Clinic ah na feh ih na sibawi (doctor) in na ei in na thleng lole na thi ding, lo tisehla ziangtin na ruat ding?
A hnuailam Kawhhran sinak phun 5 pawl ni Kawhhran pakhat ah sinak pakhat hnakih tam a um thei, a zaten a um thei; hi sinak nei Kawhhran pawl cu an thleng awk lole tui hnu kum rei lo te ah an cemral ding, an tawp ding.
Vanduai thlak takin atu vek dinhmun asile kum rei lo te ah Kawhhran pa 3 ah pakhat an cemral ding.
1. A Hram a hnget nawn lo.(shallow root)
Himi Kawhhran pawl cu Pathian thutak ah a hngat aw nawn lo; nunphung men vekin biak nak pawlkom awknak fangfang in a cangvai mi asi. Zumnak thurin hram hnget ah a dinhmun a thum aw nawn lo; thli hran nak nakah a sawn duldo mi asi.
2. Mai hlawknak ruat member (self-entittled)
Members pawl in an umnak Kawhhran in anmah rian dingah an ruat. Kawhhran in an lung a awi ter lo tikah an phunzai. An umnak Kawhhran in Pathian duhmi tuah hnakin anmai duhmi ngah nak, an mai lungawinak thupi sawn ah an ruat.
3. A sezawng lungput (Negative critical)
Pathian Thuthangtha zum lo tu hnenah an sim suak mi hnakin anmah kawhhran sungah relsiat soisel awknak a tam sawn. Pathian thutak phuansuah mi hnakin thusia an ka ihsin a suak tam sawn.
4. An theih lo sungah milem bia ah an cang.
An theih lo sungah biak nak sakhua sal sungah an tang. An tuah kel, tikel, sakhua biaknak dan, milai tuah cawp mi sal sungnah an taang. An biak mi cu Pathian si sawn loin anmai tuah cawp biak nak pawlkom nunphung sawn asi.
5. Thuthangtha karhzainak ah an tel nawn lo.
Kawhhran member pawlin zum lo tu hnenah rundamnak Thuthangtha an sim nawn lo. Local church sungah anmai lungawinak, mibur hmuihmel tuah tha ding lawng an ruat thupi bik mi asi. Pathian ram karhzainak hrangah Kawhhran member pawl anmah rori an tel nawn lo.
Hmin Sin: America ramah Kawhhran biakinn 7000 tluk kumtin an khar ti asi. Kawhhran thar dinmi kumkhat ah 4,000 tluk asi tiah statistics latu pawl in an sim.
Nangteh, na umnak Kawhhran a thi ding maw?
By Dr. Thomas Rain
Dec. 26, 2016 posted on thomrainer.com
(A tawizwng in laktawi mi asi)