeroth ih an um laiah cun, Moses in Kush nunau a ṭhit; curuangah Miriam le Aaron in Moses cu an thangsiat. 2Annih in, “Bawipa cu Moses hnen lawng in maw thu a sim? Kannih hnen in teh a sim ve lo maw si?” an ti. Cutiih an ti cu Bawipa in a thei ṭheh. 3Moses cu mitangdor zetmi a si ih leilung tlunah amah tluk mitangdor zohman an um lo.

4Hmakhatteah Bawipa cun Moses le Aaron le Miriam hnenah, “Nan pathum in ka umnak Puanthlam ah ra hnik uh,” a ti. An va feh ih, 5 Bawipa cu mero zual sungin a runglang ih Puanthlam sangka ahcun a ding ih, “Aaron! Miriam!” tiah a ko. An pahnih cun hmaiah an va suak ih, 6 Bawipa in, “Ka ṭong hi ciing ṭha uh! Nanmah ih lakih profet an um tikah an hnenah langnak in ka lang ih an mangah thu ka sim. 7Sikhalsehla Moses cu ka miphun Israel mi pawl kilkhawitu-ah ṭuanvo ka pek ruangah, 8anih hnen ahcun hmaitonte rori in ka ṭong a si; thupolh in ka ṭong lo, fiangzet le tluangzet in ka ṭong a si. Ka pianhmang hman a hmu zo a si. Cutluk ih ka milai a si mi Moses cu ziangtinso nan thangsiat ngam?” tiah a ti.

9 Bawipa cun an parah thinheng ngaingai in a feh santa. 10Cule mero cu Puanthlam ihsin a hlit aw ih, cu vete in Miriam cu phaarnat in a khat ih a vun tla cu vur bangin a rang thluh. Aaron in Miriam cu a zoh ih phaarnat in a khat ṭheh a si ti a hmu. 11Cutikah Aaron in Moses hnenah, “Ka bawipa, in zaangfah hram awla, aat-thlakza thil sual kan tuah zo nain kan sual man cu in tuarter siang hram hlah aw. 12A thicia in a nuih pumsung in a suak ih a taksa hrekkhat a ṭawt thluh zomi naute bangtuk ah Miriam cu canter hram hlah aw,” tiah a dil.

13Cutikah Moses in Bawipa cu a ko ih, “Maw Bawipa, zaangfahte in Miriam hi run damter hram aw,” tiah a dil.

14 Bawipa in, “Thuṭhimnak ah a pa in a fanu ih hmai cil in phui sehla, ni sarih sung ningzak in a um ding a si lo maw? Cubangin nan riahhmun lengah Miriam cu ni sarih sung suah uh, cuih hnuah nan lak sal leh ding,” a ti. 15A ti bangin Miriam cu an riahhmun lengah ni sarih sung an suah ih an lak kir sal hlan lo miseenpi cu ṭhawn loin an um. 16Cuih hnuah Hazeroth hmun ihsin an suak ih Paran hramlak ramṭhingah riahhmun an khuar.

 

 

“Soisel” timi tongfang na theih ve ten na thinlung sungah ziang a lang?

Q1. Mipum 12:1-3; Midang soisel duhnak a hramthawhnak taktak hi ziang duhsan in asi?

Moses unau pawlin Moses an soisel tikah miphun dang nupi a neihmi an soiselmi asi ko nan duhsawnmi an neihzia an tong suak. Moses vekin an hnenah Pathian in thu a sim thei ve lo maw si, an ti.

Q2. Mipum 12:4-11. Soiselnak in ziang a siatsuah theu?

Pathian in soseinak thlarau a zohman lo. (EPhe 4:30-32) siar aw. Pathian ih mizia ziang in zirh?

Q3. Mipum 12:13-15. Soiselnak thlarau neipawl cu midang lak ihsin anmah te an la hran aw theu. Ziangtin zumtu mibur hnenah kan hruaisuak thei ding?

Nunpi aw:

·      Midang thawn tahthima w dah hlah.

·      Nahsik nak hrimhrim um hlah seh.

·      DUhdawtnak in tong aw (EPh. 4:15), a theitu nun tuah thatu tongkam lawng tong suak aw (Eph. 4:29).

Q4. Phi 4:8-9 siar aw. Na thinlung khawruahnak sungah hmun a luahtu na khawruahnak pawl sualnak, thilthalo a rahsuah tertu ruahnak pawl ziang a um, ngan khum aw. Ruahnak tha lo pawl cu Pathian duhnak tuansuahnak le lungawinak a suahtertu ruahnak in thleng aw.

 

Bible siar aw: Ni1-Mipum 12:1-16; Ni2-Suah 1:1-22; Ni3-Suah 2:1-10; Ni4- Suah 2:11-25; Ni5- Suah 3:1-22; Ni6- Suah 4:1-31; Ni7-Suah 6:1-30.