FALAM CHRISTIAN YOUTH BIBLE STUDY: UNTIT 2-SESSION 4

DANGLEM HLEICE: PEHTLAIHNAK

7:30PM. April 9, 2016 @ FCCI.

 

Mathai 5:27-32; 27“Ṭaangṭawm sualnak nan tuah lo pei, an ti ṭheumi nan thei. 28 Asinain kei cun: nunau kha hahio mit in a zohtu cu a thinlung in cu nu thawn ṭaangṭawm sualnak a tuah zo, tiah ka lo ti. 29Curuangah na vorhlam mit in a lo sualter a sile phorh awla hlon aw. Na ruangpi hell sungih hlon tuar hnak cun na taksa ṭhen pakhat khat na sun cu na hrangah a ṭha sawn. 30Na vorhlam kut in a lo sualter le sattan awla hlon aw. Na ruangpi hell sungih hlon tuar hnak cun na kutke pakhat khat tan a si cu na hrangah a ṭha sawn.31“Zokhal in a nupi a maak asile maaknak ca ken seh, timi nan thei. 32Asinain kei cun: mi pakhat in a nupi kha, mipa dang thawn sualnak ruangah siar lo, a maak a sile, a nupi cu pasal a neih tikah ṭaangṭawm sualnak tuahtu a siter. Curuangah cupa cu mi sual a si. Cutiih a maak minu a ṭhitu pa khal ṭaangṭawm sualnak tuahtu a si ve.

 

Zaingtivek cankhatkhat ah zianghman thu ruat thei lo in na um can a um maw?

1.     Mathai 5:27-30. Na nitin nunah a thiang, le thianglo ziangtin na thleidang thei ding?

 

2.     Mathai 5:31-32. Nupi pasal neih awknak thu ah Pathian in a simmi le san a neihtermi le nangmai ruahdan le na kiangkap minung pawl ruahdan a danglam maw, a bang aw maw, ziangtin?

 

 

3.     Nunpi aw.

i)              Na nitin nunah na nun lo bal tertu, bawrh hlawh nun, a lo bal tertu, ziangvek a um? Ziangtin na nunnakah nun thianghlim nei thei dingin na thleng tulmi ziang na thleng ding?

 

ii)             Na nitin nunah Pathian rian in  na nung ding maw, na kiangkap milai pawl duhdan na rian ding? Ziangvek hril ding na nei?

 

 

iii)           Na nitin nunah nun thianghlim nun nei thei dingin zovek milai in a lo bawm thei ding? A tu ih na dinhmun, lamzin zawhmi, na nundan ihsin ziangtin thansohnak na pan thei ding, a lo bawm thei tu ding hawl aw, timtuah aw.

 

4.     I Kor. 10:12-13. Nitin nunah thlemnak ah na thinlugn ruahnak a lo hruaitu tlansan in nun thianhlimnak nunpi thei dingin ziangtin na tuah tul? Zo in a lo bawm thei ding?

 

 

5.     Ephesian 5:22-33 siar aw la Pathian in nupi pasal neih awknak thu ziang  asim ngan aw.