FALAM CHRISTIAN CHURCH OF INDIANAPOLIS (FCCI)

SUNDAY SCHOOL: SENIOR-session 4

Feb 3^rd, 2013: 9:30-11.00 AM,

Zirhtu: Pastor Hre Mang

Pathian in milai a sersiam tikah amai hmuihmel kengin amai hmin sunloihtu dingah a sersiam vekin amai milai hnenah tuanvo a pek vekin milai zapi ten nung ding kan si. Cutin sersiamtu ih tumtah vekin ziangkim sersiammi um ding tikah thlawsuah malsawm famkim tertu asi.

I.      Timtuah cia ding:

1.       Bible siar: Seemternak bung 1 le bung 2. (a biktakin - 1:1-5; 1:26–2:3; 2:18-25)

2.       Bible zohlo siar ding: Seemtiernak 1:26-2:3

3.       Zirbu siar: pp10-17

II.    Zirngah dingmi pawl 

1. Pathian in sersiammi ziang hmuahhmuah tlunah thuneihnak hmuahhmuah a nei (God has all power and authority over His creation) (Gen. 1:1-5).

2. Pathian in milai cu amai hmin sunloihtu dingah a sersiam (God desires to be glorified by human beings) (Gen. 1:26–2:3).

3. Pathian in milai pehtlaih awknak sung ihsin a mizia in theihter (God reveals His nature through the creation of human relationships) (Gen. 2:18-25).

III.   Thusuhnak saang aw;

1.      Pathian “eng” a umter thu in  ihsin ziang na zir ngah mi a um? Na nitin nunah “eng” na hmuhmi in ziang a lo zirh?

2.      Seemtirnak cabu ngantu, Moses in sersiamnak thu in zirh duhmi ziang asi pei?

3.      Na nunnakah Pathian a um asi, Pathian duhdawt zangfahnak theihfengnak, hmuhtawnnak na nei maw? Ziangtin?

4.      Pathian in milai a sersiam tikah thildang a sersiammi hnakin ziang a danglamnak a um?

5.      “Pathian hmuihmel kengin sersiam” timi cu ziang si a sim duhsan? Na nitin nunah ziangvek caan, dinhmunah, Pathian hmuihmel na langter theu? (Khawruahdan, lungput, tongkam, tuahnak, tvp)

6.      Na nunnak ah Pathian hmuihmel (Pathian ih sinak ) thawn a kalh aw mi ziang a um? Na nunnak mi in an zoh tikah Pathian hmuihmel an hmu thei ding maw? Ziangtin a tu hnakin Pathian hmuihmel bang sinsin dingin na zuam ding?

7.      Tirllians arsi (stars/planet) sersiamtu Pathian in amai hmuihmel kengin a lo sersiam timi na theih tikah na lungsungah ziangtin na ruat ih na nitin nunah ziang danglamnak a neither? Ziangruanga a lo ngai pawimawh asi pei tiah na ruat?

8.      Milai zokhal Pathian hmuihmel kengin sersiammi an si ti na theih tikah midang parah na pehtlaihnak ziang a danglam ter?

9.      Ziangkim leitlunah na tuah mi pawl cu Pathian ih tuanvo pekmi asi ti na theih tikah ziang a danglam ter?

10.  Pathian in Eden dumah Evi le Adam, nupa, insang hmaisa bik a rak tuah mi thu na theih ruangah milai insang dindan, nupi pasal neih awkdan pawl na ruahdang ziang a danglam ter?

IV.  Program sungtel

Praise N worship; thlacam; video clips; Bible siar; lecture; group discussion and presentation.