KA DUHDAWT LO AHCUN Mi pakhat ka duhdawt lo ahcun a thatnak hnakin a siatnak ah ka lung a awi sawn. Ka duhdawt lo ahcun a siatnak thu rel nuam ka ti, ih mi in an thangsiatnak thu theih nuam ka ti. Ka duhdawtmi cu an sualnak le palhnak ka humhim ih mualpho lo dingin ka bawm; ka duhdawt lo tikah a mualpho nak ding ka bawh ringring ih an mualpho nak thu ausuahpi cu Ka rawl thu bik asi. Ka duhdawt lo ahcun a siatnak le tlamtlin lonak cu amah thangsiatnak ah ka ret ringring. Ka duhdawt lo ahcun amah thawn um tlang nuam ka ti lo ih a hlatnakah um nuam ka ti. Ka duhdawt lo ahcun a mah huatu pawl thawn um nuam ka ti. Ka duhdawt lo ahcun a siatnak thu karhzaiter nuam ka ti. Ka duhdawt lo ahcun a thansohnak cu ka duh hrimhrim lo. Ka duhdawt lo ahcun amah cawimawinak cu ka hrangah kanthin zuntu asi. Ka duhdawt lo ahcun ti mualpho tengteng ka tum. Ka duhdawt lo ahcun amah hua tu le siatsuah duhtu pawl cu ka rualpitha ah an cang. Ka duhdawt lo ahcun amah thawn hna tuan tlang ding zianghman ka Nei lo, ka duh lo, nuam ka ti lo. Ka duhdawt lo ahcun amah duhdaw tu poh raal vekin ka zoh. Ka duhdawt lo ahcun a riahsiatnak ah ka lung a rak awi. Ka duhdawt lo ahcun ka lamtang ah ka ruat dahlo, duh khal ka duh lo. Ka duhdawt lo ahcun amai hmai ah ka tong mi le a um lo ah ka tong mi a bang aw thei lo: amah ka hmu le Tha zet vekin hmaitawn ah ka um ih a um lo ahcun a se thei bik in ka rel siat, amah relsiat thangsiatnak theih le ca ngan/siar nuam ka ti. Ka duhdawt lo ahcun a palhnak ngaidam ka Tum lo: a palh nak cu amah thangsiatnak le mualphohnak hrang ka cerek tha bik asi. Ka duhdawt lo ahcun amah tel loin Hnatuan nuam ka ti. Ka duhdawt lo ahcun in duhdawtnak khal ka theihthiam sak thei lo. Ka duhdawt lo ahcun ka hrang thiltha a Tuah mi khal a sezawng hlir in ka hmuhsak. Ka duhdawt lo ahcun amah siatsuahnak thang ka kam ih awk ka tum ringring. Duhdawtnak ka neih lo ahcun Pathian ta ka si lo ti ka fiang. Pathian in a duhdawtmi ka duhdawt thei lo ahcun vanramah Pathian thawn um tlang ding ka silo ti ka fiang. Pathian in a duhdawtmi ka duhdawt thei lo ahcun Pathian thawn tuan tlang ding ka nei lo: Pathian in leitlun mi zapi ten a duhdawt theh fawn. Ka duhdawt lo ahcun Pathhian thawn um tlang thei ka silo: Thawng inn sung um misual pawl tla Pathian in keimah vek thotho in a duhdawt asi. Duhdawtnak ka neih lo ahcun thiltha ka Tuah mi hnakin tam sawn ka siatsuah ringring. Ka duhdawt lo cun thleidan ka Nei ringring: lamtang ka Nei ringring. Ka duhdawt lo cub duhbul huatbul ka Nei ringring: ka duhmi ka porh ih ka huatmi ka nan thla ringring. Duhdawtnak ka neih lo ahcun mitcaw ka si ih Khawthim lakah ka vak rero asi: ziangtik ah ka ke sitin ka tlu ding ti ka thei lo. Duhdawtnak a tlasam mi ka insang, ka Khua le ram cu a rawp duahdo mi suntam bu vek fang asi. Duhdawtnak ka neih lo ahcun biaknak lam ka zuamnak pawl cu mahlemah bum awknak men a rak Si. Duhdawtnak tel lo cun ka cem: Pathian hnawmpung (hellram) ah hlawn thlak ding lawng ka hmailamah i hngak. Aw, duhdawtnak lo cun, mi vanduai ka va Si so! |
WELCOME TO MY PAGE > 2013 Cahram >