SESSION 7

FALAM CHRISTIAN BIBLE STUDY: UNTIT 1- SESSION 7

PATHIAN MITHMUH AH A SUNGLAWI TUKMI

Feb. 27, 2016: 7:00 to 7:30 PM @ FCCI

 

Bible na siar hnu ah a hnuailam thusuhnak pawl sang aw.

Bible siar: Sam 8:1-8, 1Maw Bawipa, kan Bawipa, Leilung pumpi ih na hmin a than zia hi! Nangmah an lo thangṭhatnak van a thleng a si; 2Nauhak le naute pawl tla in hla in an sak. Na ral pawl le a lo dodaltu pawl kham dingah, Ralhruang cu nangmah in na tiang hnget zo. 3Na kut ih tuahmi van ka zoh ih, An umnak ciarih na retmi thlapi le arsi ka hmuh tikah, 4Milai hi ziangso a si ih na seherh ringring? Mihring taak ko hi ziangso a si ih a zawn na ruah? 5Asi, minung cu nangmah hnakih niam deuh fangin na tuah ih, Sunlawinak le upatnak cu lukhuh bangin na khumter. 6Na seemsuahmi hmuahhmuah tlunah uktu na siter ih, Ziang tinkim a ke tangah na ret. 7Tuu le caw, hramlak ih ramsa pawl, 8Vate le tisung um nga le Ti sungih a nungmi hmuahhmuah tlunah na ret zo a si.

 

 

1.     Na neihmi thil pakhatkhat a man kai vivo mi a um dah maw?

 

2.     Sam. 8:1-2: Himi Bible in milai nunnak hi ziangtluk in a sunglawi ti a sim?

 

3.     Sam 8:3-8: Milai Pathian a theihdan in ziangtluk milai a hmuhdan a danglam ter?

 

4.     Milai (midang) nunnak ziangtluk a sunglawi timi langter dingin ziang na tuahmi a um?

i)              Pathian in amai hmuihmel kengin amah sunlawihtu dingah a sersiammi na sinak langter aw. Ziangtin a hmin sunlawinak hrangah na nung thei ding, thleng tulmi thleng aw.

ii)             Sam 8:3-4 hi zohlo in ngah aw la, midang hnenah Pathian in ziangtluk sunglawi in a nunnak a sersiam timi theihter aw.

iii)           Na team/group thawn milai nunnak hi Pathian in ziangtluk sunglawi in a sersiam timi langter dingin pakhakhat tuah uh.

 

5.     Sam 139:13-18. Na nunnah ah zianghman lo ah na ruat awk can, man nei lo vekin na theih awk can a um maw, ruat sal hnik aw. Cutin na ruat awk can ah Pathian in ziangtluk sunglawi in a lo sersiam ih a lo duhdawt, a fapa neihsun a lo pek timi na ruat tel maw? Na hmuh tawn mi na group ah sim aw.

 

6.     Thuthangtha a cotu men siloin Thuthangtha palai na sinak in na nitin nun ziangtin a danglam ter?

 

7.     Na nitin nunah Pathian in a lalram palai dingah a lo kawhnak cu ziangtin na nunpi ding?

 

ĉ
Hre Mang,
Dec 6, 2016, 10:22 AM
Comments